IMH Ingeniaritza Eskolearen 06-07 ikasturtea martxan

| Ikusi handiago | Argazki originala

IMH Ingeniaritza Eskolearen 06-07 ikasturtearen inaugurazino ekitaldia egin dabe gaur, urriak 19.

Zabaltze ekitaldian honakoek parte hartu dabe:

- Ibone Amezaga andrea, Unibersidade eta Ikerketa Sailburuorde gorena.
- MªVictoria Aguirregomezcorta andrea, Elgoibarko Alkate txit prestua.
- Miguel Lazpiur jn.a, CONFEBASKeko presidentea.
- Xabier Ortueta jn.a, AFMko Zuzendari Nagusia.
- Joxean Egaña jn.a, IMHko Zuzendaria.
- Koldo Nuñez Betelu jn.a, IMH Ingeniaritza Eskolako Zuzendaria.
- Iker Epelde jn.a IMH Ingeniaritza Eskolako Ikasle ohia.

Aurtengo promozinoan 35 ikasle-langile dagoz, igazkoaren parean. Gogoratu taldeak 30 ingurukoak izaten dirala, ez gehiago. Danetara, 80 ikasle dabilz IMHko Ingeniaritza Eskolan ikasten eta lanean 70 enpresatan.

IMHko Ingeniaritzeak eskaintzen dauen txandakatze sistemea oso egokia egiten jake, hain zuzen, txandakatze sistemako ikasleak ikasketak hasten dituen lehenengo egunetik lanean ari baitira enpresan langile legez eta ez bekadun legez.

Astean hiru egun egiten dabe lana enpresan eta bi egun IMHn ikasketak. Era horretara, Ingeniaritzako ikasketen hiru urtetan zehar, ikasleek behetik gora ezagutzen dabe enpresa mundua, eskarmentua hartzen dabe lanpostuan eta enpresearen beharrei emoten deutse erantzun, enpresak berak marketan dauelako zertan egin behar dituen ikasleek proiektuak, beti be enpresearen beharretara begira.

Atzerrian be derrigorrezko egonaldia egiten dabe ikasleek azken ikasketa urtean, internazionalizazino eta globalizazino garaian bizi garenez, injineru osotuak izan daitezan. Aurten, besteen artean bi ikasle dagoz Txinako Tianjinen lan-praktikak egiten.

Elgoibarrera enpresa multzo batek AFMgaz batera orain 11 urte ekarri eban injinerutzea ikasteko sistemea enpresentzako onena izan eikealako, eta bere filosofia eta onurak indarrean jarraitzen dabe.

IMH Ingeniaritza Eskolearen formazinoak bi beharrei erantzuten deutse: Goi mailako heziketa ziklo industriala edo baliokidea egin daben ikasle gazteei eta enpresan ardura handiagoak lortu ahal izateko goi mailako heziketearen beharra sentiduten daben langileei.

IMH Ingeniaritza Eskoleak lana sortzen dau beraz, eta unibersidade mailako langile kualifikatuak.