Willis Drummond taldeak 'A ala B' diskoa aurkezteko bireari ekin deutso

Willis Drummond taldea hasi dau A ala B (Bidehuts) disko aurkezteko birearen erdi-erdian dago. Barikuan, abenduak 14, Tolosako Bonberenean joko dabe, eta ostean hainbat zuzeneko ditue.

Taldearen laugarren diskoa da A ala B. Hamar kanta barri batu ditu Baionako laukoteak. Karlos Osinagak eta Iñigo Irazokik grabau zituen Tolosako Bonberenean, eta nahasketea Burke Reidek egin eban Torontoko Bronco estudioan. Bandeak lan handia egin dau estudioan, soinua asko jagon dabe.

CDaren edizinoaz gan, LP formatuan be argitaratu da eta bertsio digitala be deskargau daiteke bandcamp plataformearen bidez, willisdrummond.bandcamp.com gunean.

Jurgi Ekizak (ahotsa eta gitarrea), Xan Bidegainek (baxua eta koroak), Rafa Rodrigok (gitarra eta koroak) eta Felix Buffek (bateria, perkusinoa eta koroak) osotzen dabe Willis Drummond. A ala B beharraren aurretik beste hiru kaleratu zituen: Anthology, 2007an; Willisdrummond, 2009an; eta, Instanteak, 2011n.

Abenduaren 14an Tolosako Bonberenerean jo ostean, ondoko zuzenekoak ditu laukoteak: urtarrilaren 4an, Gasteizko Helldoradon; 5ean, Iruñeko Akelarren; 10ean, Bilboko Kafe Antzokian; 12an, Londresko Oxford Housen; eta, 18an, Miarritzeko Atabalan.

Ikusi argazki guztiak handiago