Ipar Uribe eta Arratia aurrera

Bizkaie! 2009-03-10 18:08 Bertsolaritzea

Bertsolari Gazteen XVII. BBK sariketan amaitu da sailkapen-fasea

Sailkapen fasea amaituta, orain finalaurrekoak falta dira, datorren astean egingo diranak, Bilboaldearen eta Lea-Artibairen artean lehenengoa, eta Ipar Uribe eta Arratiaren artean bigarrena.

Atzo egindako sailkapen-saioan, Durangaldea eta Ipar Uribe izan ziran aurrez aurre, Durangoko institutuan, 200 ikusle sutsuren aurrean, emozinoz beteriko saioan. Irabazlea Ipar Uribe izan zan eta ondokoak dira kantau eben bertsolariak eta puntuak:

	DURANGALDEA	IPAR URIBE
18 urte arte	Jose Larrinaga Jon Martínez Ane Alegria	Maialen Markaida Inazio Vidal Imanol Uria
19-24 urte bitartean	Eñaut Uruburu Ander Aldazabal Miren Amuriza	Arrate Illaro Itsaso Paya Jone Uria

	DURANGALDEA	IPAR URIBE
18 urte arte	155,-	171,-
19-24 urte	242,5	241,5
Danetara	397,5	412,5

Gaur, hilak 10, sailkapen-faseko azken saioa izan da, Igorreko Lasarte kultur areto dotorean, Arratiako eta Enkarterriko taldeen artean. Enkarterriko taldeak lehenengo aldiz hartu dau parte sariketa honetan eta emoitzea ez da txarra izan. Azkenean, Arratiako taldekoek izan dabe subertea euren alde.

Ondokoak izan dira kantau daben bertsolariak eta emoitzak:

	ARRATIA	ENKARTERRI
18 urte arte	Malen Amenabar Jon Martínez Irati Astondoa	Arrate Zubigarai Eneko Alda Beñat Amezaga
19-24 urte bitartean	Irati Bernaola Joseba Bilbao Illart Gumuzio	Imanol Arrutia Iñigo Zalterain Aitor Arrutia

	ARRATIA	ENKARTERRIA
18 urte arte	154,5	144,-
19-24 urte	209,5	200,5
Danetara	364,-	344,5

Kontuak kontu, finalaurrekoak datorren astean jokatuko dira eta finala hilaren 27an, egutegi honen arabera:

Finalaurrekoak

Eguna	Taldeak	Lekua	Ordua
2009/03/16	Bilboaldea - Lea Artibai	Bilbo: Txurdinagako G. Aresti inst.	11:45
2009/03/18	Ipar Uribe - Arratia	Derio: Txorierri BHI institutua	12:15