100 musika emonaldi baino gehiago aurtengo Aste Nagusian, doban
2010-06-28 18:14 Musikea
Musika estilo guztietako 100 ekitalditik gora iragarri ditue baina deigarrienetakoa Igor Yebra jantzariarena izan daiteke. Aurten, lehenengo aldiz Euskadin, sekulako ballet ekitaldia kalean ikusteko aukerea izango da eta gainera doban.
'Borrokatu eta irabazi' Hesian taldearen lan barria zuzenean
2010-06-28 15:53 Musikea
Hamaika abestik osotutako diskoa da eta aurreko lanetan legez, amorrua eta itxaropena islatzen dabe abestiek. Hasieran ezarri eta aukeratutako norabidea jarraitzen dau taldeak, aldaketa esanguratsuak gehitu ditualarik. Duda barik, disko hau aurrerapausu garrantzitsua da taldearen soinua eta izakerearen sendotze bidean.
'Helduen euskalduntzea eta etorkinak Ipar Euskal Herrian' lana argitaratu dau Euskaltzaindiak
2010-06-28 14:27 Euskerea berbagai
Herritarrentzat motibazino nagusiak dira euskaldunen arteko komunikazinoa (% 29), nortasunaren adierazpena (% 22) eta euskal kulturea bereganatzea (% 16). Etorkinen motibazino nagusiak dira euskaldunakaz komuniketea (% 25), euskal kulturearen jabekuntza (% 22) eta integrazinoa (% 18).
Udal liburutegi sareak 'Udako Liburutegiak' jarriko ditu martxan Bilboko parke eta ugerlekuetan
2010-06-28 13:44 kulturbiz
Joan dan udan 14.000 lagunek parte hartu eben ekimen horretan. Bertan, liburuak eta aldizkariak jarriko ditue danon esku, eta irakurketea sustatzeko jarduerak egongo dira umeentzako.
Euskerearen erabilerea sustatzeko esperientzia pilotu aintzindaria egin da Berrizen udal beharginen artean
2010-06-28 12:34 Euskerea berbagaiBerrizko Udalak indarrean daukan euskerearen erabilerea sustatzeko planaren barruan, esperientzia pilotu aintzindaria egin da udal beharginen artean. Danetara, 21 lagunek parte hartu dabe. Helburua, udal langileek euren arteko egoera informaletan euskera gehiago erabiltea izan da.
40.000 lagun gaur San Mamesen AC/DC-ren bira erraldoiari amaierea emoteko
2010-06-28 11:54 Musikea
San Mames ganezka egongo da gaur talde australiarraren erritmoakaz gozetako. Arratsaldeko 18:00etan zabalduko ditue ateak baina zaleak atzotik dagoz ateetan zain eszenatokiaren aurreko lehenengo lerroa atrapetako asmoz. 'Black Ice Tour' birako azken kontzertua izango da Bilbokoa eta zurrumurruren arabera, taldearen azken agurra izan daiteke.
Azkena Rock 2010 jaialdiak marka guztiak hausi ditu
2010-06-28 11:09 Musikea
Antolatzaileen esanetan, inoiz baino lagun gehiago batu ditu aurtengo edizinoak. Danetara, 44.433 lagun izan dira hiru egunetako kontzertuetan.
Isaki Lacuestak zabalduko dau dokumental garaikidearen inguruko ikastaroa Bilbao Arte eta Kulturan
2010-06-28 10:45 jardunaldiakIsaki Lacuesta zinegileak zabalduko dau gaur, bagilak 28, 'Lurraldeak eta mugak. Esperientzia dokumental garaikideak' izenburuko ikastaroa. Euskal Herriko Unibersidadeak antolatzen dituan Bilbao Arte eta Kultura (BAK) uda ikastaroetan sartzen dira jardunaldi horreek. Hilaren 28tik 30era, Bizkaiko Foru Liburutegian da hitzordua.
XX. mende hasierako 27 itsasontzi klasiko ikusgai Getxoko Sea Week-Itsas Astearen azken txanpan
2010-06-25 15:16
'Itxas Egurra Haizean' antxinako itsasontziak berreskuratu eta zaintzeko ardurea dauen alkarte getxotarrak antolatuta, erakusketeak XX. mendearen hasierako 27 itsasontzi klasiko ikusteko aukerea eskainiko dau.
Ikerbide euskal egoera ekonomikoari buruzko datu-basea sortu dau Eusko Jaurlaritzeak
2010-06-25 14:59
Eusko Jaurlaritzako Ekonomia eta Plangintza Zuzendaritzeak Ikerbide datu-basea argitaratu dau eta ondoko helbidean deskargau daiteke. Ikerbide datu-base moldaerraz eta erabilgarria da, euskal egoera ekonomikoa aztertzeko garrantzitsuenak diran serie ekonomikoak batzen dituana.
'Bizi-bizirik' Gozategi taldearen barriena plazan
2010-06-25 14:36 Musikea
Trikitixa erritmoak nagusi izan arren, ohiko musikariez aparte, tronpeta, tronboi eta saxoz osotutako atalak eta bibolin, perkusino edo zenbait programazinoek haize barritzen dabe 'Bizi-bizirik' izeneko lan hau.
Haizetara, Fanfarre, Banda eta Kale Musikarien Nazinoarteko Lehiaketea Zornotzan 25etik 27ra
2010-06-25 13:55 Musikea
Aurten aukeratutako taldeak: Zephyrologie (Frantzia), What Cheer? Brigade (AEB), Brassafrik (Belgika), Samenakoa (Frantzia-Alemania), Fantomatik Orchestra (Italia), Club Era (Hungria), La Bandraste (Frantzia) eta Broken Brothers Brass Band (Euskadi). Horrezaz gan, beste bi talde konbidau ditue: Zaparrada batukadea eta Saguzaharrak fanfarrea.
Andrius, Egoi eta Rasita ondo etorri!
2010-06-25 12:53 Euskaldunak munduan
RagaineII abenturea azken txanpan sartu da eta haizearen laguntzinoagaz, datorren domekan, bagilaren 27an, eguerdi aldera helduko dira Bermeoko portura.
Txakolinak eta Errioxako ardaoak protagonista Londresen
2010-06-25 12:26 Jan edanak
Erakusketea Eusko Jaurlaritzeak antolatu dau, eta garagarrilaren 7an izango da Londresko 'Lord's Cricket Ground' egoitzan. Hurreratzen diranek, 35 euskal ardaogile baino gehiago ezagutzeko aukerea izango dabe, baita Errioxako azken ardao bereziak eta txakolina probetako aukerea be.
Kiss talde beteranoa izango da izarra gaur Azkena Rock-en
2010-06-25 12:09 Musikea
Azkena Rock Festivalaren lehenengo egunean, atzo 9.124 lagun batu ziran, besteak beste, Gov't Muleren, Kitty, Daisy & Lewis taldearen eta The Hold Steady, Th' Legendary Shack Shakers eta The Jim Jones Revue-ren erritmoakaz gozetako.
EHUko Zientzia eta Teknologia Fakultadean egindako doktoretza-tesi batek Glenn Brown 2010 saria jaso dau
2010-06-25 10:41
Ibon Alonso Villanuevak 2004ko iraila eta 2008ko zemendia bitartean egin eban tesia, EHUko Zientzia eta Teknologia Fakultadeko Kristal Likidoen Taldean, Cesar L. Folcia eta Josu Ortega irakasleek ikuskatuta. Lanaren ondoren, 11 argitalpen egin dira nazinoarteko hainbat aldizkari ospetsutan.
XXVII. Ertibil erakusketa ibiltaria aurkeztu dabe
2010-06-24 15:55 Kulturea
Ekitaldian Ertibilen 2010eko edizinoan saritu dituen hiru artistarik bi izan dira: Itziar Barrio (margolaria) eta Begoña Anton (argazkilaria); Nadia Barkate (margolaria) be saritua izan da baina ezin izan dau etorri.
AlhóndigaBilbaok aizkolari txapelketea antolatu dau, bideo-joko baten bitartez, Arriquibar plazan
2010-06-24 15:22
Hurrratzen diranek aizkolari moduan dituen trebetasunak erakutsi ahal izango ditue, enborrak modu birtualean moztuz, ekitaldi honetarako berariaz preparautako bideo-joko parte-hartzaile dibertigarri batean.
Guggenheim Bilbao Museoko Fundazioaren Patronatuaren bilerak makinatxu bat barrikuntza dakarz
2010-06-24 15:00 kulturbiz
Bisitarien kopurua aurreko urteetako mailan mantendu da, nahiz eta munduko egoera ekonomikoa gogorra izan. Aitatzekoa da igazko ekitaldiagaz konparauta, 10 puntu egin dauela gora atzerriko bisitarien kopuruak, batez be, Frantziatik etorritakoenak, eta horreek dagoeneko bisitari guztien % 24 dira.
Ken zazpi taldearen disko barria urte amaierarako izango da plazan
2010-06-24 14:39 Musikea
Lehenengo bost abestien grabazinoa Iñaki Uohoren (Platero y tu, Extremoduro...) estudioetan egin da eta Rafa Sardinak gidatu ditu produkzino-lanak. Ganerako kantuen grabazinoa, barriz, garagarrilean zehar amaituko da, Haritz Harreguyren Hi Gain estudioetan. Gero, Los Angelesen (AEB) amaituko ditue lan barri honen nahasketak eta masterizazinoa.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...