UEMAk eta Argia astekariak euskarazko hedabideen irakurzaletasuna sustatuko dabe
2015-04-23 17:44 kulturbiz
Udalerri Euskaldunen Mankomunidadeak (UEMA) eta Argia astekariak hitzarmena sinatu dabe, herritarren artean euskerazko hedabideen irakurzaletasuna indartzeko eta aldizkaria ezagutarazoteko helburuagaz.
'Mañaria, Harrizko Herria' liburua aurkeztu dau Txelu Angoitiak
2015-04-21 17:20 kulturbiz
Mañariako Udalak eta Gerediaga Alkarteak Mañaria, Harrizko Herria liburua aurkeztu dabe gaur. Mañariarren testigantzak jasoz, herritarren ikuspegia nagusi dala, Mañariari buruzko historia liburu desbardin bat dela azpimarratu dabe. Datorren barikuan, apirilaren 24ean, arratsaldeko 19:00etan, Errose Bustinza Kultur Etxean egingo da herri aurkezpena.
Labayru Fundazinoa aurkeztu dabe
2015-04-17 12:24 kulturbiz
Aurrera begira dituan helburuak eta konpromisoak aurkezteko Bide barriak izeneko ekitaldia egin eban Labayruk atzo, hilak 16, Bilboko BBK Salan. Aurrerantzean ikastegi barik fundazino izango dala iragarri eben. Labayruko arduradun eta beharginez gan, erakunde publikoetako hainbat ordezkari izan ziran ekitaldian, besteak beste, Iñigo Urkullu lehendakaria, Miren Josune Ariztondo Kultura diputadua eta Patxi Baztarrika Hizkuntza Politikako sailburuordea.
David Hornback argazkilaria eta Kveta Pacovskà irudigile txekiar ospetsua Bilbao Arten
2015-04-15 11:21 kulturbiz
David Hornbackek argazkilari estadubatuarrak kaleko argazkigintzearen ganeko berbaldia eskainiko dau gaur, hilak 15, arratsaldeko 18:30ean; halan da be, haren lanaren inguruan antulotuko diran ekitaldiak maiatzera arte iraungo dabe. In the street argazki erakusketea izango da ikusgai apirilaren 24ra arte Bilbao Arteko kristalezko patioan, eta Hiri irekia. Street Photography izeneko ikastaroa emongo dau maiatzaren 21era arte.
Hemen da Munduko Ipuin Kontalariak jaialdiaren 15. edizinoa
2015-04-13 14:31 kulturbiz
Munduko makinatxu bat lekutako ipuin-kontalariak batuko dira apirilaren 16tik 18ra Basauri, Elorrio, Arrasate, Durango eta Berrizen, Munduko Ipuin Kontalariak jaialdian. Euskal Herria, Ekuador, Alemania, Portugal eta Galiziako kontalariek ume eta helduentzako saioak eskainiko ditue egunotan.
XI. Magia Topaketak maiatzean Bilboko Txurdinagan eta Otxarkoagan
2015-04-09 11:39 kulturbiz
Bilboko Udaleko Kultura eta Hezkuntza Sailak antolatuta, programearen barruan ikastaro bat eta mintegi bat jasoko dira eta, bigarren urtez jarraian, lehenengo deialdiaren arrakastea ikusita, Atera eizu barruan daroazun magia zaleentzako magia lehiaketea antolatu da. Partaideak, maiatzaren 28an, Otxarkoagako Udaltegian, egingo dan ekitaldian hartuko dabe parte.
Euskal Herriko 32. Idazleen Biltzarra Saran
2015-04-01 10:58 kulturbiz
Apirilaren 6an, Pazko astelehenean, Sarako Idazleen Biltzarra egingo da. Urtero legez, idazleek beren liburuak saldu eta izenpetuko ditue goizeko 10:00etatik 18:00retara. Horrezaz gan, libru aurkezpenak, umeentzako tailerrak eta erakusketak be izango dira. Aurten, 120 idazle, 26 alkarte eta 23 argitaletxe batuko dira Saran.
Cookplay proiektuak denda barria aurkeztu dau Bilboko Azkuna Zentroan
2015-03-31 14:31 kulturbiz
Design Corner Lehiaketako irabazle CookPlay proiektuak dendea zabalduko dau Bilboko Azkuna Zentroan. Ana Roquero Cookplay etxeko diseinatzaile arduraduna izan da aurkezpenean.
Aiko taldeak umeen jolas eta kantu tradizionalak helduei erakusteko tailerra antolatu dau
2015-03-27 14:58 kulturbiz
Tailerra zapatuan, martiak 28, 12:00etatik 13:30etara bitartean egingo da, Bizkaia Aretoan (Abandoibarra 3, Bilbo). Matrikulearen prezioa 10 eurokoa da, eta plaza kopurua mugatua danez, izen-emotearen hurrenkereari jarraituko jako. Inskripzinoa 634 423 539 telefonoan egin daiteke dagoeneko.
Euskaltzaindiak Azkoitian egingo dau osoko bilkurea, Euskalerriaren Adiskideen Elkartearen 250. urteurrenean
2015-03-27 11:47 kulturbiz
Azkoitiko Euskalerriaren Adiskideen Elkarteak 250 urte bete ditu, eta Euskaltzaindiak osoko bilkurea bertan egitea erabagi dau, Intsausti Jauregian. Batzarra goizean egin ostean, arrastian, Udalagaz batera, alkartearen omenezko agiriko bilkuran parte hartuko dabe. Amaieran, Peñafloridako kondearen Mozkorra barregarri operea komikoa antzeztuko da.
'Itzulpenek euskal literaturea indartzen, aberasten eta normaltzen lagundu dabe'
2015-03-24 17:12 kulturbiz
2012aren erdialdera arte 161 idazleren obrak 38 hizkuntzatara itzuliak izan dira. Datu horreek aztertu ondoren, Elizabete Manterolak ikerketea Bernardo Atxagaren lanetan oinarritu dau, argitalpen itzuli gehien dituan autorea dalako (100 baino gehiago), baita hizkuntza gehienetara be (35 hizkuntza).
Aurrerantzean 'Elhuyar' aldizkaria hiru hilean behin argitaratuko dabe
2015-03-24 13:47 kulturbiz
Arrazoi ekonomikoak tarteko, hilabetekari izatetik hiruhilabetekari izatera pasauko da Elhuyar Elhuyar Zientzia eta Teknologia aldizkaria. Urtean lau zenbaki izango ditu papeleko edizinoak: martian, bagilean, irailean eta abenduan.
Alberto Manguel idazleak ‘Una historia natural de la curiosidad' aurkeztuko dau Bilbon
2015-03-24 09:56 kulturbiz
Gaur, martiak 24, Alberto Manguel idazleak bere azken liburua aurkeztuko dau Bilboko Azkuna Zentroan: Una historia natural de la curiosidad. Azken barrikuntza narratiboak eta grafikoak egileen eskutik irakurleei hurreratzeko helburuagaz Mediateka BBK-k hilero egiten dituan Aurrez aurre literatura-solasaldietan izango da.
Euskal kultureak Loraldia eukiko dau Bilbon apirilean
2015-03-23 14:36 kulturbiz
Euskal kulturearen adierazpide guztien topaketea egin nahi dabe apirilaren 23tik 26ra bitartean, XIX. mendeko Lora Jokoen espirituari jarraituta. Udabarria, Bilbo eta euskal kulturea izango dira ardatzak. Holan, musikearen, antzerkiaren, bertsolaritzearen, arte plastikoen eta abarren batuketatik sortuko dabe Loraldia.
Bilboko Alondigeak Azkuna Zentroa izena izango dau aurrerantzean
2015-03-16 17:30 kulturbiz
Bilboko Alondigako Administrazino Batzordeak gaurdanik Azkuna Zentroa izena hartuko dauen zentro honen izen barria onartu dau. Bilbo gaur bertan izan da izen aldaketearen lekuko. Izen barria eraikinean, webgunean, aldizkarian eta zentroaren komunikazino osogarri guztietan agertuko da.
Bermeok Nestor Basterretxea omenduko dau martiaren 21ean
2015-03-16 11:34 kulturbiz
Omenaldia Bermeoko Kasinoko areto nagusian izango da, eguerdiko 12:00etan. Ekitaldi berezia izango dala azaldu dabe, Bermeoko herritar eta talde askok parte hartuko dabelako, besteak beste, txistulariek, txalapartariek, gaiteroek, jantzariek, Bermeoko Abesbatzak eta Izaro Abesbatzak. Herriak Nestor Basterretxeari egingo deutson omenaldia izango da, asko izan baitira omenaldi hau egiteko interesa agertu daben herritarrak eta alkarteak.
Arteak eta erosketek bat egingo dabe Bilbon bagilean
2015-03-13 14:09 kulturbiz
Arteshop ekimenaren bosgarren ekitaldia egingo dabe Bizkaiko uriburuan. Arte Ederretako ikasleek euren lanak ipiniko ditue Bilboko 75 dendatan, EHU, Bilbao Ekintza eta Bilbao Arte Fundazinoaren eskutik. Ganera, ibilaldi gidatuak egongo dira herritarrentzat. Uria merkataritza arloan erreferente bihurtzea eta kulturearen aldeko apustua egitea dira Arteshopen asmoak.
Mikro-polis politikearen ganeko entseguen lehiaketea antolatu dau EHUk
2015-03-11 13:17 kulturbiz
Euskal Herriko Unibersidadeko (EHU) Politika eta Administrazino Zientzien Sailak Mikro-polis Politikearen ganeko Entseguen I. Lehiaketea antolatu dau, eta EHUko ikasleek sariketan parte hartu ahal izango dabe martiaren 27ra arte, euskeraz zein gaztelaniaz. Testu onenak 1.000 euroko saria jasoko dau modalidade bakotxean.
Bizkaiko Meatzaldea biotopo babestu izentau dau Eusko Jaurlaritzeak
2015-03-11 12:43 kulturbiz
Joan dan astean Eusko Jaurlaritzako Ingurumen eta Lurralde Politikako sailburu Ana Oregik aurreratu ebanez, Gobernu Kontseiluak biotopo babestu izentau dau Bizkaiko Meatzaldea. 977,5 hektareako azalerea dauka biotopoak, Galdames eta Gueñes udalerrien artean dago, eta Triano mendien zatirik handiena hartzen dau.
Meatzaritzearen Kultur eta Ingurumen Parkea eta Interpretazino Zentroa sortuko dabe Abanto-Zierbenan
2015-03-06 10:48 kulturbiz
Parkea sortuta, garai bateko meatzaritzearen osteko ondare historikoa ikertu, ezagutarazo eta jagoteari buruzko zentroen sakabanaketeari konponbidea emongo jako. Erakunde sustatzaileek adierazo dabenez, proiektuak onurea ekarriko deutso Meatzaldeari eta bere ekonomiari eta Bizkaiak erreferentzia kultural eta turistiko barri bat eskaini ahalko dau.
Nabarmenak
Arrazoi betea du Arejitak gauzak alferrik gordetze horrekin.
Ea noiz aplikatzen dion kontua bere buruari, eta ea noiz hasten den...
»» Euskararen Herri Hizkeren Atlasaren VI. ...