Tick-ek % 60ko deskontuak eskaintzen ditu Zineuskadiko zinema-aretoetan

| Ikusi handiago | Argazki originala

Tick kultur klubak akordio bat sinatu dau Zineuskadi eta 12 zinema-aretoen artean bizi dogun krisi sasoian filmak ikustea % 60 merkeago izan daiten. Akordio honi esker, 12 zinema-aretok deskontua eskainiko dabe Tick txartela erakutsita. Eta txartela nominatiboa izan arren, bi lagunentzako abantaila eta deskontuak dituanez, persona berezi horri zinemara konbidatzeko momentu egokia da hau.

Hanekek kontautako maitasunezko istorio saritua galdu nahi ez badozu, Anthony Hopkins Hitchcocken papelean ikusi nahi badozu, komedia erromantikoak gustuko badozuz, El lado bueno de las cosas filmaz zeozertxu entzun badozu, Django desencadenado film eztabaidatuari buruz zeure eretxia emon gura badozu, animazinozko filmak maite badozuz eta oraindino Los Croods ikusteko aukerarik izan ez badozu, Tick klubak, Euskadiko 12 zinema-aretoen lankidetzeagaz, proposamen berezi hau eskaintzen deutsu. Kartelera ondo aztertu eta % 60ko deskontua lortzeko hurrengo aretoetako bat aukeratzea besterik ez dozu: Bizkaian, Barakaldo Antzokia (Barakaldo), Torrezabal Aretoa (Galdakao), Zornotza Aretoa (Amorebieta-Etxano), Getxo Zinemak (Getxo), Torrebillela Aretoa (Mungia) eta Zugaza Aretoa (Durango); Gipuzkoan, barriz, Antiguo Berri (Donostia), Cines Príncipe (Donostia), Cines Trueba (Donostia), Gurea Antzokia (Villabona) eta Cines Coliseo (Eibar); Araban, Cines Florida (Gasteiz).

Aitatu areto barri horreekaz batera Tick-en zinema eskaintzan dagoeneko parte hartzen daben beste gune batzuk dagoz: Nestor Basterretxea Aretoa (Bermeo), Herriko Antzokia (Elgoibar), Amurrio Antzokia eta Cineclub Fas, besteak beste. Tick-egaz alkartu barri diran beste gune eta agenteen artean hurrengoak doguz: Le Bukowski (Donostia), Get In, Bloody Mary, Live Nation, Fina Estampa, Music Bus, Bilboko Euskal Museoa, Valle Salado de Añana eta Durangoko San Agustin Kultur Gunea.

Tick txartela

Urte osoan antzerkira, kontzertuetara, zinemara edo operara joateko beherapenak eta eskaintza bereziak ditue Tick Txartela eskuratzen dabenek. TICK txartela nominatiboa da baina bi personentzako abantailak eskuratzea ahalbidetzen dau beti. Biak eukiko ditue klub honek eskaintzen dituan abantaila eta beherapen guztiak (aurreko edo momentuko sarreren erosketan, zozketak, artistakaz topaketak, kultur- bideak, pack bereziak…). Tick txartel mueta bi dagoz: oinarrizko Tick (32 euro urtero) edo Tick (52 euro urtero). Bi txartelen arteko desbardintasuna zera da: bigarrenak bi-hilebetero eskaintza eta abantaila guztiak batzen dituan aldizkari bat eta ondoetorria emoteko pack bat (bertan bi sarrera doban dagozalarik) dituala.