‘Gaztea izan eta euskerea ahoan’

| Ikusi handiago | Argazki originala

Bizkaiko euskara zerbitzu batzuk eta Udako Euskal Unibersidadeak (UEU) zemendiaren 8an eta 9an Kultur Leioako Auditoriumean egingo diran 'Gaztea izan eta euskara ahoan' izeneko jardunaldiak aurkeztu ditue.

Prentsaurrean Karmelo Sainz de la Maza, Eudeleko buruak eta Leioako alkateak; Igone Etxebarriak, EJko Euskara Sustatzeko zuzendariak; Gotzon Loberak, BFAko Euskara Sustatzeko zuzendariak eta Lore Erriondok, UEUko zuzendariak hartu dabe parte.

Karmelo Sain de la Mazak udalerrietan garatzen ari diran Euskararen Erabilera Sustatzeko Planen barruan kokatu ditu jardunaldiak.

Igone Etxebarriak, barriz, gizartearen geroa, etorkizuna gazteak dirala adierazo dau eta gazte horreek euskerearen aldeko aukerea egitea izango dala hizkuntzearen geroan faktore erabagigarriena. Esangura horretan, hartu-emon sareak sortzea nahitaezkotzat jo dau.

BFAko Euskara Sustatzeko Zuzendari Gotzon Loberak be esparru ez formalak euskereari edegitearen garrantzia nabarmendu dau, azken batean gazteen esku geratzen baita euskerearen etorkizuna neurri handi batean.

Azken buruan, Lore Erriondok jardunaldion ekarpen garrantzitsuenak azpimarratu ditu. Lehen ekarpena plazaratzen dan gaiaren inguruko ikuspegi teorikoa eta praktiko osotua batzen dauela da. Esperientzia zuzenak be aztertuko dira: asteburuetan.com, gaztetxoko, Interneten eragina... Bigarren ekarpena gaia ikuspegi anitzetatik lantzea izango da, diziplinartekotasuna, hain zuzen.

'Gaztea izan eta euskara ahoan' jardunaldiak euskera teknikariei, gazte teknikariei, irakasleei, hezkuntzako bestelako profesionalei, euskalgintzan dabilzan sektoreetako kideei eta oro har, gazteakaz lan egiten daben guztiei zuzenduta dagoz.

Informazino gehiago:

- www.ueu.org
- 943-821426