Abesbatzen Gabonetako Kontzertuak Bilboko bederatzi eleizatan

| Ikusi handiago | Argazki originala

Deustu, Castaños, Santutxu, Zazpi Kale, Atxuri, Abando, Basurtu eta Errekaldeko bederatzi eleizatan izango dira Abesbatzen Gabonetako Kontzertuak. Programea Bilboko Udaleko Kultura eta Hezkuntza Sailak antolatzen dau urtero, Bizkaiko Abesbatzen Alkarteagaz alkarlanean.

Aurtengo edizinoan, zikloak 26 talde alkartuko ditu, eta danen artean ehun kantu baino gehiago abestuko ditue. Abesti horreen artean, Gabonetako kantak eta euskal abesti herrikoiak izango dira nagusi, bai eta munduko beste leku batzuetakoak be, antolatzaileek jakinarazo dabenez.

Emonaldi guztiak dobakoak izango dira, eta lehenengoa bariku honetan, abenduaren 14an, arratsaldeko 19:30etik aurrera izango da, Zazpi Kaleetako San Anton eleizan. Lehenengo kontzertu horretan Euskeria Abesbatzak, San Anton Abesbatzak eta Deustoarrak Abesbatzak kantauko dabe. Ondoren, 20:15ean, Atxuriko Gizakundearen eleizeak umeen eta gazteen abesbatzen saioa hartuko dau, Seber Altube Korala (Gernika), Lirain Txiki (Gorliz), MmUK Abesbatza (Mungia) eta Tantak Korala (Mungia) taldeakaz.

Programeak helburu bi ditu: alde batetik, Bilboko abesbatzei egun horreetan urian parte hartzeko aukerea eskaintzea eta, beste alde batetik, edozein edade eta auzoko herritar guztiei abesbatzen betiko musikaz gozetako aukera eskaintzea Gabonetan. Holan, taldeek, konposizino klasikoz osotutako emonaldiak eskainiko ditue, abesti herrikoiak eta eleiz musikea batuz.

Gabonetako Kontzertuak

Abenduak 14

- San Anton eleizan (Zazpi Kaleak), 19:30ean, EUSKERIA ABESBATZA + SAN ANTON ABESBATZA + DEUSTOARRAK ABESBATZA

- Gizakundearen eleizan (Atxuri), 20:15ean, SEBER ALTUBE KORALA + LIRAIN TXIKI + MMUK ABESBATZA + TANTAK KORALA

Abenduak 15

Karmelo eleizan (Santutxu), 20:30ean, OTXOTE BILBAO ARGIA + SAN INAZIO ABESBATZA

Abenduak 20

Arrosarioaren Amaren eleizan (Errekalde), 20:30ean, MIKEL DEUNA ABESBATZA + URRETXINDORRAK ABESBATZA

Abenduak 21

Asisko San Frantzizko eleizan (5. Parrokia - Abando), 19:30ean, OTXOTE LUR MAITEA + EMITENIA GANBERA ABESBATZA + JATORKI ABESBATZA

Abenduak 22

Sortzez Garbiaren eleizan (Sabino Arana- Basurtu), 19:30ean, BIZKAIKO INJINERUEN ABESBATZA + SANFRAN KORUE + OTXARKOAGAKO ABESBATZA ELKARTEA

Abenduak 27

San Pedro eleizan (Deustua), 20:00retan, ARS VIVA ABESBATZA + ARRAIZPE ABESBATZA + BILBOKO GANBERAKO ABESBATZA ETA ORKESTRA

Abenduak 28

Jesuiten Egoitzan (Urkijo Zumardia- Abando), 19:30ean, GAUDEAMUS HODIE ABESBATZA + BEGOÑAKO SUSTRAIAK + INMAKULADAKO ABESLARIAK

Abenduak 29

Salbatore Parrokian (Fontecha eta Salazar - Castaños), 20:00retan, MENDASKI ABESBATZA + GARAIZARKO MATZORRRIAK ABESBATZA+ LAGUNDI ABESBATZA

Informazino gehiago: www.kulturabarrutik.net