'Sexumuxu' sexu-hezkuntzea eskoletan zabaltzeko programea aurkeztu dabe

| Ikusi handiago | Argazki originala

Sexumuxu ekimena Derrigorrezko Bigarren Hezkuntzako 3. eta 4. mailako ikasleei zuzendutako Afektu eta Sexu Hezkuntzako programea da. UPV/EHUko Psikologia Fakultadean aurkeztu dabe, Javier Gómez Zapiain Psikologia Fakultateko irakasle eta programearen zuzendariak, eta Josean Pinedo Hezkuntza, Unibersidade eta Ikerketa Saileko Gipuzkoako Lurralde Ordezkaritzako Hezkuntza Barriztatzeko arduradunak.

Eusko Jaurlaritzako Osasun eta Konsumo eta Hezkuntza, Unibertsitate eta Ikerkuntza sailek eskatuta abiatu zan proiektua. Sexu-hezkuntzea eskolan integretea da ekimaneran helburu nagusia. Konpetentzietan oinarritzen da eta, besteak beste, DBHko hirugarren eta laugarren mailetako ikasleei zuzendutako bideo-jolas interaktiboa eskaintzen dau. Eremu bi dagoz, bata ikasleentzat, eta bestea irakasleentzat.

Sexu eta Ugalketa Osasunari buruzko Legeak (abortu legea izenez, ezagunagoa), oraindino indarrean danak, aginte publikoak bultzatu zituan euren esku zituen baliabide guztiak erabiltera osasun sexuala sustatzeko eta nahi ez diran haurdunaldiak saihesteko. Eusko Legebiltzarrak jarraibideoi kasu eginez, Eusko Jaurlaritzeari eskatu eutson Afektu eta Sexu Hezkuntzarako Programa bat osotzea, eguneratua eta informazino eta komunikazino teknologia barrietara egokitua. Horren emoitzea da aurkeztu barri dan materiala.

Proiekturen haritik ondoko emoitzak sortu dira: Sexualidadea Euskal Autonomia Erkidegoko nerabezaroan. Sexu jokabidearen profilak eta sexu hezkuntzearen egoera EAEko derrigorrezko bigarren hezkuntzan izenburuko txostena; Sexu hezkuntzraren integrazinorako irakasleen gidea; eta, Sexumuxu aplikazinoa, bideojoko interaktiboa. Materialaren inguruko argibide gehiago: www.uhinbare.com