Bizkaie!

'Getxo, akordaten naz 2' dokumentalaren estreinaldia maiatzaren 13an Andra Mariko eleizan

Bizkaie! 2010-05-10 15:41 Barriak

Udalaren 10.000 euroko dirulaguntzinoagaz, UK, Uribe Kostako aldizkariaren produkzinoa da lana, Aitor Gisasolak zuzenduta. Fredi Paiak egin ditu alkarrizketak eta lekukoen aukeraketea, gure nagusien oroimena gordeteko helburuagaz.

Interneten dago honezkero Patxi Salaberriren 'Izen ttipiak euskaraz' liburua

Bizkaie! 2010-05-10 15:05

Euskaltzaindiak Patxi Salaberriren 'Izen ttipiak euskaraz' liburua euskarri digitalean eskaintzen dau Iker/Jagon-tegiak atalaren barruan. Argitalpen digital hori Iker Saileko Onomastika-Exonomastika azpiatalean kontsultau daiteke, Akademiako iturriek jakinarazo dabenez.

'Eztabaidak Literatureagaz' Bilbon, erotismoak euskal literaturan dauen lekua ardatz hartuta

Bizkaie! 2010-05-10 13:54 Kulturea

Bilboko Udaleko Kultura eta Hezkuntza Sailaren ekimenari esker, erotismoak euskal literaturan dauen lekuari buruzko topaketea izango da maiatzaren 11n, Edorta Jiménez idazlearen eta Jasone Osoro idazle eta kazetariaren eskutik. Ekitaldia euskeraz izango da, eta aldibereko itzulpena egongo da.

'Valhalla rising' film luzeak irabazi dau autengo FANT lehiaketea

Bizkaie! 2010-05-10 13:46 Barriak

Pablo Malok, Carlos Juárezek eta Izibene Oñederrak osotu daben Bilboko XVI. Zinemaldi Fantastikoko epaimahaiak Nicolas Winding Refn zuzendariaren 'Valhalla rising' filmari emon deutso Film Onenaren FANT Saria. Lana Danimarkaren eta Britainia Handiaren arteko produkzinoa da. Epaimahaiaren eretxiz, film luze horrek era errealistan hurreratzen gaitu Erdi Arora.

Maiatzaren 10etik 15era, Europako zinema onenaren 20 film emongo ditue Bilbon, Donostian eta Gasteizen

Bizkaie! 2010-05-10 11:49 Barriak

Eusko Jaurlaritzako Kultura Sailak MEDIA programearen Euskadiko ordezkaritzeagaz lankidetzan antolatutako Europar Zinemaren Astearen jomuga Europako Eguna ospatzea da, Europako ikus-entzunezko produzino onenaren ikuspegi osoa ikusleei erakutsiz.

Eñaut Intxaurraga nagusi Arratian

Bizkaie! 2010-05-10 11:45 Bertsolaritzea

Ehun lagun bueltan batu ziran atzo Zeanuriko kultur etxean jokatutako Arratiako Bertsolari Txapelketako finalean eta buruz burukoa Iñaki Iturriotzegaz jokatu ostean, Eñaut Intxaurragak jantzi dau txapela laugarrenez.

Alboka 2.1, albokearen 'erreboluzinoa'

Bizkaie! 2010-05-07 15:51 Musikea

'Albokak 2.1 Bizialdi berria - Upgrade' izenburuko disko-liburu-CD-ROMa, sormen lanak, euskal kanta eta folk munduko kantuen egokitzapenak zein albokearen errepertorioko soinuak eta gazteleraz, ingeleraz eta euskeraz garatutako 92 orrialdetan zehar, tresna bera eta bere baliabide estetiko-musikalen inguruko artikuluak batzen dituan lan potoloa aurkeztu dabe gaur Bilbon.

»» Ikusi argazki guztiak (3)

Guggenheim Bilbao Museoak Zero Espazioa zabalduko dau bagilean

Bizkaie! 2010-05-07 12:43 kulturbiz

Guggenheim Bilbao Museoak bagilaren erdialdera zabalduko dauen orientazinorako gela honen helburua da bisitarientzat topaleku bihurtzea eta horreek erakundeagaz lehenengo hartu-emonak izatea.

Bilboko Udal Musika Bandak Areatzako kioskotik Zabalguneko eraikinera eroango dau udabarriko kontzertuen zikloa

Bizkaie! 2010-05-07 11:05 Musikea

Euskalduna Jauregian udagoien-neguko denporaldiko kontzertu zikloak izandako arrakastearen ondoren, Bilboko Udal Musika Bandak udabarriko denporaldia hasiko dau gaur, hilak 7, eta Zabalguneko eraikinean emongo ditu kontzertuak Areatzako kioskoa ordezkatuz, Bilboko erdiguneko pasealekuan egingo dituen lanakaitik.

Alex eta David Pastorrek jaso dabe zinemagile gazteen talentua saritzen dauen Fantrobia saria

Bizkaie! 2010-05-07 10:31 Barriak

Fant Bilboko Zinemaldi Fantastikoak ibilbide bikaina izan leikien zinegile gazteen talentua saritzeko banatzen dauen Fantrobia saria Alex eta David Pastor zuzendari katalanei emon jake aurten.

Bilboko banda barri bik joko dabe Turinen

Bizkaie! 2010-05-06 17:48 Musikea

Wild Thing eta Último Día talde bilbotarrek Turineko Student Performing jaialdian joko dabe maiatzaren 8an (zapatua), Enplegu, Gazteria eta Kirol Sailak Turineko Udalagaz sinatutako hitzarmenari esker.

»» Ikusi argazki guztiak (2)

Bertsolari Gaztetxuen Eguna Getxon maiatzaren 14an

Bizkaie! 2010-05-06 15:46 Bertsolaritzea

Getxon, Areetako Andrés Isasi Musika Eskolan izango da hitzordua goizeko 10:30etatik aurrera. Bertan, Getxon Hezkuntza Arautuaren barruan Bertsolaritzea ikasten daben LH 5 eta 6. mailetako ikasleek parte hartuko dabe. Horrez gain, Balendin IV. Bertso-Paper Lehiaketako sari banaketea be egingo da.

Maiatzaren 7an zabalduko da Kultur Leioan Antonio Mingoteren inguruko erakusketa barria

Bizkaie! 2010-05-06 15:40 Kulturea

Maiatzaren 20tik 23ra bitartean ospatuko dan Umore Azokako bisitariek, mende erdi luzez prentsan egunerokotasuna bere marrazkiakaz aztertu izan dauen artisteari bere lagunek eginiko omenaldia ezagutzeko aukerea izango dabe.

'Korrika' ekimena egingo dabe Irlandan eta Bretainian, bertako hizkuntza gitxituen alde

Bizkaie! 2010-05-06 15:12 Euskerea berbagai

Euskerearen alde AEK-k antolatzen dauen Korrika ekimena mundu zabalera zabaltzen dago, eta hainbat hizkuntza gitxituk hartu dabe adibidetzat. Aurten egin dabe lehenengoz gaelikoaren aldeko Korrika Irlandan, 'Rith 2010' dalakoa.

»» Ikusi argazki guztiak (2)

Gaur jasoko dau Irati Jimenezek Beterriko Liburua Saria

Bizkaie! 2010-05-06 11:15 sariak-autortzak

Sari banaketa ekitaldia Amasako kultur etxean egingo da gaur, hilak 6, arratsaldeko 19:30etan.

Eskualdeko euskerearen berezitasunak eta bizimodu tradizionalak batzen dituan eskola materiala aurkeztu dabe Getxon

Bizkaie! 2010-05-05 18:22 Euskerea berbagai

Uribe Kostako azpieuskalkiaren aberastasun guztia jaso eta zabaltzea eta euskaldun zaharren hizkuntza ondarea (lexikoa, fonetikoa…) eta ondare etnografikoa (bizimodu tradizionalak, kantak, bertsoak, ipuinak…) zabaltzea helburu dituan 'Zer ikusi, ha ikasi' proiektuaren eskola materiala aurkeztu dabe gaur.

»» Ikusi argazki guztiak (2)

Juan Larrea poeteari buruzko berbaldia Bilbon, bere heriotzearen 30. urteurrenean

Bizkaie! 2010-05-05 11:31 jardunaldiak

Bidebarrietako Liburutegiko ekitaldi aretoak, 'Juan Larrea. Poesía y Exilio' izeneko hitzaldia-solasaldia jasoko dau gaur, maiatzak 5, arratsaldeko 19:30etatik aurrera. Ekitaldi horren bitartez, orain 30 urte erbestean hil zan eta Espainiako abangoardiako poesiaren ordezkari garrantzitsuena izan dan Juan Larrea poeta eta pentsalari bilbotarraren pertsona eta lana hurreratuko jaku.

Euskereagazko atxikimendutik konpromisora igarotzeko deia egin dau Paul Bilbaok

Bizkaie! 2010-05-05 11:12 Euskerea berbagai

Paul Bilbao Kontseiluko idazkari nagusi barriak euskereagazko atxikimendutik konpromisora igarotzeko deia egin deutse herritarrei, eragile sozial, politiko eta sindikalei eta erakundeei, hizkuntz normalizazioaren prozesuan aurrerapausu bat emon eta bizkortzeko.

Jantzea eta argazkigintzea izango dira ikusgai Bilbon 'Show Gela' programearen saio barrian

Bizkaie! 2010-05-05 11:03 jardunaldiak

Egitarau honen bitartez, ikusleek aukerea dabe artearen hainbat arlotako sorkuntza prozesura hurreratzeko. Programea hilebete bakotxeko lehen eguenetan izaten da, gaueko 20:00etatik 23:00etara. Eguen honetako saioan, 15 eta 20 urte bitarteko bost artista gazteren lanak ezagutzeko aukerea izango da.