Kulturea

Udal liburutegiek Liburuaren Eguna ospatuko dabe zineari eta literatureari buruzko gida bat oparituz

‘No siempre una imagen vale más que mil palabras’ gidan gomendatzen diran liburuak herritarren esku dagoz udal liburutegi sarean. Aitatu argitalpenez gan, ‘El jardinero fiel’, ‘No es país para viejos’, ‘Elegy’, ‘El velo pintado’ edo ‘Un poco de chocolate’ be (Unai Elorrietaren ‘SPrako tranbia’ filmearen bertsinoa) gomendatzen dira. Gidak amaitu arte banatuko dira doban.

Espido Freirek eta Rafael Chirbesek literaturearen ganeko eztabaidea eskainiko dabe gaur Bidebarrietan

Bilboko Udaleko Kultura eta Hezkuntza Sailaren 'Eztabaidak literaturarekin' ekimenaren saio barri bat izango da gaur, Espido Freireren eta Rafael Chirbesen arteko topaketeagaz. Bertaratutako irakurleakaz pasarte batzuk komentauko ditue saioan. Berbaldia Dani Alvarez kazetariak aurkeztuko dau, Bidebarrietako liburutegiko ekitaldien aretoan izango da 19:30ean eta sarrerea dobakoa izango da.

EAEko 60 ikastetxetik gorako ikasleek helduen eta gazteen alfabetizazinoa eskatuko dabe Liburuaren Egunean

'Liburu bat zabalduz, mundua eskura' goiburupean, mundu osoko persona helduen eta gazteen alfabetizazinoa aldarrikatzen da aurten, alfabetizazinoak pobreziaren aurka eta heziketarako eskubidea lortzeko bidean dauen zeregin garrantzitsuagaitik.

Egungo euskal poesiaren egoerea liburu batean laburbildurik

Jon Kortazar Euskal Herriko Unibersidadeko literatura katedradunak zuzendutako talde batek 1978tik 2001era bitarteko poesia lan esanguratsuenak batu eta eurei buruzko irakurketea egin dau. Helburua, generoaren historiaren barri emotea da.

Aurten lehenengoz EHGAMek 'Madelon Sariak' Literatura Lehiaketea antolatu dau

Literatura Lehiaketeari Xanti Altxu 'Madelon', EHGAM-Gipuzkoako fundatzaile izandakoaren izena emon deutsie, bera izan zalako Euskal Herrian gay, lesbiana, transexual eta beste adierazpen sexual batzuen (GLT+) mobimentuaren gizarteratzaileetako bat.

ADEL09, ArteDrama Euskal Laborategia Aulestin Apirilaren 14tik 18ra

Aurten be, Artedrama Euskal Laborategia (ADEL), arte eszenikoetan euskeraz lan egiten dabenentzako topagunea izango da; aktore, zuzendari, antzerkigile zein antzerkizale guztientzako urtero zabaltzen dan gunea. Profesional zein ikasleentzako bideratuta dago aurtengo edizinoa, beti be Euskal Herriko arte eszenikoetan buru-belarri dabilzanen arteko eztabaidak eta alkartrukeak sustatzeko asmoagaz.

Eremu urriko hizkuntzetako idazleek 'sortzeko egonaldiak' egin ahal izango ditue Pasaiako Hugoenea etxean

Idazlearen Etxea-Hugoenea ekimena gauzatuko dauen hitzarmena sinatu dabe eta, akordioaren arabera, Pasaiako Udalak (Gipuzkoa) etxebizitza txiki bat itxiko deutso EIEri, Donibanen, eta EIEk euskeraz edo eremu urriko beste hizkuntzetan (katalanez, galizieraz, bretoieraz, frisieraz eta abar) diharduen idazleen zerbitzura jarriko dau, bertan egonaldiak egiteko, beti be literatur sorkuntzea sustatzea helburu.

Lau Max sari euskal ordezkarientzat

'Superplast' lanak irabazi dau Euskarazko Antzerki Egile Onenaren saria, Errebelazino saria 'Hnuy illak' jaso dau eta Damian Muñoz dantzariak Dantzako Gizonezko Antzezle Onenarena. Azkenik, Paul Berrondok taldeko aktore onenarena jaso dau.

47 taldek 51 antzezlan aurkeztuko ditue 2009ko Leioako Umore Azokan

Edizino barri honetan, Leioako Umore Azokeak Euskal Herriko 16 konpainia, Estadu espainoleko 18 eta nazinoarteko beste 13 talde batuko ditu, antolatzaileek jasotako 470 proiektuetatik aukeratuak. Lau egun honeetan, 51 antzezlan ikusteko aukerea izango da horreen artean 17 estreinaldiak izango dira.

Antzerkiaren Nazinoarteko Eguna ospatuko dau Zirkuituak Bilbon

Augusto Boal brasildarrak idatzitako manifestuan, egunerokotasunean antzerkiak dauen lekuaz hausnartzen dau, goizeko kafe orduko momentutik hasi eta Senatuko saioetaraino, eta zer esanik ez batzuen aurrezpenetatik 'fikzino hutsa bilakatu dan' diruaren 'antzezpen txarraren enreduetaraino' doan krisian.

Irati Jimenezek bere lehenengo nobela luzea, 'Nora ez dakizun hori', argitaratu dau

472 lan aurkeztu dira X. Umore Azoka – Leioako Umorearen Kale Artisten Azokara

Umore Azoka — Leioako Umorearen Kale Artisten Azokeak bere hamargarren urteurrena ospatuko dau maiatzaren 21, 22, 23 eta 24an. Edizino barri honetarako, azokeak 472 proiektu jaso ditu, pasa dan urteko kopurua handituz.

Bilbaoeszenak antzezlanaren sormen prozesuko pausu guztiak jasoten dituan ikastaro bat antolatu dau

Helburua, antzezlan baten prozesuko pausu guztiak aztertzea da, ikastaroa emoten dauen konpainia honek egindako lan bat zehaztuz eta etapa bakotxa aztertuz.

Jabier Muguruza eta Alvaro Rabelliren barriena plazan

Jabier Muguruzaren 'Laura kanpoan da'- 'En ausencia de Laura' liburuaren gaztelaniazko itzulpena, Miren Ibarluzeak egindakoa eta Alvaro Rabelliren 'Euskera para Hispanohablantes / Espainoldunentzako Euskara' euskera metodoa aurkeztu ditue gaur Bilboko Fnac dendan, Atenea eta Euskal Liburutegi Elebidunaren eskutik.