Bizkaie!

Windows Vista, salgai honezkero

Azkenean, Microsoftek gaur, urtarrilak 30, jarri ditu salgai Windows Vista eta Microsoft Office System programak. Gaurtik aurrera, 70 herrialdeetako dendetan eskuratu daiteke software produktua.

Duncan Dhuren joan-etorriak batzen dituan liburua aurkeztuko dabe

‘Duncan Dhu. Crónica de un éxito. 1984/89’ izeneko liburuan batu ditu Juan Ramón Vilesek donostiarrek Mikel Erentxunen gidaritzapean 80. hamarkadan egindako ibilbidea.

Bizkaieraz lau liburu barri

Labayru Ikastegiak lau liburu barri aurkeztu barri ditu Elkar-Iparragirre liburudendan, lehen Urretxindorra zana: Alvaro Rabelliren ‘Egurrezko hankak’, Bitoriano Gandiagaren ‘Hitz lauz idazten’, Ana Oar-Arteta eta Hiart Legarraren ‘Euskal deklinabidea bizkaieraz’ eta Elisabete Zalloren ‘Bizkaierazko aditza’. Danak mendebaldeko euskalkian sortutakoak.

'Volver' filmak jaso ditu Goya sari nagusiak

Guillermo del Toro zuzendariaren El laberinto del Fauno filmak lortu zituan sari gehien: zazpi. Halanda be, Pedro Almodovarren Volver filmak eroan ditu sari nagusiak.

Boney M taldeak kanta onenen diskoa egin dau

Talde mitikoak 'The Magic of Boney M' izeneko bildumea kaleratuko dau aste honetan, salmenta-zerrendetan lehenengo postua lortu eta 30 urtera. Lehenengo leku hori ‘Daddy Cool’ kanteari esker lortu eban.

EAEko unibersidadeetan 68.924 ikasle matrikulau ziran 2005-2006 ikasturtean, aurrekoan baino % 5 gitxiago

Azken bosturtekoan biztanleriak gora egin dauen arren, 1980ko eta 1990ko hamarkadetan izandako beherakadeak eragina izan dau unibersidadeetako matrikulazinoetan, Eustateko iturriek adierazo dabenez.

Dagoeneko ezagutzen dira Arte Eszenikoen Max Sariak 2007 X. Edizinoaren finalistak

‘Hamlet’, Arriga Antzokiaren produkzinoa, 5 kategoriatan lehiatuko da, besteak beste Eszena Zuzendari onena (Lluis Pasqual) eta Gizonezko Antzezle Nagusi onena (Eduard Fernández) kategorietan.

Bien bitartean, Jokin Oregi, Maite Agirre eta Patxo Telleria dira Euskerazko Antzerki Autore onena saria jasoteko hautagaiak.

1+1=2, umeak euskerazko ereduetan matrikuletako kanpainea martxan

Bi eta hiru urteko umeak eskolaratzeko sasoia laster izango dala eta, euskerazko ereduetan matrikuletako sentiberatze-kanpaina abian jarri dabe Bizkaiko 43 udalerrik.

Gazte-Zientzia.com, gazte eta umeei zuzendutako webgunea

Zientzia eta teknologiaren informazino eta eretxi plataforma barriaren helburua euskal gazte internautei zientzia eta dibulgazinoa hurreratzea eta parte-hartzeko lekua eskaintzea da.

Hiru txinatar 600.000 eurogaz Loiuko aireportuan

Zehatzago esateko, 618.250 euro eroiezan eskuko boltsetan, ezelako zulorik edota dirua ostenduteko lekurik barik.

Badator Korrika Kulturala

Korrika XV martiaren 22an Karrantzan hasi eta Iruñean amaituko da apirilaren 1ean baina lehenago helduko da Korroka Kulturala. Ohiko ekitaldiez gain, beste egitasmo bat izango dau aurten: Kulturbirea.

SMS bero-beroen II. Lehiaketea Enkarterrin

Enkarterriko Mankomunidadeko eta Balmasedako Udaleko Euskara Zerbitzuek SMS bero-beroen II. Lehiaketea antolatu dabe datorren zezeilaren 1etik eta 7ra bitartean.

Eleizeak online telebista abiarazo dau

Eleizeak ez dau baztertu teknologiak fededunak erakarteko eskaintzen dauen aukerea eta Malagako Gotzaitegiak ‘Diocesis TV’, Interneteko lehenengo telebista kate katolikoa abiarazo dau.

‘Geure Berbie Euskeraz’ argitalpenaren hamaikagarren zenbakia kalean

Gernika-Lumoko Udaleko Euskara Zerbitzuak ataraten dau argitalpena enpresetan, alkarteetan eta herrian bertan euskerearen erabilerea bermatzeko helburuagaz.

Standstill bartzelonarrak Bilboko Kafe Antzokian

‘Vivalaguerra’ izeneko disko barria aurkezteko, kontzertu bakarra emongo dau taldeak Euskal Herrian. Emonaldia urtarrilaren 27an izango da.

Irabazlerik barik itxi dabe Zubikarai nobela laburren sariketea

Ondarroako Udalak eta Elkar argitaletxeak urtero antolatzen daben Agustin Zubikarai nobela laburren lehiaketako VI. edizinoa irabazle barik geratu da. Hori erabagi dau epaimahaiak, ‘aurkezturiko lanak aztertu ondoren, kalidade nahikoa eukan lanik ez egoalako’.

Honezkero 1.410 enpresa, saltoki eta era guztietako erakundek lortu dabe Bai Euskarari Ziurtagiria

‘Uste dogu Bai Euskarari Ziurtagiriaren bitartez 6 urte luze honeetan egindako lana aintzakotzat ez hartzea eta bikoiztea lan munduaren euskalduntzean egin daitekeen akatsik larrienetakoa dala'.