Celine Duval frantziarraren erakusketea ipiniko dabe Bilboko Rekalde Aretoan
2015-09-21 11:20 Kulturea
Duvalek lehenengoz aurkeztuko dau Bilbon bere proiektua, 'Impresiones, paisajes' izenburukoa. Bere zeregina edizinoagaz lotuta dago, artelan barriak sortzeagaz baino gehiago. Izan be, urteak daroaz Duvalek paisajeak batzen, postalen, argazkien, albumen eta aldizkarietako errekorteen bidez. Irudien dekonstrukzinoa egitea da bere helburua. Irailaren 22tik zemendiaren 1era ikusi ahal izango da bere lana Bilbon.
'A matter of time' erakusketea, Bilboko Zabalguneko eraikinean ikusgai
2015-09-18 13:56 Kulturea
Bilboko Argazkigintza Garaikideko Zentroan dabilzan 14 ikaslek euren obrak erakutsiko ditue zemendiaren 30era bitartean zentroan bertan, Zabalguneko eraikinean, A matter of time- Denbora kontua izenburuko erakusketan.
Raisa Álavaren eta Ander Sagastiberriren 'Eta Carinae' erakusketeak ateak zabalduko ditu gaur
2015-09-17 15:25 Kulturea
Raisa Álavaren eta Ander Sagastiberriren Eta Carinae da Bizkaiko Batzar Nagusien eta Arte Eder Fakultadearen arteko erakusketa apustu barria, hori be, erakunde biek joan dan legealdian abiatu eben lankidetza programatik sortutakoa. Programa horren bitartez, EHUko talentu gazteek uriaren erdigunean lekua izango dabe euren sorkuntza lanak erakusteko.
'Wagner auziaz', musikagile alemaniararren ganeko liburua argitaratu dau Hedoi Etxartek
2015-09-17 12:41 Kulturea
Sarrera potoloan, besteak beste, ondokoa idatzi dau Hedoi Etxartek: Jesusen eta Napoleonen ostean, Richard Wagnerri (1813-1883) buruz idatzi da liburu gehien. Ez Hitler, ez De Gau-lle, ez Mao, ez Shakespeare, ez Cervantes, ezta Stalin be. Musikea da ikutu ezin dan, ikusi ezin dan eta berbarik ez dauen artea: barrenak bortitzen eta sotilen ikutzen dituana. Eta titan baten aurrean gagoz.
'Herliebe', Politiko-Poetikoa proiektuaren talde-erakusketea aurkeztu dabe Bilbao Arten
2015-09-16 15:20 Kulturea
Zortzi artistaren lanak batzen dira erakusketa horretan. Urriaren 2ra arte ikusi ahal izango da Bilboko Urazurrutia kalean, Bilbao Arte fundazinoaren egoitzako Kristalezko Patioan. Politiko-Poetiko proiektua 2012an abiau eban artista talde batek, artelanen izakera politiko eta poetikoan arakatzeko asmoz. Joan diran hileotan egitasmo horren barruan artistek euki daben hartu-emonaren emoitzea ikusi ahal izango da Herliebe erakusketan.
Durangoko Azokeak Ikasle Egunean parte hartzeko epea edegiko dau irailaren 21ean
2015-09-16 11:30 Kulturea
Danetara, goizeko 10:30etik aurrera ikasleentzat beren-beregi antolatutako 25 saio baino gehiago egongo dira, azokako postuetako ohiko eskaintzaz gan. Ganera, lehen aldiz, Durangoko Udal Bibliotekeak be Ikasle Egunean parte hartuko dau, stop-motion tailer baten bidez; horri esker, Lehen Hezkuntzako ikasleek book-trailer bat egiten ikasiko dabe.
Bilboko Azkuna Zentroko erakusketetara 15.000 bisitari hurreratu dira udan
2015-09-15 10:27 Kulturea
Udako hileetan erakusketa bi egon dira Azkuna Zentroan ikusgai. Batetik, Maria Luisa Fernandezen Je, je luna erakusketa artistikoa egon da eta, bestetik, Bigarren Mundu Gerrako sasoiko Comete sareari buruzko bat. Bien artean, 15.000 bisitari erakarri ditue alondiga zaharrera. Martitzenean, irailak 16, dokumental bat proiektauko dabe, Comete sareagaz lotutakoa.
Jon Alonsok liburu barria aurkeztu dau, 'Hiri hondakin solidoak'
2015-09-14 15:07 Kulturea
Nobela baltza da 'Hiri hondakin solidoak' (Txalaparta). Enekoitz Ramirez, Lanbas, zintzoen saldoko kidea da Jon Alonsoren nobela barriko protagonistea. ETAkide ohia, arte salerosle ohia eta lapur ohia da Lanbas. Oraingo honetan, Euskaltzaindian jasotako mehatxuak ikertzen eta Bartzelonan hilda agertutako euskaltzain baten kasua argitzen ibiliko da. Horretarako, era askotako personakaz hartuemona egin beharko dau.
Katixa Agirre eta Eider Rodriguez protagonista Bilboko 'Eztabaidak Literatureagaz' ekimenean
2015-09-14 14:18 Kulturea
Saioan, Irakurle eta idazle gazteak euskerazko literaturan gai orokorraren harian, euskeraz idatzitako literatur irakurleen eta egileen egungo profilari buruz egingo dabe berba. Irailaren 15ean, martitzenean, Bidebarrietako Liburutegiko ekitaldi aretoan izango da hitzordua, 19:30ean hasita. Sarrerea librea izango da eta Ramon Bustamantek moderauko dau.
Nanoipuinen lehiaketea martxan ipini dabe Ondarroan
2015-09-14 11:10 Kulturea
Ondarroako Udaleko Euskera Sailak nanoipuinen lehiaketearen laugarren edizinoa ipini dau abian. Gehienez be, 140 karaktere daukiezan istorioak dira nanoipuinak. Urriaren 16ra arte entregau leitekez lanak eta hiru sari emongo ditue. Ezizenagaz aurkeztu behar dira ipuinak. Parte-hartzaile bakotxak gehienez ipuin bi aurkeztu leikez.
50. Durangoko Azokan parte hartzeko epea irailaren 30era arte zabalik
2015-09-11 13:40 Kulturea
Abenduaren 4tik 8ra antolatuko dan 50. Durangoko Azokan parte hartu nahi daben argitaletxe, diskoetxe, produktora, alkarte, erakunde eta banatzaileek zein auto-produktoreek irailaren 30era arteko epea izango dabe izena emoteko.
Naukas 2015 Bilbon, zientzia eta umorea dosi txikietan
2015-09-11 11:52 Kulturea
Gaur eta bihar, irailaren 11n eta 12an, zientzia modu errazean gizarteratzea helburu dauen Naukas 2015 ekitaldia izango da Bilbon. Aurten, naukas.com plataformearen eta EHUko Kultura Zientifikoko Katedrearen eskutik jatorkun ekitaldiaren 5. edizinoa da eta EHUren Bizkaia Aretoko Mitxelena gelan izango dira ekitaldiak.
Kattalin Minerrek irabazi dau XVIII. Igartza Saria
2015-09-11 11:27 Kulturea
Aurkeztu diran hamabost proiektuen artean Minerren Kafe beteak nobela proiektua aukeratu dau Ana Jaka, Igor Estankona eta Danele Sarriugartek osotutako epaimahaiak. Sariak 6.000 euroko diru-laguntzinoa eta lana argitaratzeko konpromisoa dakarz. Urtebeteko epea izango dau hernaniarrak lana ontzeko.
'Kapulana bat zintzilik', Mundukide, Lanku eta Miren Amurizaren eskutik
2015-09-10 11:50 Kulturea
Mundukiden 15 urte beteten doguz eta orain artean kooperatibaz kooperatiba gure lanaren argazki erakusketa ibiltari bat izan dogun lez, Euskal Herrian zehar herriz herri zabaltzea erabagi dogu. Erakusketa hori gainera, bertso eta ipuinakaz jantziko dau Miren Amuriza bertsolariak. Lehenengoz erakusketea urriaren 5etik 11ra bitartean Berrizen izango da eta lehen emonaldia, barriz, urriaren 8an bertako kultur etxean 20:00etan hasita.
Arrigorriagan abiatuko da XVIII. Bosteko erakusketa ibiltaria
2015-09-09 15:02 Kulturea
Erakusketan hiru artista bizkaitar gazteren lana egongo da ikusgai, ibilbide profesional handikoak danak: pinturan ibiliak dira Ana Riaño eta Iker Serrano eta argazkigintzan, bestetik, Roberto Aguirrezabala.
Euskal jantzearen inguruko erakusketa bat edegiko dabe Miarritzen datorren barikuan
2015-09-08 18:32 Kulturea
Euskal Kultur Erakundeak (EKE) produzidu dauen Soka, euskal dantzaren urratsetan izenburuko erakusketeak 150 metro koadroko tokia hartuko dau Miarritzeko Santa Eugenia eleizpean eta bertan euskal jantzearen gorabeherakaz gozauko dabe hurreratzen diranek. Sarrerea doban da eta urriaren 11 arte egongo da bertan ikusgai.
Hemen da XXII. Juanita Ibaibarriaga literatur eta erreportaje lehiaketea
2015-09-08 12:42 Kulturea
Ermuko gazte eta helduen artean komunikazino idatzia euskeraz zuzen ez eze txukun eta egoki be egiteko gaitasuna bultzatzea da sari honen helburua.
Manuel Lekuona Sarian botoa emoteko epea irailaren 15era arte egongo da zabalik
2015-09-07 13:42 Kulturea
Aurtengo saria eroateko lau hautagai dagoz: Rircardo Cierbide Martinena (Tafalla, 1936) hizkuntzalari eta historialaria, Ana Etxaide Itarte (Donostia, 1936) hizkuntzalari eta euskaltzalea, Joan Mari Torrealdai Nabea (Forua, 1942) soziologo, idazle eta euskaltzalea eta Sarturnino Ruiz De Loizaga (Tuesta, 1939) paleografo eta Erdi Aroan aditua.
Marie Sommerren 'Surfaces' proiektua Bilbao Arten ikusgai
2015-09-07 10:14 Kulturea
Bilbao Artek produkzino propioko beste erakusketa bat jarri dau ikusgai, aurtengo bosgarrena. Surfaces izenburukoa da, eta Marie Sommer sortzaile frantsesaren lanak batzen ditu. Bilbao Arteko 2014ko artista egoiliarra izan dan Sommer epaimahai batek aukeratu dau, bere sorkuntza-proiektua erakusteko aukerea izan daian.
Nafarroako Unibersidade Publikoak 25 kultura-ikastaro eskainiko ditu, 18 Iruñeko Campusean eta 7 Tuterakoan
2015-09-04 14:17 Kulturea
Ikastaro horreetan matrikulea egiteko epea astelehenean, irailak 7, edegiko da unibersidadeko komunidadearentzat, eta irailaren 21etik aurrera unibersidadetik kanpokoentzat. Matrikulea Internet bidez egingo da Kultura Jardueren Ataleko webgunean. Unibersidadetik kanpokoek, barriz, bi campusetara joanda egingo dabe.
Nabarmenak
The government is considering imposing a mandatory code of conduct on tech companies, which could be accompanied by fines for...
»» Mastodon.eus sare sozial libre eta ...