Eneritz Zabaletak irabazi dau Aiziritzeko finalerdia
2014-11-03 09:52 Bertsolaritzea
Xilaba txapelketako finala domekan erabagi zan, halanda ze, Eneritz Zabaletaz aparte, Sustrai Colina, Maddalen Arzallus, Odei Barroso, Ramuntxo Christy eta Xumai Murua izango dira hilaren 15ean taula ganean, Baionako Lauga gelan.
Gorka Ostolaza Ikaranek irabazi dau Josi Bizkaiko Bertsolari Txapelketako laugarren kanporaketea
2014-11-03 09:33 Bertsolaritzea
Gorka Ostolaza Ikaranek lortu dau puntu gehien batzea, 379,5 puntu, hain zuzen be. Bigarren sailatu zan Nerea Ibarzabal 353 puntugaz eta Peru Vidal hirugarren, 344 puntugaz. Beraz, finalaurrekoetarako txartela lortu dau markina-xemeindarrak, eta zemendiaren 30ean Urdulizen kantauko dau.
Sustrai Colina zuzenean sailkatu da Xilaba Bersularien Xapelketako finalerako
2014-10-27 10:19 Bertsolaritzea
Larresoroko Herriko Gelan jokatu zan, domekan, Xilaba Lapurdi, Zuberoa eta Nafarroa Behereko Bertsolari Txapelketako lehen finalerdia. Sustrau Colina bertsolari lapurtarra izan zan nagusi, 331 puntugaz. Halanda ze, Baionan, zemendiaren 15ean, finalean izango da.
Eneko Abasolo ‘Abarkas’ek irabazi dau #Josi Bizkaiko Bertsolari Txapelketako hirugarren kanporaketea
2014-10-27 09:59 Bertsolaritzea
Ariketa guztiak egin ostean, Eneko Abasolo Txabarri ‘Abarkas’-ek lortu eban puntu gehien batzea, 377 puntu. Holan, finalaurrekoetarako txartela irabazi dau iurretarrak, eta zemendiaren 22an Etxebarrian kantauko dau.
Shakespeare bertsolari
2014-10-23 13:29 Bertsolaritzea
Ekitaldiak bertso-saio baten egiturea izango dau, eta sukaldari nagusiak Juan Garzia –obrearen itzultzailea–, Jon Martin –bertsolaria eta idazlea– eta Miren Ibarluzea –bertsolaria eta itzultzailea– izango dira, Idoia Nobleren gidaritzapean.
Odei Barrosok Aiherrako saioa eta finalerdirako txartela irabazi ditu
2014-10-20 11:12 Bertsolaritzea
Puntuazinoari jagokonez, Odei Barrosok 221 puntu jaso zituan; Eneritz Zabaletak 217, Ramuntxo Christyk 215, Patxi Iriartek 201, Ortzi Idoatek 196,50 eta Ortzi Muruak 178,50.
Oihana Bartrak irabazi dau Josi Bizkaiko Bertsolari Txapelketako bigarren kanporaketea
2014-10-20 10:40 Bertsolaritzea
Oihana Bartra Arenasek lortu dau puntu gehien batzea, 344,5 puntu. Holan, finalaurrekoetarako txartela lortu dau bilbotarrak. Besteak puntuazinoen zain geratuko dira.
Felipe Zelaietak Elosun irabazi ostean erabagita geratu da 2015eko Arabako Bertsolari Txapelketarako bertsolari zerrendea
2014-10-13 14:38 Bertsolaritzea
Danetara, 18 bertsolari izango dira. 2015eko Arabako Bertsolari Txapelketea urtarrilaren 17an aurkeztuko da, eta finala martiaren 21ean jokatuko da, Gasteizko Printzipal Antzokian.
Maddalen Arzallus izan da nagusi Senpereko kanporaketan
2014-10-13 11:40 Bertsolaritzea
Zapatuan Xilaba Bertsolari Txapelketearen bigarren kanporaketea jokatu zan Senpereko Larreko kulturgunean. Battitt Crouspeyre, Lur Renteria, Maddi Sarasua, Maddalen Arzallus, Xumai Murua eta Miren Artetxe betsolariak egin eben kantuan. Puntu gehien Arzallusek lortu zituan, eta beraz zuzenean Aiziritzeko finalerdian kantetako sailkatu da.
Beñat Ugartetxeak irabazi dau Bizkaiko Bertsolari Txapelketako lehenengo kanporaketea
2014-10-13 11:19 Bertsolaritzea
Galdakaon bart jokatutako Bizkaiko Bertsolari Txapelketako lehenengo kanporaketea irabazi eta finalaurrekoetarako txartela lortu dau Beñat Ugartetxea mallabiarrak.
Bertsolaritzeari buruzko ikerketa-lanak sustatzeko sariak sortu ditue
2014-10-07 11:26 Bertsolaritzea
Mintzola Fundazinoak, Mikel Laboa Katedreagaz alkarlanean, bertsolaritzeari buruzko ikerketa-lanen eta master amaierako lanen proiektuak sustatzeko hiru sari emongo ditue, 2.000 eurokoa bakotxa. Zemendiaren 17an amaituko da eskariak aurkezteko epea.
Paula Amilburu eta Unai Mendibil sailkatu dira 2015eko Arabako Bertsolari Txapelketarako
2014-10-06 11:11 Bertsolaritzea
Paula Amilburuk eta Unai Mendibilek irabazi ditue zuzeneko txartelak, lehenengo bi aurre-kanporaketetan, Kanpezun, irabazleak izan ziran Zigor Enbetia eta Xabi Igoagaz batera. Ozaetan kantau eben beste bertsolari guztiak zain geratu dira, beste 3 aurre-kanporaketetan beste bertsolariek lortzen daben puntuen arabera sailkatuko diran ala ez. Danetara, 13 bertsolarik lortuko dabe aurrera jarraitzea.
Sustrai Colina jaun da jaube Xilabako lehen kanporaketan
2014-10-06 10:45 Bertsolaritzea
Sustrai Colinak irabazi eban joandako zapatu arratsaldean Xilabako lehen kanporaketea, Muskildiko Posonpesenea gelan, 232 puntu eskuratuz. Bigarren postua Aitor Servierrentzat izan da (210 puntu), eta ondoren bertsolari honeek sailkatu dira: Xan Alkhat (203,5), Egoitz Zelaia (189,5), Gillenn Hiribarren (186) eta Mixel Etxekopar (184,5). Berrehun bat bertsozale batu dira bizi-bizia izan dan saioan.
Galdakaon hasiko da 2014ko Bizkaiko Bertsolari Txapelketea, urriaren 12an
2014-10-02 15:48 Bertsolaritzea
Bost kanporaketa, hiru finalaurreko eta finala izango ditu Bizkaiko Bertsolari Txapelketeak. Urriaren 12an Galdakaon abiatuko da, eta abenduaren 20an Bilbon amaitu, Bilbao Arenan. Danetara, 37 bertsolari izango dira lehian. 2012ko finalista izan ziranetatik, Igor Elortzak ez dau txapelketan parte hartuko.
Zigor Enbeita eta Xabi Igoa dira 2015eko Arabako Bertsolari Txapelketarako lehenengo bi sailkatuak
2014-09-29 13:53 Bertsolaritzea
Zigor Enbeita eta Xabi Igoa zuzenean sailkatu dira txapelketarako baina Kanpezun kantau eben beste bertsolari guztiak zain geratu dira, hurrengo 3 kanporaketetan beste bertsolariek lortzen daben puntuen arabera sailkatuko diran ala ez. Urriaren 4an, 16:30etik aurrera, Ozaetako Iduia jauregian jokatuko dira 3. eta 4.aurre-kanporaketak.
Goi mailako esperientzia eta gaztetasuna Xilaba Bertsolari Txapelketan
2014-09-25 18:14 Bertsolaritzea
Gaur eguerdian aurkeztu dabe Xilaba Bertsolari Txapelketearen IV. edizinoa. 18 bertsolarik hartuko dabe parte eta sei saio izango ditu: hiru kanporaketa, bi finalaurreko eta finala. Muskildin hasiko da urriaren 4an eta Baionan jokatuko da finala, zemendiaren 15ean, zapatuan.
2015eko Arabako Bertsolari Txapelketarako aurre-kanporaketak astegoienean hasiko dira
2014-09-24 14:08 Bertsolaritzea
Irailaren 27an, zapatuan, Kanpezuko kultur etxean jokatuko dira lehenengo eta bigarren aurre-kanporaketak. 16:30ean, Irati Anda, Zigor Enbeita, Iker Olabarrieta, Oier Arbina, Ainara Balantzategi eta Unai Gomezek kantauko dabe. 18:15ean, barriz, Ander Solozabal, Xabi Igoa, Iñaki Tena, Egoitz Iradier, Iker Agirre eta Iñaki Lertxundik.
Fernando Amezketarra gogoan, 'Garai hura gara' ikuskizuna dakarre Andoni Egañak eta Xabier Lizasok
2014-09-19 12:55 Bertsolaritzea
Andoni Egañak eta Xabier Lizaso piano-joleak Garai hura gara lana aurkeztu dabe bart Donostian. Musika Hamabostaldian Amezketan aurkeztutako lana dago oinarrian eta XVIII. mendeko eta XIX. mende hasierako kultur-jokeren barri emon nahi nahi dabe egileek: Europan, Euskal Herrian, Gipuzkoan, Amezketan… kulturea zelan bizi zan egunotara ekartea dogu helburu.
Plentziako V. Esaera Zaharren Txapelketan izena emoteko azkenengo egunak
2014-09-19 11:50 Bertsolaritzea
Irailaren 27an egingo dabe Plentziako Esaera Zaharren Txapelketearen bosgarren edizinoa, Bost ume ta lau titi lemapean. Izena emoteko azkenengo eguna zapatua da, irailaren 20a. Daborduko hamabost taldek emon dabe izena.
Aurtengo Xalbador Egunean Etxahun Iruri be omenduko dabe
2014-09-05 11:30 Bertsolaritzea
Aurten be Xalbador Eguna ospatuko da Urepelen (Nafarroa Beherea), Fernando Aire Xalbador gogoratzeko. Urriaren 18an eta 19an izango da ekimena, eta urtero legez, Xalbadorregaz batera, beste persona bat omenduko dabe; aurtengoa Pierre Bordazarre Etxahun Iruri idazle, kantu eta pastoral egilea izango da.
Nabarmenak
Eskerrik asko zuri. Suberterik onena opa deutsugu!!!
»» Bertso Udalekuetako hezitzaile bila dabiz