Badatoz Bad Sound System taldearen zuzenekoak 'Aldaketa' lana aurkezteko

Bizkaie! 2013-02-20 10:31 Musikea

Datorren zapatuan, hilaren 23an, Kalera Rock jaialdiaren barruan, Durangoko Landakogunean kontzertua emongo dau Bad Sound System taldeak Aldaketa lana aurkezteko. Hortik aurrera Urduña, Hendaia, Arroniz, Trapagaran eta Lesaka dira hurrengo hitzorduak.

Euskal Herriko hip hop eta reggae eszenaren aitzindari, musika estilo hau maite dabenentzat nahitaezko erreferente bilakatu dira ia 10 urtez egindako ibilbide luze zein oparoan. Euren zuzeneko indartsuakaitik ezagunak, gitxi dira gure herrian hirukote bilakatutako talde honek oraindino zapaldu ez dituen eszenatokiak.

Pasa dan abenduaren 5 ean, euren hirugarren diskoa Aldaketa kaleratu eben Bonberenea ekintzak zigilupean. Betiko indarragaz hornidutako 12 kantu topauko ditu entzuleak, kontzientziak astintzeko prest. Krisia sortu dabenen kontrako salaketa zuzen batetik abiatu eta berbearen indarraren garaipenera.

Bad Sound System taldearen zuzenekoak

2013/02/23 Durangoko Landakogunean (Bizkaia) - Kalera Rock.

2013/03/02 Urduñan (Bizkaia).

2013/03/09 Hendaian (Lapurdi).

2013/03/16 Arronizen (Nafarroa).

2013/04/06 Trapagaranen (Bizkaia) - Localplay aretoan.

2013/04/13 Lesakan (Nafarroa) - Gazte Eguna.

Ikusi argazki guztiak handiago