Aktualitatea

Elkarrekilan Zuberoan udalekuak antolatu ditue garagarrilaren 24tik 30era

Aurten lehenengoz eskainiko ditue Ikastolen Elkarteak eta Uda Leku alkarteak Elkarrekilan Zuberoan izeneko udalekuak. Euskal Herriko 9-15 urte bitarteko ehun bat umek hartuko dabe parte. Mauleko Agerria etxean izango da egotaldia, garagarrilaren 24tik 30era. Begiraleak Bidasoaz bi aldeetakoak izango dirala adierazo dabe arduradunek.

Alex Angulo aktorea omenduko dabe gaur Bilboko Campos Eliseos antzokian

Aktore erandiotarraren lagun, senide eta arte eszenikoetako lankideek omenaldia egingo deutsie eguaztenean, arrastian, Bilboko Campos antzokian. Ekitaldia 19:00etan hasiko da, eta ordubete ingurukoa izango da. Publikoari edegita egongo dala jakinarazo dabe, omenaldi xumea izango da, berak nahiko leuken modukoa.

'Jon Mirande, olerkaria' liburua irakurgai, Euskaltzaindiaren webgunean

Txomin Peillen euskaltzainaren Jon Mirande, olerkaria liburua sarean ipini barri dau Euskaltzaindiak, eta Akademiaren webgunean konsultau daiteke, hemen. Euskaltzainak bildumaren 18. zenbakia da, hain zuzen be.

Claudia Dias koreografoak ate edegi saioa egingo dau eguaztenean, Bilboko Muelle 3 gunean

Muelle 3 jantza alkarteak Claudia Dias koreografo portugaldarra Bilbon zuzentzen dabilen jantza garaikideko ikastaroarren barruan, ate edegien saioa antolatuko dau eguaztenean, garagarrilak 23an.

Agur, Kerobia

Badoa Kerobia talde nafarra, agur esan dau egunotan bere webgunean. 2001eko abenduan sortu genduan Kerobia izeneko abentura hau hemen amaitzen da. 13 urte ondoren, hau jagokula sentiduten dogu, adierazo dabe.

Hemen da 22. Euskal Encounter partya. 4.094 ordenagailu, 6.000 parte-hartzaile, 120 km sare-kable, 20 Gb segundoko sare-konexinoa

'Saltillo' EHUko eskola-ontziak udako itsasaldiak hasi ditu

Goizeko zortziretan urten da gaur Saltillo Euskal Herriko Unibersidadeko eskola-ontzia Santurtziko portutik. Uda honetan hiru itsas-bidaia egingo ditu: Galizia-Asturias-Getaria, euskal kostaldea eta Santander-La Rochelle. Antxinako belaontzian Mikel Lejarza kapitaina eta EHUko Nautika eta Itsasontzi Makineriako Goi Eskola Teknikoko 14 ikasle joango dira.

Xabi Aburruzagak Ortigeirako jaialdiko Runas lehiaketea irabazi dau

Musikari portugaletetarrak zuzentzen dauen taldeak Ortigeirako folk musika jaialdiko Runas sariari esker 5.000 euro jasoko ditu eta datorren urteko jaialdian parte hartzeko aukerea izango dau. Igaz, zemendian, Geure bere hirugarren diskoa kaleratu eban Xabi Aburruzagak.

Ohorezko euskaltzain barriek diplomea jaso dabe

Maiatzean izentau zituen ohorezko euskaltzainei diplomak eta Euskaltzaindiaren ikurra emon eutsiezan barikuan Akademiak. Hamabi euskaltzain barri dira: Paulo Agirrebaltzategi, Angel Aintziburu, Dionisio Amundarain, Xabier Amuriza, Xipri Arbelbide, Antonio Campos, Maite Idirin, Mixel Itzaina, Jon Landaburu, Joan Martí, Martin Orbe eta Manu Ruiz Urrestarazu.

Alex Angulo aktore erandiotarra hil da

Atzo arrastian, 17:30 aldera kotxe istripua izan eban Alex Angulo aktoreak Errioxako Fuenmayor herrian. Kaminotik urten zan kotxea, eta bertan hil zan, Errioxako Gobernuko ordezkaritzeak azaldu dauenez. Bendita Calamidad pelikulearen filmazinora joian, Zaragozara. Bertan behera laga dabe filmaketea.

Euskal Encounterrek 5.700 bisitari baino gehiago batuko ditu BECen, hilaren 24tik 27ra bitartean

Euskal Encounterren 22. edizinoa aurkeztu dabe gaur Bilboko Alondigan. Informatikarien party erraldoi honetan zale eta adituek alkar ezagutzeko aukerea izateaz gan, tailerrak, lehiaketak, berbaldiak eta beste makinatxu bat jarduera izango ditue aukeran. Lekuak aspaldi amaitu ziran.

Euskerearen aurrekontuek, 'egokiak izan daitezan', aurrekontu osoaren %2 gainditu behar dabela dino Kontseiluak

Euskerearen normalizazinoari behar dauen bultzadea emoteko lau alor nagusitan egin behar da aurrera. Alde batetik, euskerearen aldeko herri gogoa indartu behar da; bigarrenez, arkitektura juridikoaren egokitzapena behar da arauak gaurkotzeko eta hutsuneak beteteko; hirugarrenik, plangintza eragingarriak abiatu behar dira; eta azkenik, diru inbersinoak handitu behar dira.

Carlos Terronek eta Jose Maria Larrazabalek 2014ko Bilbainada Lehiaketako lehen saria irabazi dabe

Carlos Terronek Bilbao Botxito, mi tierra izenburuko bilbainadeagaz irabazi dau aurtengo lehiaketea, eta igaz akzesit bat lortu eban Del Bocho y marchoso kantuagaitik. Bestalde, Larrazabalek Aire bilbotarrak izenburuko bilbainadeagaz eskuratu dau aurtengo saria, 2010, 2012 eta 2013ko edizinoetan lortutako garaipenei jarraipena emonez.

Costa Rica, Osetia, Txina eta Hegoafrikako taldeak, Portugaleteko 40. Nazinoarteko Folklore Jaialdian

Munduko musika eta jantza tradizionalak ezagutzeko aukera ederra eskainiko dau Portugaleteko Nazinoarteko Folklore Jaialdiak aurten bere bai, izan be garagarrilaren 21etik 27ra bitartean, Polonia, Costa Rica, Osetia, Txina, Hegoafrika eta Aragoiko taldeek euren lanik ikusgarrienak erakutsiko ditue berton. Eta jakina Elai Alai jantza talde antolatzaileak be parte hartuko dau.

EGOk beste erronka handi bati helduko deutso udan: A. Brucknerren 4. sinfoniari, hain zuzen

Hamazazpi urte igaro dira 1997an Euskal Herriko Gazte Orkestra Fundazinoa sortu zanetik. Datuak taldearen jarduerearen adierazgarri dira: musika sinfonikoko eta ganbera-musikako 150 kontzertu baino gehiago, nazinoarteko biretan emonaldiak dozena erdi herrialdetan, 120.000 entzule baino gehiago, eta urteotan danetara 1.200 gazte igaro dira gure taldetik.