Umorea nagusi Eskoriatzako III. Ti Tau Film Laburren Rallyan

| Ikusi handiago | Argazki originala

Eskoriatzako Eingeinke taldeak III. Ti Tau Umorezko Film Laburren Rallya egingo dau abenduaren 15ean. Lehiaketea goizeko 9:30ean hasiko da, eta 19:00etarako lanak amaituta egon beharko dabe. Izen-emotea zabalik dago.

Aurtengo rallyak umorea izango dau protagonista, antolatzaileek adierazo dabenez, tristezia eta hondamendiak modan dagozan garai honeetan umoreari eta alaitasunari merezi dauen lekua emon nahi deutsagulako.

Izen-emotea eta lehiaketearen ganeko oinarriak, aurreko urteetan lez, www.eingeinke.org webgunean ipini ditue.

Abenduaren 15ean, 9:30etik 10:30ear egingo jakie harrerea lehiakideei Ibarraundi museoan, eta gaia be orduan emongo da. Gaia objektu bat izango dala aurreratu dabe antolatzaileek. Horrezaz gan, herriko se leku edo ezaugarri be banatuko ditue, eta horeetatik gitxienez hiru agertu beharko dira film laburrean.

Taldeek goiz osoa eukiko dabe grabazinoa egin eta irudiak editetako. Antolakuntzeak argindarra eta edizinorako mahaiak ipiniko ditu. Euskerearen presentzia derrigorra da, lanak euskeraz edo euskerazko azpitituluekaz aurkeztu behar dira.

Lanak 19:00etarako amaitu beharko ditue. Filmak USB memoria batean entregauko dira. Epaimahaiak pelikulak ikusi ostean, 21:30ean, lan guztiak proiektau eta sariak banatuko ditue.