Aitor Arrutia Azkuetak irabazi dau Enkarterri-Ezkerraldeako Bertsolari Txapelketako finala
2014-06-02 10:48 Bertsolaritzea
Ariketa puntuagarri guztiak jokatu eta buruz burukoa Aitziber Bengoetxea Uriberen kontra egin ostean, Aitor Arrutia Azkuetak jantzi dau txapela. Udagoieneko Bizkaiko Txapelketarako zuzeneko txartela lortu dau Artzentalesekoak.
'Bertsolaritzea irakaskuntzan' programeari eutsi eta finantzau daiala eskatu deutse Nafarroako Gobernuari
2014-05-28 12:16 Bertsolaritzea
Nafarroako Parlamentuko Hezkuntza Batzordeak bart onartu dauen mozinoak Nafarroako Gobernuari eskatzen deutso Bertsolaritzea irakaskuntzan programeari eutsi eta finantzau daiala, horren egonkortasuna ziurtatu ahal izateko. Mozinoak PSN, Bildu, Aralar-Nabai, Izquierda-Ezkerra eta PPren babesa jaso dau. UPNk baino ez dau kontrako botoa emon.
Imanol Uria Albizurik irabazi dau Uribe Kostako Txapelketako finala
2014-05-26 10:30 Bertsolaritzea
Ariketa guztiak egin ostean, Imanol Uria Albizurik jantzi dau txapela, 365 puntugaz. Udagoieneko Bizkaiko Txapelketarako zuzeneko txartela lortu dau algortarrak. Buruz burukoa Arrate Illaro Etxebarriaren kontra jokatu dau. Honek 344 puntu lortu ditu; Bizkaiko Txapelketarako sailkapenerako daukazan puntuak 233 dira.
Gipuzkoako Eskolarteko finala eta Bertso Eskolen Eguna izango dira domekan Arrasaten
2014-05-19 18:18 Bertsolaritzea
Arrasaten izango dira datorren domekan, maiatzaren 25ean, Gipuzkoako Eskolarteko finala eta Gipuzkoako Bertso Eskolen Eguna. Urtero legez, Gipuzkoako bertsozale gaztetxuen arteko hartu-emonak sortu eta indartu nahi dira, bertsoa eta jolasa buztartuz.
Nerea Ibarzabal markinarra eta Gorka Lazkano berriztarra, zuzenean Bizkaiko Bertsolari Txapelketara
2014-05-19 10:56 Bertsolaritzea
Lea-Artibaiko eta Durangaldeko eskualdetako finalak astegoienean jokatu dira, Nerea Ibarzabalek irabazi dau batean, eta Gorka Lazkanok, bestean. Datorren zapatuan Uribe Kostako txapelduna erabagiko dabe.
Xabier Enbeitak eta Malen Amenabarrek Bizkaiko Txapelketarako zuzeneko txartela irabazi dabe
2014-05-12 10:40 Bertsolaritzea
Xabier Enbeita Ibarrak jantzi dau txapela Busturialdeko Txapelketako finalean eta eta Malen Amenabarrek, barriz, Urine Butroeko finalean. Datorren astegoienean, hilaren 17an, Lea-Artibaikoa eta 18an, barriz, Durangaldeko finalak jokatuko dira.
Bertsolari Txapelketa Nagusiko liburua eta diskoa plazaratu ditue
2014-05-07 15:04 Bertsolaritzea
Aurten bertsoaldi onenak batzen dituan diskoa be salduko da liburuagaz batera. 20 euroan alkarregaz salduko dira ohiko liburudendetan eta www.lanku.com orrialdean. Bertsozale Elkarteko bazkideek 15 euroan eskuratu ahal izango dabe. Lankuk atondu dau edizinoa.
Hamazazpi bertsolarigaz jokatuko da zapatuan BAT, Euskal Herriko Bertso Afari Txapelketea
2014-05-07 12:16 Bertsolaritzea
Bosgarren edizinora helduko da Etxarri Aranatzen antolatzen dan BAT, Euskal Herriko Bertso Afari Txapelketea eta modu berezian ospatu nahi izan dau sariketea antolatzen dauen Karrikestu alkarteak. Aurreko lau edizinoetan parte hartu daben 17 bertsolarik hartuko dabe parte aurten, eguerditik gauera luzatuko dan egitarau oparoan.
III. BertsoDerbia aurkeztu dabe
2014-05-06 17:31 Bertsolaritzea
Athletic Club Fundazinoak Bertsoderbiaren hirugarren edizinoa aurkeztu dau Lezamako prentsa aretoan. Oraingo honetan Onintza Enbeitak, Arkatiz Estiballesek eta Jon Maiak kantauko dabe Athletic Cluben izenean eta Amaia Agirrek, Andoni Egañak eta Amets Arzallusek, Realarenean. Gai-jartzailea Josu Goikoetxea izango da.
Oihana Bartra eta Igor Meñika irabazle, Hego Uribe eta Arratiako Bertsolari Txapelketako finaletan
2014-05-05 11:07 Bertsolaritzea
Astegoienean Hego Uribeko eta Arratiako bertso txapelketako finalak jokatu dira, zapatuan bata, eta domekan, bestea, Oihana Bartra Arenas izan zan nagusi Hego Uribeko bertsolarien artean, eta Igor Meñika Bengoetxea, arratiarren artean. Biak sailkatu dira zuzenean Bizkaiko Bertsolari Txapelketarako.
Bertsolaritzearen ganeko berbaldiak eta bertso saioak Sardinian
2014-05-02 11:19 Bertsolaritzea
Maiatzaren 2an eta 3an, kantu inprobisatuari buruzko jardunaldietan izango dira Sardinian Andoni Egaña eta Arrate Illaro bertsolariak eta Karlos Aizpurua Mintzolako ikerkuntza eragilea. Andoni Egañak eta Karlos Aizpuruak berbaldi bana emongo dabe.
Astegoienean jokatuko dira Bizkaiko eskualdeetako lehenengo finalak
2014-04-30 18:13 Bertsolaritzea
Bizkaiko Bertsolari Txapelketako lehenengo fasea martxan dago. Maiatza hasteagaz batera, eskualdeetako lehenengo finalak jokatuko dira astegoien honetan. Hego Uribe izango da finala jokatzen lehenengoa, zapatuan, hilak 3, jokatuko da, Bilboko Hika Ateneoa antzokian, 17:30ean.
Maiatzaren 3an hasiko da 30. Udabarriko Bertso Saioak jaialdia
2014-04-30 17:58 Bertsolaritzea
Santutxu Bertso Eskolak eta Bilboko Udaleko Kultura eta Hezkuntza Sailak antolatuta, Udabarriko Bertso Saioen aurtengo edizinoan hiru emonaldi egingo dira Karmelo plazan, eta auzoko kaleak zeharkatuko dituan bertso kalejira bat. Zapatuan, maiatzak 3, abiatuko da egitaraua, Unai Iturriaga, Aitor Mendiluze, Sustrai Colina eta Beñat Gaztelumendi bertsolarien eskutik.
Bertsoa Unibersidadean ekimena aurkeztu dabe
2014-04-15 18:15 Bertsolaritzea
EHUko uda ikastaroen barruan Bertsoa Unibersidadean eskolea antolatu dabe EHUko Uda Ikastaroak eta Mintzola Fundazinoak alkarlanean eta Gipuzkoako Foru Aldundiak babestu dau proiektua. Bost urteko hitzarmena adostu dabe eta, beraz, aurten hasi eta datozen 4 urteotan bertsolaritzeari eta ahozkotasunari buruzko 5 egunetako ikastaroa atonduko dabe EHUko uda ikastaroak eta Mintzolak auzolanean.
Lepatanatuek 2 taldea jaun da jaube Bardoak txapelketearen finalean
2014-04-14 10:24 Bertsolaritzea
Ez ziran finalistak saria jaso eben bakarrak. Beste hainbat sari banatu zituen Bardoen finalean: hasierako agurrik onenari Lesakako Zortziko Haundiena taldeak eroan dau, Bardoen talde errebelazinoarena Barañaingo Miluzeko barañetak eta Barardoak taldeek; Bardoen espirituarena Larraungo Paalletan Mocedadesek, otordu onenarena Baztan Malerrekako Etxeko Kontuk taldeak eta saio onenaren antolaketarena Etxarri Aranazko Bilixkorrikok.
Zapatuan jokatuko da Bardoen finala Lesakan
2014-04-10 17:59 Bertsolaritzea
Zezeilaren 7an hasitako Bardoak Nafarroako taldekako bertso txapelketeak amaierako ekitaldia izango dau zapatuan, Lesakan jokatuko dan finalagaz. Azken bi hileotan Nafarroan zehar 22 saio jokatu ostean, hiru taldek lortu dabe finalerako sailkatzea: Baztango Lepatanatuek 2, Iruñeko Bertze maldikoak eta Leitzako Harrapazank. Finala 17:00etan hasiko da, Lesakako frontoian.
Martxan dagoz Bizkaiko Eskualdeetako Bertsolari Txapelketak
2014-04-10 11:09 Bertsolaritzea
Hego Uribeko bertsolariak izan dira kantetan lehenengoak. Barikuan jokatu eben lehenengo kanporaketea Arrigorriagan, eta Peio Ormazabal Villanuevak irabazi eban. Bigarren kanporaketea, gaur, eguena, jokatuko dabe Bilbon.
Ager Monasteriok eta Lore Barrenak irabazi dabe Bermeoko X. Bertsopapel Lehiaketea
2014-04-09 18:32 Bertsolaritzea
Bermeoko Udalak, herriko ikastetxeekaz batera antolatu dauen X. Bertsopapel Lehiaketearen irabazleek martitzenean jaso zituen sariak Nestor Basterretxea aretoan egindako ekitaldian. Ager Monasterio eta Lore Barrena irabazleek euren bertsoak kantau zituen, eta Mikel Retolaza eta Jon Arano bertsolariek be bertsotan jardun eben.
'Bertsolaritza irakaskuntzan' programea diruz laguntzeari itxi deutso Nafarroako Hezkuntza Sailak
2014-04-08 18:50 Bertsolaritzea
Nafarroako Bertsozale Alkarteko lehendakariak adierazo dauenez egoera horrek egoera larrian jarten dau ez bakarrik Bertsolaritza irakaskuntzan programea, baita Nafarroako Bertsozale Alkartearen proiektua bera be. Horregaitik, Hezkuntza sailari eskatu nahi deutsagu bere konpromisoak bete daizala eta Bertsolaritza irakaskuntzan programea modu duin eta iraunkorrez finantzau daiala.
2014ko Bertsomoviedak baditu irabazleak
2014-04-01 12:21 Bertsolaritzea
Bertsomoviedaren III. edizinoan aurkeztutako lanak 24 izan dira eta nabarmentzekoak izan dira urtetik urtera gero eta gehiago diran lanen aniztasuna eta kalidadea eta twitterren izandako jarraipena eta oihartzuna.
Nabarmenak
Eskerrik asko zuri. Suberterik onena opa deutsugu!!!
»» Bertso Udalekuetako hezitzaile bila dabiz