Bizkaiko Aldundiak I+G+B-ko proiektu bat abiarazoko dau Omako basoko margolanakaz
2013-07-16 18:16 kulturbiz
Kontserbazinoa eta zaharbarritzea izango ditu ardatz proiektuak, eta lau alderdi landuko ditu; alde batetiik, obrako materialak, artelanean dagozan narriatzeak eta esku-hartzean aplikau beharreko erispideak ikertu eta zehaztuko dira. Ondoren, konserbazinorako eta zaharbarritzerako erabagitako tratamenduak gauzatuko dira.
300 ekitalditik gora Bilboko Aste Nagusian
2013-07-16 15:45
Bilboko Udalak publiko, gustu eta adin guztietarako egitaraua eskainiko dau Aste Nagusian, danetara 300 ekitaldi. Itziar Urtasun Jai Batzordeko presidenteak prentsaurrekoan nabarmendu dauenez, kalidadea, aniztasuna eta dobakotasuna dira egitarauaren ardatz nagusiak.
Korrontzi taldeak zemendiaren 8an aurkeztuko dau 'Tradition 2.1' disko barria Basaurin
2013-07-16 15:40 Musikea
Korrontzi folk talde bizkaitarrak (Mungia, 2004) 2013ko zemendian argitaratuko dau lan barria, Tradition 2.1 izenburukoa. Taldearen laugarren diskoa izango da. Korrontzik tradizinoa eta folklorea gaurkotasunagaz lotuko dau. Herrialde askotan egin dira grabazinoak eta bertako kulturak txertatuko dira disko barrian.
Garabide alkarteak 'Hezkuntza-Euskararen berreskuratzea IV' lana aurkeztu dau
2013-07-16 14:50 Euskerea berbagai
Orain dala lau urte abiatutako egitasmoaren laugarren atala aurkeztu barri dau Garabide alkarteak, Hezkuntza-Euskararen berreskuratzea IV liburua eta dokumentala, hain zuzen be. Alberto Barandiaran lanaren egileak eta Andoni Barreña Garabideko presidenteak aurkeztu eben beharra bart arrastian, Eibarko UEUren egoitzan.
Musiketxeak sareak euskal musika talde barriei zuzendutako deialdiaren azken egunak
2013-07-16 12:48 Musikea
Sareak 3 helburu nagusi ditu: Zuzeneko musikako aretoetan proiektu soziokulturalak sustatu eta garatzea; Euskal Herriko musikari barrien harrobi sendo bat eratzea; eta artista horreen egitasmoak zabaldu eta ikusgai egitea. 2013ko deialdian izena emoteko epea garagarrilaren 22an amaituko da.
Erabagi dira Bilboko Udalak antolatutako 2013ko XXV. Bilbainada Lehiaketearen irabazleak
2013-07-16 11:49 Musikea
2013ko XXV. Bilbainada Lehiaketako epaimahaiak, Txaro San Juanen eta Fernando Ibarraren Patrimonio botxero lanari emon deutso gaztelaniazko bilbainada onenaren saria. Euskeraz idatzitako bilbainadarik onenari emoten jakon saria, barriz, José María Larrazabalek idatzitako Bilbo sorleku berezia lanak jaso dau.
'Euskaraz bizi nahi dut' film laburren lehiaketea martxan dago
2013-07-15 18:46 Barriak
Kontseiluak Euskaraz bizi nahi dut film laburren lehiaketea prestau dau bigarren aldiz. Izen bereko dinamikearen barruan kokatzen da ekimena. Igazko lehiaketeak harrera ona izan eban, eta aurtengoak be bide bera segidutea espero dabe antolatzaileek.
'Euskal Gramatika. Lehen Urratsak – VII (Perpaus jokatugabeak)' liburua sarean
2013-07-15 18:00
Euskal Gramatika. Lehen Urratsak — VII (Perpaus jokatugabeak) liburua sarean jarri dau Euskaltzaindiak, eta Akademiaren webgunean konsultau daiteke, hemen.
Bilbao BBK Livek 105.000 lagun batu zituan astegoienean Kobetamendin
2013-07-15 15:47 Musikea
Ia 105.000 lagun batu ziran astegoienean Bilbao BBK Live jaialdian, 104.405, hain zuzen be. Antolatzaileek balorazino oso positiboa egin dabe, eta bederatzigarren edizinoaren datearen barri be emon dabe, 2014ko garagarrilaren 10etik 12ra bitartean.
Lekeitioko 24. Nazinoarteko Kale Antzerki Jaialdia: zeruko jantzak eta hamaika istorio harrigarri
2013-07-15 15:18 Kulturea
Ikusle kopuruari jagokonez, nabarmendu behar da zapatuko antzerkizale uriolea. Ikuskizunak lepo bete ziran eta giro ezin hobea izan da asteburuan zehar. Aurten, danetara 18.000 ikusle batu dira kale-arteez gozetako. Kulturea Lekeitioko garapen ekonomikorako aktibo garrantzitsua dala argi geratu da beste behin be.
38 taldek joko dabe Bilbo Hiria Pop Rock Lehiaketan
2013-07-15 14:59 Musikea
Bilborock aretoan izango da aurten be Bilbo Hiria Pop Rock Lehiaketea, eta musikearen arloko espezialistek osotutako epaimahaiak daborduko aukeratu ditu zuzenean joko daben 38 taldeak. Zuzeneko emonaldiak uda ostean hasiko dira.
Infernua eta deabrua izango dira aurtengo Gorefest jaialdiko protagonistak
2013-07-15 11:40 Barriak
Zinemearen alderik ilunena eta gore generoa gogoko dabenek Bermeon daukie hitzordua barikuan, hilak 19. Infernua eta deabrua izango dira 13. Gorefest jaialdiaren protagonista nagusiak, euren ganeko pelikulak proiektauko ditue eta.
Ruaille-Buaille taldeak irabazi dau Ortigueirako Jaialdiko lehiaketea
2013-07-15 11:20 Musikea
Epaimahaiaren eretxiz, ondokoak izan dira Barakaldoko Ruaille-Buaille taldea irabazle aukeratzeko arrazoiak: musika-kalidadea, teknikea, Europa Atlantikoko musikak bateratzeko gaitasuna eta bertaratutako entzuleak piztu eta altzarazoteko ahalmena.
Nobedadeak ugari Sopelako XIV. Lasterketa Nudistan
2013-07-12 15:51
Garagarrilaren 20an izango da aurtengo Sopelako Barinatxe hondartzako Lasterketa Nudistea. Aurtengoa XIV. edizinoa izango da, eta aurreko urteetan legez, Patxi Ros sari honetan kirolari eta nudista ugari batzea espero da (ehundik gora).
'Zatoz euskarara', matrikulau zaitez Bizkaiko euskaltegietan
2013-07-12 14:39 Euskerea berbagai
Zatoz euskarara kanpainearen helburu nagusiak bi dira: batetik, helduen matrikulazinoa sustatzea Bizkaiko euskaltegietan 2013-2014 ikasturtera begira, eta bestetik, euskaltegietan arian-arian euskalduntzen diran herritarrak eta gizataldeak animetea euskerea eguneroko bizimoduan erabil deien euskaltegitik kanpo, edozein gizarte-esparrutan.
Cristina Lucasek 'On air' erakusketea aurkeztu dau Bilboko Rekalde aretoan
2013-07-12 11:49 Kulturea
Cristina Lucasek hegaz egiteko aspaldiko amesa hartu dau abiapuntu Rekalde aretoan zabaldu barri dauen On air erakusketea atontzeko. Menpekotasun eta podere tresnei buruz egin dauen gogoetearen emoitzea urriaren 13ra arte egongo da ikusgai Bilbon.
Euskal Herriko Gazte Orkestreak Tchaikovskyren 5. sinfonia landuko dau udako denporaldian
2013-07-12 11:36 Musikea
Euskal Herriko Gazte Orkestreak aurtengo udan egingo dauen topaketea bere historiako osoenetako bat izango da prestakuntza-eskaintzeari jagokonez. Holan, Carl Maria Von Weberen Der Freischütz (Oberturea) eta P.I. Tchaikovskyren 5. sinfonia landuko ditu.
Euskereagazko jarrera linguistikoak neurtzeko galdetegi barri bat sortu dabe EHUn
2013-07-12 10:59 Euskerea berbagai
DBHko ikasleek euskereagazko dituen jarrera linguistikoak zein hizkuntza hori ikasteko daukien motibazinoa aztertu ditu Urtzi Ruiz de Azua irakasleak Euskal Herriko Unibersidadean (EHU) aurkeztu dauen doktore-tesian.
Jabi Santa Cruz erandiotarrak 'Baso ilun itoan' liburua kaleratu dau
2013-07-11 17:56 Kulturea
Blas de Otero-Bilboko Uria saria irabazi eban Jabi Santa Cruz idazle erandiotarrak 2011ko edizinoan, euskerazko modalidadean. Orain, Bilboko Udaleko Kultura eta Hezkuntza Sailak eta Erein argitaletxeak bere lana kaleratu dabe, Baso ilun itoan.
Garaiko Udalak Zubiaurretarrak gogoratzeko ekitaldiak antolatu ditu
2013-07-11 15:47
Lehenengoa datorren garagarrilaren 13an, zapatuan, Garai herriko eraikin desbardinen aurrealdeetan egingo dan Zubiaurretarren begietatik izenburuko argazki-erakusketearen hasierea izango da. Erakusketea Zubiaurre anai margolariek XX. mende hasieran Garai herri bizkaitarrean hartutako 12 formatu handiko argazki erraldoiek osotzen dabe.
Aurreko artikuluarekiko interesatuta nau euskal aditza trinkoak liburu hau erosteko. Erraidazuek mesedez prezio ta zenbat orrialde kopuruak dabez
»» Aditz trinkoa batuan, bizkaieraz eta ...