Aktualitatea

Basque Audiovisualek ikus-entzunezko euskal produkzinoak eroango ditu MIPTV azokara

Aurten be Basque Audiovisualek ikus-entzunezko euskal industriaren produkzino barrienak eroango ditu Cannes-eko MIPTV azokara, apirilaren 4tik 7ra bitartean. Bosgarren aldiz hartuko dau parte euskal ikus-entzunezkoen nazinoarteko markak ekitaldi honetan.

Bermeoko Udala lehenengo postuan dago Kontseiluaren Hizkuntz Politiken II. Neurketan

Kontseiluaren ustez Bermeoko Udala hizkuntz politikearen planifikazinoan eredugarria da, Bermeoko Udalak euskerearen alde egiten dauen apostu sendoaren isla.

ONCEren argazki erakusketa ibiltaria Bilboko Abando geltokian egongo da egunotan

Denontzako mundua, ezintasunak gainditzea argazki erakusketa ibiltaria Bilboko Abando - Indalecio Prieto geltokian izango da martiaren 22tik apirilaren 10era arte

Abian da Euskalakari Koplari Lehiaketea

Bertsozale Elkarteak eta Korrika 17k alkarlanean antolatutako Euskalakari koplari izeneko leihaketea aurrera doa eta egun batzuk baino ez dira falta izena emoteko. Lanak prentsa@aek.org helbidera bialdu behar dira apirilaren 1a baino lehen.

Sareinak blogaren IV. urteurrena ospatuko dabe zapatuan Zarautzen

Sareinak blogaren laugarren urteurrena ospatuko dabe Zarautzen, hilaren 26an. Ospakizunaz gan, Komunitate kulturalak eta komunitate feministak mahai-ingurua antolatu dabe Ispiluarte aretoan, 20:00etan.

Apirilaren 2an izango da 18. Sopelako Esaera Zaharren Txapelketea

Izena emoteko epea martiaren 28ra arte egongo da zabalik. Izena emoteko 618 574 445 / 695 774 015 telefono zenbakiak erabili edo jose-p@aek.org/ aitor-f@aek.org posta helbideetan egin eskabidea.

Zer ete dago Gadafiren kontrako esku-hartze militarraren atzean, giza eskubideen defentsa ala petrolioa?

Danimarka, Frantzia, Errumania eta Espainiako taldeek parte hartuko dabe Getxoko 35. Jazzaldiaren talde lehiaketan

Aurten 52 taldek parte hartu dabe lehenengo fasean eta, horreen artean, Carl Winther Trio (Danimarka), Melquiades Quartet (Frantzia), Sorin Zlat Trio (Errumania) eta Ornetillos (Espainia) aukeratu ditu epaimahaiak. Haututako taldeek garagarrilaren 1etik 4ra joko dabe lehiaketako lehen saria eskuratzeko ahaleginetan.

Ikasleen % 59k D eredua aukeratu eban igaz EAEn

Euskal Autonomia Erkidegoko araubide orokorreko ikasleen %59k D eredua aukeratu eban 2009-2010 ikasturtean, Eustat Euskal Estatistika Erakundeak jakinarazo dauenez. B ereduan, barriz, % 23k emon eben izena, eta A ereduan, %18k.

Igorren hasiko da Bertsolari Gazteen XIX. BBK Sariketea

Bertsolari Gazteen BBK Sariketearen hemeretzigarren edizinoa aurkeztu barri dabe Bilbon. BBKren Kultur Gelan egin dan prentsaurrekoan BBK-ko, Bizkaiko Ikastolen Elkarteko eta Bertsozale Elkarteko ordezkariez gan, Arkaitz Estiballes Bizkaiko txapelduna be bertan egon da. Lehenengo saioa etzi egingo dabe, hilaren 23an, Igorreko Lasarte kultur aretoan, 11:30ean.

Bikain Euskararen Kalitate Ziurtagiria ebaluetako prozesuaren zehaztasunak argitaratu ditue

Euskal Herriko Agintaritzaren Aldizkarian argitaratu barri da Bikain Euskararen Kalitate Ziurtagiriaren kanpo-ebaluazinoa arautzeko oinarriak ezartzen dituan eta 2011ko ebaluazino-zerbitzua eskatzeko epea edegiteko Agindua. Aurten 30 erakundek parte hartuko dabe.

Donostiako Zinemaldiak hiru ziklo eskaintzeko ohiturea berreskuratuko dau aurten

Jacques Demy zinegile frantses klasikoari eskainitako ohiko atzera begirakoaz gan, aurten beste bi ziklo tematiko be eskainiko ditu Donostiako Zinemaldiak: zine baltz amerikarrari eta azken belaunaldiko zine txinatararri, hain zuzen.

Estitxu Arozenak finalerako txartela irabazi dau

Elizondoko Lur aretoan izango da martiaren 26ko azken finalaurrekoa, 17:30etatik aurrera. Sei bertsolari igoko dira oholtzara: Julio Soto, Xabier Silveira, Aimar Karrika, Julen Zelaieta, Iñigo Ibarra eta Aritz Saragueta.

Alberto Vazquez-Figueroak eta Almudena Arteagak literaturaz jardungo dabe Bidebarrieta liburutegian

Eztabaidak literaturarekin literatur-topaketek Alberto Vázquez-Figueroa eta Almudena Arteaga idazleak izango ditue protagonista martitzenean, hilaren 22an, 19:30ean, Bilboko Bidebarrieta liburutegian. Berbaldiok Bilboko Udaleko Kultura eta Hezkuntza Sailaren ekimena dira.