Musikea

Folk Getxo BBK 2010, XXVI. Nazinoarteko Folk Jaialdia irailaren 9tik 12ra

Areetako Geltokia plazan, 20:30etan izango diran saio nagusiei jagokenez, hilaren 9an, Oysterband talde mitikoa arduratuko da jaialdiari hasierea emoteaz.

Esne Beltza deskantsu barik!

Euskal Herria osoaz gan, taldea Londres, Japonia edo ta Alemanian ibili edo ibiliko da eta, beraz, Esne Beltzaren jantzarako musikeak gure mugak hausi dituala esan daiteke.

Xabier de Felipe bilbotarrak Gustav Mahler Jugendorchester orkestreagaz joko dau Europako hainbat uritan

Gustav Mahler Gazte-orkestrea 1986an sortu zan Vienan, Claudio Abbado zuzendariaren ekinbidez, eta geroztik bere ospea sendotu baino ez da egin, egun munduko gazte-orkestra onenen artean kokatu arte.

Horthy talde nafarra saritu dabe New Yorkeko Zinema Jaialdian

Taldeak hiru bideoklip aurkeztu ditu jaialdian ('Floctis' eta 'Puedo sin ti', Naxo Leuzarenak, eta 'Peter Pan', Ana Frescorena) eta bai kantea, bai bideoklipa, artista estatubaturrakaz, kanadarrakaz eta europarrakaz izan dira lehian, aurrekontu handiagoko artista entzutetsuakaz, berbarako, Joan Collinsegaz eta Brandon Hannanagaz.

The Kooks taldeak disko berria kaleratuko dau 2011ko hasieran

Taldeak aldaketak izan ditu (Chris Prendergast baterian eta Pete Denton bajuagaz) eta kanta barriek soinu barria izango dabela aurreratu dabe. Diskoa Londresen eta New Yorken grabau dabe Jim Abbiss ekoizleagaz (Arctic Monkeys, Kasabian, Editors).

Michel Camilo jazz latino piano jotzaileak lau kontzertu eskainiko ditu Euskadiko Orkestra Sinfonikoagaz

Honeek dira kontzertuen datak: irailaren 7an Bilboko Arteria Campos Eliseos Antzokian, 8an Iruñeko Baluarten, 9an Donostiako Kursaalen eta 10ean Gasteizko Antzoki Zaharrean. Ruben Gimeno izango da zuzendaria.

Audience taldeak egin dau 'Amerikanuak' dokumentaleko soinu-bandea

Nacho Reig eta Gorka Bilbao dokumentalgileek 90 minutuko lana egin dabe Ameriketako Estadu Batuen mendebaldean, Elkon (Nevada) bizi diran euskaldun etorkinen egunerokotasuna erakusteko.

Euskadiko Orkestra Sinfonikoak monografiko bat grabauko dau Gubaidulinaren omenez

Sofia Gubaidulina musikagilea Euskadiko Orkestrako kideakaz izan da egunotan, baten eta bestearen obrak batuz, Miramonen egiten dabizan monografikoaren grabazinoan parte hartzeko. Ekimen horretan, Sieben Worten lanak be entzun ahal izango dira.

Lehenengo BBK Jazz jaialdia egingo dabe irailean Bilbon

Lau eguneko jazz jaialdia izango da datorren hilean Biboko BBK aretoan, irailaren 10ean, 11n, 17an eta 18an. BBK Jazz izenburupean, besteak beste, Iñaki Salvador, Carlos Velasco, Teresa Zabalza, Jon Robles eta Mikel Bikandiren errezitaldiak entzun ahal izango dira.

Kurt Cobain, Leonard Cohen, Kiko Veneno eta Ian Curtis musikarien ganeko dokumentalak eskainiko ditue Artiumen

Pedro Barbadillok egindako Dame Veneno dokumentalagaz edegiko dabe zikloa, barikuan. Kiko Veneno musikariaren bizitza eta ibilbide musikala aztertzen dau dokumentalak. Kiko Venenoren musikeaz gan, Amador anaiena entzun ahal izango da, eta Espainiako underground giroaren eta auzo txiroetako giroaren erakusle da dokumentala.

Berri Txarrak taldearen kanta ezagunenak batuko dituan lana, urrirako

DENAK EZ DU BALIO. SINGLES 1997-2007 CD+DVDan, Lekunberriko taldeak zigilu nafarragaz lan egindako hamar urteen (2007 arte) laburpena egingo dabe.

Festilasai jaialdia izango da zapatuan Miarritzen

Londreseko underground munduko Foreign Beggars rap taldea, Angeluko Butterfly Patrol rock alternatiboa egiten dauen bandea, Baionako Pleben taldearen metala eta Montpellierko (Frantzia) Marvin taldearen soinu elektronikoak entzun ahal izango dira. Hamar euroren truke guztia.

Fitok Shangain emongo dauen kontzertua Bilbon emitiduko dabe zuzenean

Fito eta bere Fitipaldiak Shangaiko Erakusketa Unibertsalean izango dira zuzenean abuztuaren 22an eta talde bilbotarrak ezin izango dauenez Aste Nagusian egon, modu birtualean, behintzat, berton izango dirala iragarri dau. Txinan taularatuko daben ikuskizuna Bilboko Areatzan jarriko dituen pantaila erraldoietan ikusi ahal izango da zuzen-zuzenean.

Aitor Goikoetxea bateria-jotzaileak Berri Txarrak taldea itxi dau

Gasteizko jaietan emondako zuzenekoan iragarri eban Gorka Urbizuk barria. Hain zuzen be, Urbizu da Berri Txarrak taldearen hasierako garaietatik geratzen dan taldekide bakarra. Galder Izagirrek hartuko dau lekukoa.

Limp Bizkit taldeak girotuko dau Gaztea irratiaren sorrerearen 20. urteurrenaren harian antolatutako jaia

Santana 27 aretoan egingo den 20. urteurreneko kontzertuko ateak 20:00etan zabalduko ditue. Zuzeneko horreetarako sarrerak bihar, abuztuak 10, jarriko ditue salgai 25 eta 30 euroan.

John Lennonen 'denporearen kapsulea' egingo dabe, mitoa bizirik manteniduteko ekimena

Ekimena urriaren 8an egingo dabe eta, material guztia batuta, kutxa batean sartu eta modu hermetikoan gordeko dabe. Hiru hamarkadaz izango dabe holan, horregatik jarri deutse John Lennonen denporearen kapsula izena kutxeari.

Irailaren 14an argitaratuko dau Kaliforniako taldeak disko barria Epitaph Records diskoetxe independenteagaz

Weezer taldea oso oparo dabil azken urteotan. 2008an taldearen izen bereko diskoa kaleratu eben, 2009an Ratitude atara eben eta 2010ean, barriz, Hurley lanagaz bueltauko dira. Irailaren 14an jarriko dabe salgai.

Aste Nagusia Guggenheim Bilbao Museoan: 'Artea eta Jazza: Guggenheim Bilbao gauak'

Museoko Atrioa ezohiko jazz klub bihurtu eta estatuko zein nazionarteko izen handiko musika-taldeen emonaldiak izango dira. Horrez gan, hurreratzen diranek Museoaren erakusketez gozau ahal izango dabe.

Ken Zazpi taldeak izenburua jarri deutso honezkero estudioko lan barriari: 'Ortzemugak begietan'

Errusiako musika garaikidea izango da Donostiako Musika Hamabostaldiaren 71. edizinoko protagonista nagusia

Zapatuan, hilak 7, emongo deutse hasiera eta irailaren 3an amaituko da. Lau asteotan 80 emonaldi baino gehiago izango dira eta hainbat ekitaldi izango dira Gipuzkoako herrietan.