Bilbaomusikak Musikearen Europako Eguna ospatuko dau

| Ikusi handiago | Argazki originala

BilbaoMusikak bilbotar zein kanpotar guztiak animau nahi ditu aurten be Musikearen Europako Eguneko ospakizunetan parte hartu deien gaur, barikua, hilak 21, kontinenteko beste 250 uriburutan egiten diran ospakizunakaz bat eginez. Udal Musika Eskolako ikasle eta irakasleen ondoan familiartean ekitaldi ederrez gozetako aukera parebakoa da. Hainbat ekitaldi antolatu ditue alkarregaz, bai BilbaoMusikako auditorioan nahiz kanpoaldean, eta egitarauak zenbait kontzertu eta Zumarraga plazan eskainiko dan ohiko erromeria tradizionala jasoten ditu. Ekitaldi guztiak publiko guztiarentzat dagoz zabalik.

Arratsaldeko 17:00etatik aurrera Sorkunde kaleko 8. zenbakian dagoan auditorioak, Sinfoniko eta Polifonikoen Saileko ikasleen emonkizunak jasoko ditu, Eskolako koru talde desbardinek egingo daben moduan. Guztiek batera Eskolako ikasleen udako oporraldiari ondo etorria emongo deutsie, ikuskizun horreekaz ikasturteko emonaldien egitaraua amaitutzat emongo dalarik.

Bestalde Zumarraga Plaza, aire librean eskainiko diran zenbait emonkizunen eszenatoki bihurtuko da, aurten Moderno Saileko neska-mutilek konbo emonkizun bat protagonizauko dabelarik. Musika estilo guztietako bersino propioak interpretauko ditue. Eta ondoren, Gorka Aginaga irakasleak prestau dituan neska-mutilen ahots taldea.

Amaiera ekitaldiari behar dan moduko agurra emoteko, Musika eta Jantza Tradizionaleko Sailak eskainiko dauen jantzaldia izango da, bertaratzen dan publikoari erromerian parte hartuz kalean dibertiduteko aukerae eskainiz.

Gainera Udal Bandeak be denporaldiko bere azken aurreneko kontzertua eskainiko dau Arenaleko Kioskoan, programako ohiko pasodoble eta zartzuela doinuak ez eze, Oskorriren kantu batzuk be joko ditu (19:30ean).