Bizkaie!

The Stiffs punk eta power pop talde ingelesak Bemeon eta Donostian joko dau

The Stiffs punk eta power pop talde ingelesak bi kontzertu eskainiko ditu Euskal Herrian. Lehenengoa Bermeoko Nuntxaku zentroan izango da, zemendiaren 25ean, eta bigarrena Donostiako Mogambo aretoan, 26an.

Testuinguru artistikoa batuko dauen 'Eremuak' programea aurkeztu dau Jaurlaritzeak

Arte garaikidearen inguruko ezagutzea sustatzea, ezagutza hori gizartean zabaltzea eta, batez be, artistearen izenaren edo sinadurearen ganetik testuinguru artistikoak eratzea helburu dauen Eremuak izeneko programea sortu dau Eusko Jaurlaritzearen Kultura Sailak.

XI. Portugaleteko Zortzikoteen Nazinoarteko Jaialdia zemendiaren 17tik 21era

Helburua, munduan diran zortzikoteen herrialdetako kulturea, folklorea, errepertorioa eta ezaugarriak zabaltzea da. Zortzikoteena a capella mailan munduan dan adierazpen artistikorik bakarrenetakoa da, Euskadin ez eze -zortzikote izena hartzen dabe taldeek 1930tik- baita beste hainbat herritan be. Nazinoartean ez da ezaugarri berekorik existiduten.

Antonio Altarriba katedradunak 2010eko Komiki Sari Nazionala irabazi dau

UPV/EHUko Literatura Frantseseko katedradun Antonio Altarribak (Zaragoza, 1952), Kim ilustratzaileagaz batera, 2010eko Komiki Sari Nazionala jaso dau, El arte de volar lanagaitik. Altarriba, UPV/EHUren Gasteizko Letren Fakultadean irakasle eta ikertzaile izateaz gan, idazlea eta gidoigilea be bada.

Euskera Saria emongo da lehenengoz Getxon, Euskal Kulturearen Jardunaldietan

Aurtengo nobedadea Euskera Saria, euskerearen erabilerea babestu, sustatu edo zabaltzeko zereginetan nabarmendu diran erakunde, alkarte edo personeari emongo jakon saria da.

Matematiken eta literaturearen arteko hartu-emonak aztertuko ditue Bilbon

Reyes Calderonek eta Antonio J. Duranek matematiken eta literaturearen artean dagozan hartu-emonei buruz hitz egingo dabe, existiduten baldin badira, eta literaturearen historiako lanetan agertu diran erreferentzia matematikoak gogoratuko ditue. Horrezaz gan, matematikak literatur lan baten edukiaren zati izatera mugatzen diran ala lan horren egiturearen parte be badiran aztertuko dabe.

UPV/EHUk eta Bizkaiko Aldundiak kultura zientifikoa sustatuko dabe euskal gizartean katedra barri bategaz

Katedreak euskal uritarren artean kultura zientifikoa eta teknologikoa zabalduko dau. Hain zuzen be, gaur egun gertatzen ari diran bilakaera zientifiko eta teknologikoak zabalduko ditu eta zientziaren berezko balioa igorriko dau, bai gure garaiko adierazpen kultural legez, bai gizarte ongizate eta kohesinorako iturri legez.

Eusko Jaurlaritzeak Zinexit antolatu dau, alkarbizitzarako zine erakusketea

Eusko Jaurlaritzako Giza Eskubideen Zuzendaritzeak Zinexit jarri dau martxan, alkarbizitzarako zine erakusketea. Bere lehenengo edizinoa Bizikidetasun Demokratikoa Sustatzeko eta Indarkeria Deslegitimatzeko Planaren (2010-2011) barruan dago, eta bere asmoa zinemagintzearen bidez pedagogia sozial bat bultzatzea da.

Amets Arzallusentzat bigarrena

Amets Arzallus hendaiarra nagusitu da Donibane Lohizunen egin dan 2010eko Xiberoa, Lapurdi eta Baxenabarreko Bertsulari Txapelketaren finalean.

Odei Barroso urruñarragaz buruz burukoa jokatu ostean irabazi dau txapela Arzallusek.

Zinebiexpress film laburren lehiaketearen hirugarren edizinoa hastear dago

Mundu osoko zuzendariei eta teknika eta arte taldeei zabalik dagoan Zinebiexpress film laburren lehiaketeak bere hirugarren edizinoa egingo dau aurten. Izen-emotea bihar izango da, zemendiak 13, Bilboko Zabalgune eraikinean, goizeko 9:00etatik 10:30era, eta une horretan jakinarazoko da film laburren gaia.

Danetara, 44 enpresa eta erakundek jaso dabe Bikain Ziurtagiria

Bikain Euskerearen Kalidade Ziurtagiriak banatu ditue asteon Donostiako Kursaal Jauregian. Danetara, 44 erakundek jaso dabe ziurtagiria; horreetatik 19k goi-mailako urrezko Bikain lortu dabe; 14k tartekoa dan zilarrezkoa eta gainontzeko 11k oinarrizkoa (baltza). Lurralde banaketeari jagokonez, enpresa horreetatik 23 Bizkaikoak dira, 15 Gipuzkoakoak eta 6 Arabakoak.

Sasoi bateko eta egungo bertsolariak, alkarlanean, Getxon

Getxon, Algortako Bertsolari Eskoleak (ALBE) antolatuta, Jose Luis Gorrotxategi eta Imanol Lazkano bertsolariek euren eskarmentu handia erakusteko aukerea izango dabe bariku honetan, zemendiak 12, 21:00etan, Algortako Piper's taberna irlandarrean, Bihotza Gazte izeneko emonaldian. Kupela taldeak osotuko dau kartela eta sarrerea dobakoa da.

Berri Txarrak taldearen bilduma diskoko kantu zerrendea erabagita dago

Berri Txarrak taldeak diskorako aukeratu dauen izenburua honakoa da: Denak ez du balio - SINGLES 1997-2007.

Aitatu lana CD+ DVD euskarrian kaleratuko da zemendiaren hirugarren astean.

Berrizko leku-izenen mapak kultur etxean erakusgai jarri dira herritarren ekarpenak jasoteko

Orain dala bi urte ekin eutson Berrizko Udalak proiektuari, baina azken urtebetean hasi da emoitzak jasoten. Euskaltzaindiaren tutoretzeagaz, bekadun bi ibili dira landa-lana egiten, jenteari galdezka, artxiboetan kontsultetan eta gaur egun zelan erabilten diran jasoten. Amesa Berrizko leku-izenak zehaztea da eta, beraz, auzo, mendi, erreka, leku eta baserrien izenak batu dira.

Xabier de Felipe-Arkaitz Mendoza Duok lehenengoz joko dau jentaurrean

Hitzordua datorren zapatuan, hilaren 13an, Arabako Araian izango da, Andra Mari Aretoan, Urte Hondarreko Musikaldiaren Programazinoaren barruan. Kontzertua arratsaldeko 20:15ean hasiko da.

'Cuarenta dias de mayo' lana aurkeztu dau Mikel Alvira nafarrak

Mikel Alvirak (Iruñea, 1969) gaur aurkeztu dau Bilbon zazpigarren nobelea dauen Cuarenta dias de mayo Ttartalo argitaletxearen eskutik. Emozinoa eta tentsinoa dira nagusi, nobela baltzetik zein historikotik asko dauen liburuan.