Getxoko Jazzaldiak garagarrilaren 3an abiatuko dau udako jazz denporaldia

Aurten be, Getxok abiatuko dau udako jazzaldien denporaldia, garagarrilaren 3an. Bertoko eta kanpoko 15 talde batuko ditu Getxoko XXXVII. Nazinoarteko Jazzaldiak, tartean Stacey Kent, Al Di Meola, Gonzalo Rubalcaba eta Wynton Marsalis.

Iñaki Saitua Getxoko Jazzaldiko zuzendariak, Koldo Iturbe Getxoko Kultura zinegotziak eta Gorka Martinez BBK Fundazinokoak aurkeztu dabe jazzaldia.

Kalitatea eta aniztasuna dira Getxo Jazzen ezaugarri nagusiak, Koldo Iturberen esanetan. Horrezaz gan, edizino honetan be banda hasi barriek ospe handiko taldeekaz batera izango dira. Getxon musikari ezagunek eta gazteek leku berean jarduten dabe, hori be bada gure jaialdiaren ezaugarri garrantzitsua, ganeratu dau.

Kontzertu nagusiak Bihotz Alai plazan egingo ditue, 21:00etan. Han joko dabe Ignacio Berroa Quartet, Stacey Kent, Al Di Meola World Sinfonia, Gonzalo Rubalcaba Trio eta Wynton Marsalis & Lincoln Center Orchestra taldeek, hain zuzen be. Eszenatoki berean izango dira talde lehiaketako lau finalistak: Bartosz Pernal & Michal Szkil Quintet (Polonia), Artur Tuznik Trio (Danimarka), Jan Feco Quartet (Txekia) eta Freeway Quintet (Polonia). Lehiaketea oso garrantzitsua dala nabarmendu dau Iñaki Saituak, horregaitik indartzen segiduten dogu. Irabazlek diru-saria jasoteaz gan, CDa grabauko dabe eta Hoeilaarteko Nazinoarteko Jazzaldian joteko aukerea izango dabe.

Hirugarren Milurtekoa atalean, talde gazteak doguz nagusi. Algortako Geltokia Plazan eukiko dabe agertokia Stromboli, Itxaso 5tet, Joaquin Chacon, De beren Gieren eta Nomadic Nature. Saio guztiak doban izango dira.

Getxoko XXXVII. Nazinoarteko Jazzaldiaren egitarau osoa, hemen.

Ikusi argazki guztiak handiago