Euskal Herrien arteko III. Joko Topaketen finala Berrizen, astegoienean
2006-06-29 02:00
XIBA umeakan gorputz hezkuntza eta aisialdia garatzea helburu dauen Ikastolen Alkarteko proiektua da. Aurreko urte bietako arrakastea ikusita, euskal jolas, joko eta kirolak berreskuratzeko helburuagaz, hirugarrenez antolatu ditue Euskal Herrien arteko III. Joko Topaketak. Udaberrian Euskal Herriko hainbat txokotan lehian ibili ostean, garagarrilaren 1ean jokatuko da finala Berrizen.
Bilboko udal liburutegien zerbitzuak kalean barriro uda honetan
2006-06-29 02:00
Garagarrilaren 1etik aurrera, liburu, prentsa eta aldizkarien mailegua eta irakurketea suspertzeko tailerrak Bilboko plaza, parke eta ugerlekuetan eskainiko dira.
Metro Bilbao Guggenheim Bilbao Museoaren babesle
2006-06-29 02:00
Metro Bilbaok lankidetza-hitzarmena sinatu dau Guggenheim Bilbao Museoagaz eta, era horretara, garraio-konpainia museoaren babeslea izango da.
Gay, lesbiana, transexual eta bisexualen Harrotasun Eguna
2006-06-28 02:00
Mundu zabalean ospatuko da eguna eta, horretarako, hainbat ekitaldi antolatu dira ‘Batu eta Segi’ lelopean. Horrezaz gan, urteurren berezia ospatuko dabe, Espainiako kode zibilean homosexualen arteko ezkontzak onartu ziraneko urteurrena.
J.K. Rowlingek iragarri dau bi pertsonaia hilko dirala Harry Potterren azken nobelan
2006-06-28 02:00 Kulturea
J.K. Rowling idazle ingelesa Harry Potter mago gaztearen azken abentura idazten ari da momentu honetan, eta Channel 4 britainiarrari eskainitako alkarrizketa batean adierazo dau bi pertsonaia hil egingo dirala azken eleberri horretan.
Deustu Fundazinoak gizartearen zerbitzura jarriko dau unibersidadearen ondare zientifikoa
2006-06-28 02:00Deustuko Unibersidadeak Deustu Fundazinoa aurkeztu dau gaur, bagilak 27. Erakunde horren helburua honako hau da: Deustuko Unibersidadearen ondare zientifikoa (ikerketen emoitzak, irakaskuntzea edo beste edozein aurrerakuntza teknologiko) gizartearen zerbitzura jartea.
Bizkaiko Foru Aldundiaren 'Udako Jaialdiak' programeak 70 kontzertu eskainiko ditu udan
2006-06-28 02:00 KultureaBizkaiko Foru Aldundiak sustatzen dauen 'Udako Jaialdiak' programeak 70 kontzertu eskainiko ditu udan zehar lurraldeko bederatzi herritan, udako hilebeteak aprobetxatuz herri bizkaitarretako 'bizitza kulturala dinamizetako eta indartzeko asmoz' .
Antzerkiak, musikeak eta umoreak Bilboko kaleak jantziko ditu
2006-06-28 02:00
’Bilbo Kalealdia’ ekimenaren barruan, Bilboko Kale Nagusia zirkuaren omenezko eszenatoki bihurtuko da gaur eta bihar. Belgikako Dominique Kerignarden ‘El circo de las pulgas’ lana, Andaluziako Malaje Solo taldearen azken lana edota Jon Zabal, Zañartu eta Txoborro magoen Gune Magikoa ikusgai izango dira. Bestalde, ‘Antzerkiaren zazpi kaleak’ ekimenaren barruan, Unamuno, Santiago eta Arriaga plazak eta Plaza Barriak hogei ikuskizun inguru hartuko dabez garagarrilaren 11, 12 eta 13an.
Van Morrison Bilbon
2006-06-27 02:00 Musikea
Van Morrison musikari ezagunak kontzertu bi emon ditu aste honetan Bilboko Euskalduna Jauregian. Emonaldiak bagilaren 27an (20:00etan) eta 28an (21:00etan) izango dira. Oraindino badagoz sarrerak.
Astigarrako Udalak Jose Maria Setien omendu dau
2006-06-27 02:00 sariak-autortzak
Astigarragako Udalak oraintsu herriko semetzako izentaua izan dan Jose Maria Setien omendu dau bagilaren 27an, Udaletxeko Osoko Bilkura Aretoan egindako ekitaldian.
'Harresitik gerorantz', Elorrioren 650. urteurrena
2006-06-27 02:00
1356. urtean, bagilaren 27an, uri nortasuna emon eutson Elorriori D. Tello Bizkaiko Jaunak.
Euskarabidea: ‘adierazpenaren jentartea gaur hasi da’
2006-06-27 02:00 Euskerea berbagai
Euskal Herrian sortu dan une politikoa euskereak jente artean jagokon lekua hartzeko garrantzitsua izango dala konturatu eta ‘Euskarabidea’ ekimena abiarazo dabe hainbat eragilek Kontseiluaren gidaritzapean. ‘Orain arte euskerearen alde lan egin dogun legez, martxan dagoan prozesuaren aurrean itxaropentsu agertu gura dogu’, esan dau prentsaurrekoan Xabier Mendiguren Kontseiluko idazkari nagusiak.
Euskaldunak munduko taekwondo txapelketan
2006-06-27 02:00 Euskaldunak munduanEuskal Taekwondo Federazinoko Ibone Lallana, Elaia Torrontegi eta Aritz Itxisoa kideak bagilaren 30etik garagarrilaren 2ra arte Suediako Trelleborg urian jokatuko dan Europako Taldekako Taekwondo Txapelketan izango dira.
‘Banda de la María’ musika-taldeak irabazi dau Zornotzako Haizetara jaialdia
2006-06-26 02:00 Musikea
Andaluziarrek 9.000 euroko saria jaso dabe. Publikoaren saria, 4.000 euro, ‘Always Drinking Marching Band’ taldeak jaso dau. Ganera, jaialdian izandako 'Dixie Gang' talde portugaldarra ezagutu ostean, urtea amaitu baino lehenago barriro Zornotzara ekartea erabagi dau Udalak.
Asun Balzola hil da
2006-06-26 02:00
Asun Balzola idazle eta ilustratzaile bilbotarra pasa dan barikuan, bagilak 23, hil zan Madrilen, 64 urte zituala. 60ko hamarkadan hasi zan liburuak ilustretan. Batik bat Mariasun Landarenak ilustrau ditu baina Patxi Zubizarreta, Bernardo Atxaga eta Yolanda Arrietagaz be egin dau lan. Umeentzako dozenatik gora liburu be idatzi ditu.
Mosku eta Seul dira munduko uririk karuenak
2006-06-26 02:00Etxebizitzea, garraioa, elikadurea, jantziak, aisialdia eta bestelako faktoreen prezioak hartu ditu kontuan Mercer Human Resource Consulting ikerketa-zentro estadubatuarrak ondorio horretara ailegetako.
Gau berezia Euskal Herrian: San Juan gaua
2006-06-23 02:00
Ohitureari jarraituta, milaka lagun suaren inguruan batuko dira eta, gatxak urrundu guran, suaren ganetik egingo dabe salto. Urteko gaurik luzeenaz gozetako aukera izango da.
Richard Serraren eskultura batek apainduko dau Bilboko Arte Eder Museoaren aurrealdea
2006-06-23 02:00 KultureaJavier Viar Bilboko Arte Eder Museoaren zuzendariak gaur, bagilak 23, inaugurau dau datozan bost urteotan museoaren kanpoaldean ikusgai izango dan Richard Serra artista estadubatuarraren eskultura bat. ‘New Union’ izeneko obrea 2003an egin eban artisteak. Altzairuzko eskulturearen neurriak itzelak dira: lau metro luze eta 40 tona.
‘Harriet’ tortugea, munduko animaliarik zaharrena hil da
2006-06-23 02:00
Australiako zoologiko batean hil da 176 urte eukazala. Guiness liburuan 175 urte eukazala sartu zan 150 kiloko anfibioa. Ganera, ustez, Charles Darwinek gizakiaren eboluzinoa aztertzeko erabili eban animalietariko bat izan zan.
Illarra jatetxe donostiarrak egin dau Alcorta & Martin Berasategui Lehiaketan urteko errezeta onena
2006-06-22 02:00 Jan edanak
Sukaldari barriak deskubriduteko eta ondare eta ikur diran errezetak berreskuratzeko asmoz antolatutako Alcorta & Martin Berasategui lehiaketearen lehen edizinoan, Valentzia, Madril, Coruña, Sevilla, Bilbo eta Donostiako 1000 ostalaritza establezimentu aurkeztu dira.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...