2011ko Aste Nagusiko Bertoko Pop Rockaren Erakustaldian musika estilo ugari eskainiko dira
2011-07-21 14:27 Musikea
Bilborocken egingo da beste urte batez Bertoko Pop Rock Erakustaldia, honezkero 26. edizinoa. Abuztuaren 20tik 27ra arte, arratsaldero, 20:00etatik aurrera, egunero bertoko Pop Rockeko banda bi agertokitik pasauko dira. Holan egingo dabe, programau diran 16 kontzertuak osotu arte.
Europako pop musika talderik onenak Miarritzeko Big Festivalen batuko dira
2011-07-20 14:00 Musikea
Lau egunez Europako pop musika talderik onenetakoak Miarritzeko Big Festivalen izango dira, garagarrilaren 20tik 23ra bitartean. Hirugarren aldiz, Miarritzeko hainbat aretok egitarau betea eskainiko dabe. Aurten, danetara, berrogei bat talde batuko dira.
'Bilbo Bilbo' eta 'Rincones de Bilbao' abestiek irabazi dabe XXII. Bilbainada Lehiaketea
2011-07-20 12:45 Musikea
Txaro San Juanen eta Fernando Ibarraren Rincones de Bilbao abestiak irabazi dau XXII. Bilbainada Lehiaketea, epaimahaiak jakinarazo dauenez. Lehenengo aldia da lehiaketea irabazten dabena. Euskerazko bilbainada onena, barriz, Karmelo Sarrionandiak eta Xabier Zamudiok idatzitako Bilbo Bilbo izan da. Sarituek 1.000 euro eta garaikurra jasoko ditue.
Berri Txarrak Independent Music Awards-en saritua
2011-07-20 12:41 Musikea
Bien bitartean, Berri Txarrak taldea disko barria preparetan dago eta zuzenekoak eskaintzen. Hurrengoak ondokoak izango dira: abuztuaren 4an, Getxon, Erromon, txosnetan; abuztuaren 6an, Arzuan, Galizian; abuztuaren 14an, Donostian, Saguesen; abuztuaren 15ean, Tafallan; eta abuztuaren 16an, Gernikan.
Afrikak eta Euskal Herriak bat egingo dabe Errobiko Festibalean
2011-07-19 14:59 Musikea
Errobiko Festibalaren hamaseigarren edizinoa garagarrilaren 21ean hasi eta 24an amaituko da, Itsasun. Aurtengo ohorezko konbidaua Afrika izango da. Afrika-Euskal Herria - Iturrien bideetan lemapean, kontzertuak, tailerrak eta erakusketak antolatu ditu Ezkandrai alkarteak.
'Dantza kontra dantza', jantzaz eta musikaz gozetako proposamen barria aurkeztu dau Oskorrik
2011-07-15 15:30 Musikea
Lagun batek aspaldi emondako partitura zahar batzuk izan dira Oskorriren Dantza kontra dantza lan barriaren abiapuntua. Juan Ignacio Iztuetak jasotako jantzak dira danak, baina Oskorrik moldatu eta egokitu egin ditu bere erara. Jenteak musikeagaz gozetea eta jantzan egitea; horrek dira talde bizkaitarraren helburu nagusiak.
Euskeraz eta udmurtieraz abesten daben taldeak eta Mary Black abeslariaren ilobea Liet International 2011ko finalean
2011-07-15 11:37 Musikea
Liet International 2011-ko epaimahaiak 20 hizkuntzetan idatzitako 40 abesti baino gehiago entzun eta gero 5 aukeratu ditu. Eta aukeratutako taldeak ondokoak dira: Noid (Karelia-ko Errepublika), Silent Woo Goore (Udmurtia Errepublika), Manam (Eskozia), Siroka (Euskal Herria) eta Aoife Scott (Irlanda).
103.083 lagun, inoizkorik jente gehien erakarri dau aurten Bilbao BBK Live jaialdiak
2011-07-11 11:24 Musikea
Egunik jentetsuena jaialdiaren lehenengo eguna, eguena izan zan, Coldplay kartelburuak jo eban eguna, hain zuzen be, 37.566 lagun batu ziran Kobetamendin. Bigarren egunean, Amy Winehousek itxitako hutsunea ez zan igarri eta Suedek jente piloa erakarri eban 30.127 lagun, hain zuzen be. Azken egunean, barriz, 30 Seconds to Mars, Jack Johnson, Black Crowes eta Chemical Brothers lako taldeakaz 35.390 lagun hurreratu ziran.
Carl Winter Trio suediar-danimarkar taldeak irabazi dau Getxoko Jazzaldiaren talde lehiaketea
2011-07-05 15:56 Musikea
Suedia-Dinamarkako Carl Winther Triok irabazi dau Getxoko 35. Nazinoarteko Jazzaldiaren Talde Lehiaketea. Bigarren saria Melquiades Quartet laukote frantziarrarentzat izan da eta Matthieu Chedevillek, azken talde horren saxo-jotzaileak eskuratu dau bakarlari onenari emoten jakon saria.
Euskal Herrian Zuzenean jaialdiak 20.000 lagun batu zituan Heletan
2011-07-05 15:43 Musikea
Hamaseigarren edizinoa izan dau aurtengo Euskal Herria Zuzenean festibalak. Antolatzaileek balorazino ona egin dabe, eta pozarren agertu dira 20.000 lagun batu ziralako Heletan garagarrilaren 1tik 3ra bitartean. Dagoeneko datorren urteko EHZn pentsetan dagozala adierazo dau Elixabet Aizager alkarteko arduradunak.
Goran Bregovic handia, Euskal Herria Zuzenean jaialdiako lehenengo kartelburua
2011-07-01 13:07 Musikea
Hiru egunez gustu guztietako musikazaleentzako hitzordu izango da Euskal Herria Zuzenean jaialdia. Kanpoko zein Euskal Herriko taldeek joko dabe Heletan, besteak beste, Anari, Ken Zazpi, Split 77, Xutik!, Goran Bregovic, Tiken Jan Fakoly, Iam, Le Prince Miiaou eta The Rodeo Idiot Engine bertan izango dira. Hiru egunetako sarrerea 55 euroan salduko dabe, Heletan bertan.
Pelukearen azpian dagoan Jose Antonio Nielfa erakusten dau La Otxoaren disko barriak
2011-06-30 15:43 Musikea
Oraingo honetan, La Otxoaren ohiko kolorea eta folklorismoa mugatuta dagoz eta bestelako baloreei emon deutse lehentasuna, barru-barruko sentimenduei eta aberastasun musikalari, esaterako. Hamar kanta daukaz diskoak eta horreetatik bederatzi abesti klasiko eta ezagunen bersinoak dira.
Aki Takase piano-jotzailea eta New Blues Project Getxoko XXXV. Jazzaldiari hasierea emoteko
2011-06-30 11:48 Musikea
Lehenengo egunean, Aki Takase (Biotz Alai plaza, 22:00etan) piano-jotzailea eta bere taldea, New Blues Project izango dira protagonista nagusiak. Horrezaz gan Ornetillos laukoteak joko dau Talde Lehiaketan (Biotz Alai plaza, 21:00etan) eta Quartetto Mínimo Hirugarren Milurtekoa sailean (Algortako Geltokia plaza, 19:00etan).
Mikel Markez kantaria disko barria grabetan dabil egunotan
2011-06-28 15:36 Musikea
Mikel Markez musikari errenteriarra disko barria atontzen dabil. Udagoienerako prest eukiko dauela jakinarazo dau, izan be hasi da grabazino saioak egiten Elkar estudioan.
Toulouseko Funky Style Brass taldeak irabazi dau Amorebieta-Etxanoko VI. Haizetara Lehiaketea
2011-06-27 11:12 Musikea
Adituen epaimahaiaren erabagiz Toulouseko Funky Style Brass taldeak irabazi dau lehenengo saria; Garonne ibaiaren ertzean jaiotako bederatzi musikarik osotutako taldeak estilo propioa darabil: FSB. Funkya, dancea, barreak eta freestylea, dana sartzen da. Eta horretarako, haizeak, perkusinoa, loopa, samplerrak… Saria: 10.000 euro.
Jazz estiloa nagusi, Kike Moraren 'Jazz Project' bakarkako lehenengo diskoan
2011-06-23 15:35 Musikea
Orain arte beste talde eta artista batzuentzat kolaborazinoak egiten ibili da Kike Mora, musika produkzinoaren munduan be ibilbide oparoa dauka. Jazz Project diskoagaz, baina, proiektu propioa egin gura izan dau, eta horretarako Baga Biga diskoetxearen laguntasuna jaso dau.
Bizardunak talde nafarrak estreinauko dau X. Azkena Rock
2011-06-23 11:18 Musikea
Bizardunak talde nafarrak estreinauko dau X. Azkena Rock Mendizabalan, 17:30ean. Festibaleko lehenengo egun honetako kartelburua, dana dala, Ozzy Osbourne izango da. Black Sabbatheko kantaria zanak hamabiak inguruan hasiko dau kontzertua. Zapatura bitartean, Gasteiz musikeaz gozetako leku aparta izango da.
GetxoJazz jaialdiaren eskutik abiatuko da Euskadiko jazz denporaldia
2011-06-21 15:41 Musikea
Garagarrilak 1ean hasten da Euskadiko jazz denporaldia Getxoko 35. Nazinoarteko Jazzaldiaren eskutik. Hilaren 5era arte Branford Marsalis, Chucho Valdés & The Afro-Cuban Messengers, Lee Ritenour, Dave Holland eta Aki Taksase New Blues Project musikari eta talde handiak etorriko dira Getxora.
Kanpoko eta bertoko usain eta zaporeak batu ditu Kepa Junkerak 'Ultramarinos & Coloniales' diskoan
2011-06-21 14:56 Musikea
Disko originala eta alaia egin nahi izan dau Errekaldeko musikariak oraingo honetan eta, horretarako, ultramarinoen denda tradizionaletan oinarritu da, leku bereziak dira denda horreek, bisualki eta eskaintzen daben familia giroagaitik, azaldu dau.
Abian da VI. Haizetara Kaleko Musikearen Nazinoarteko Lehiaketea, Zornotzan
2011-06-20 15:51 Musikea
Bagilaren 24an, barikua, abiatuko da aurtengo Haizetara Kaleko Musikearen Nazinoarteko Lehiaketea Zornotzan. Aurtengoa seigarren edizinoa izango da. Amorebieta-Etxanoko Udaleko kultura zerbitzuetarako Ametx erakunde autonomoak antolatu dau ekimena.
Nabarmenak
Barria barria be ez da,ezta?
Baina ona bai! Neure gustokue behintzet! eta aire barriak bai dakaz, tradizinoa eta oraingokoagoa...
»» Xiberoots, talde barria Baga-Bigan