Trapatoni durangarrak jantzarako prest datoz
2007-10-31 14:56 Musikea
Zazpikoteak ska, funky, rock, metal eta hainbat estilotako musikak buztartu ditu (R)evolution izeneko bigarren diskoan. Entzuteko baino, jantzarako lana dala dinoe, zuzenekoetan dago-eta taldearen benetako indarra.
Euskal Herriko Ikus-entzunezkoen III. Rallya Elgetan izango da, abenduaren 29an
2007-10-31 11:55 Barriak
Elgetako Espaloia Kafe Antzokia izango da abenduaren 29an egingo dan lehiaketearen erdigunea: parte hartzaileek bertan egin beharko ditue euren bideoen edizino lanak, lanon proiekzinoa eta sari banaketea bera be bertan egingo baitira. Aurkezten diran lanen artean, hiru sari banatuko dira: 1.500, 1.200 eta 900 eurokoak hain zuzen be. Izena emoteko epea, zemendiaren 27ra arte zabalik dago.
Jokin Zaitegi XXI. Sariketara lanak aurkezteko epea zabaldu dabe
2007-10-31 11:22
Arrasateko AED alkarteak eta Elkar argitaletxeak, Kutxaren laguntzinoagaz, XXI. Jokin Zaitegi Sariketea deitu dabe, aurtengo Literaturako Nobel saridunaren lana itzultzeko erabiliko dana. Lanak aurkezteko epea abenduaren 31n amaituko da.
‘Pixka bat es mucho’ kanpainea martxan
2007-10-31 10:55 Euskerea berbagai
Euskerea jakin arren erabilten ausartzen ez diran personak euskeraz be berba egitera bultzatuko dira -eta ahalegin hori autortuko jake-. Ezer ezarri barik eta estutu barik berba egin behar dabe, modu naturalean, holan danok irabazten dogulako eta, azken finean, kanpainearen leloak honakoa dinoalako: ‘Pixka bat es mucho’ Patxi Baztarrikak adierazo dauenez.
'Gure Artea 2006' erakusketea zabalduko dabe Gasteizko Artium Museoan
2007-10-31 10:21 KultureaErakusketea zemendiaren 1etik 2008ko urtarrilaren 6ra arte egongo da museoko Iparra aretoan. Bertan, Eusko Jaurlaritzeak bi urtean behin antolatu ohi dauen 'Gure Artea' lehiaketean saridunak izan diran artisten lan barrienak izango dira ikusgai.
Zazpigarren lana kaleratu dau Koma taldeak
2007-10-30 14:27 Musikea
Hiru urte diskorik atara barik egon ostean, Iruñeako taldeak Sakeo, 13 abestiz osotutako lana argitaratu dau Maldito Records zigiluagaz. Laukote nafarrak betiko metal doinuei eutsi deutso zazpigarren lan honetan.
Amaia Agirre eta Aitor Sarriegi aurrera Gipuzkoako Txapelketan
2007-10-29 18:05 BertsolaritzeaAmaia Agirre eta Aitor Sarriegi, zuzenean aurrera doaz eta Iker Zubeldiak eta Iñaki Zelaiak be aukera asko ditue Gipuzkoako Bertsolari Txapelketako finalaurreak jokatzeko.
Miren Agur Meaberentzat Haur eta Gazte Literaturako Euskadi Saria
2007-10-29 16:57 sariak-autortzak
Miren Agur Meabe lekeitiarrak irabazi dau Haur eta Gazte Literaturako Euskadi Saria, Urtebete Itsasargian liburuagaz. Eleberriak Espainiako Gerra Zibila eta 13 urteko ume batek sasoi haretan Garraitzetan (Lekeitio) bizitakoak ditu ardatz.
Bizkaian 2.490 enpresa barri sortu dira 2007ko lehenengo bederatzi hileetan
2007-10-29 15:01Bizkaian 2.490 enpresa barri sortu dira 2007ko lehenengo bederatzi hilebeteetan, hau da, 2006ko aldi berean baino 109 gehiago, orduan 2.381 izan baitziran. Jarritako kapitala 362 miloe eurokoa da, igaz baino ia 154 miloe gehiago, hau da, batez beste enpresa bakotxaren kapitala 145.496 eurokoa da, Bilboko Merkataritza Ganberako arduradunek prentsa ohar bidez jakinarazo dabenez.
Zientzia, Teknologia eta Barrikuntzearen VI. Asteak 120 ekintzatik gora eskainiko ditu
2007-10-29 14:49
Zientzia, Teknologia eta Barrikuntzearen Astea zientzia-hezkuntza eta kultura zabaltzeko Europako Batasuneko Ikerketa eta Teknologia Garapeneko Egitarau markoaren barruan kokatzen da. Helburu nagusia da gizartean ikerketakazko interesa piztea, eta horretarako ezagutzera emoten dira teknologiaren emoitzak, zientziaren ikerketea sustatu eta gizarteagazko hartu-emanak errazteko.
Bilboko barrutietako bulegoek Euskal Herrian aitzindaria dan sisteman oinarritutako itzulpen terminalak ditue
2007-10-29 13:58Bilboko Udaleko Herritarrakazko Harremanen Sailak garatutako ekimena, erabiltzailea zentral bategaz komuniketan dauen hizkuntza-bitartekaritzako telefono-terminalean (eskuko telefonoaren antzekoa) datza, eta bertan tekniko batek egingo dau aldibereko itzulpena.
‘Erosi euskeraz, bizi Zazpi Kaleak euskeraz’ kanpainea abian
2007-10-29 13:31 Euskerea berbagaiZazpi Kaleetako Merkatarien Alkarteak eta Bilboko Udaleko Euskera Sailak Bilboko Gune Historikoan euskerearen erabilerea sustatzeko kanpainearen barrruan eskuko telefonorako bluetooth bidezko edukiak eskainiko ditue, Euskaltel-en laguntzinoagaz, eta bi bidaia zozketatuko ditue, Eroski Bidaiak-en babesagaz.
Joan Mari Torrealdai eta Lourdes Oñederra proposatu ditue euskaltzain oso izateko
2007-10-29 10:12 Euskerea berbagai
Kontuak kontu, 29. zenbaki-hutsartea beteteko, Joan Mari Torrealdai euskaltzain urgazlea proposatu dabe Jose Antonio Arana Martixa, Miren Azkarate eta Andres Urrutia euskaltzain osoek, eta 30. zenbaki-hutsartea beteteko Lourdes Oñederra euskaltzain urgazlea proposatu dabe Henrike Knörr, Xabier Kintana eta Pello Salaburu euskaltzain osoek.
Sabin Salaberri Urcelay musikari arabarrari emon deutsie Manuel Lekuona 2007 Saria
2007-10-26 15:53 sariak-autortzak
Urtero banatzen dau saria Eusko Ikaskuntzeak euskal kulturearen arloko personen artean, euren obra guztiaren onarpen legez.
Euskadiko Filmategiak 'Bilbao?' izenburuko film amateurra berreskuratu eta zaharbarritu dau
2007-10-26 12:18 Barriak
Dokumentua 1960koa da, Policarpo Fernández Azkoagak (Sestao, 1928) grabautakoa. Pelikula zortzi milimetroan dago filmauta eta harridurea sortzen daben txabolen irudiak batzen ditu Bilbo erdi-erdian.
Lekeitioko Euskal Zine eta Bideo Bilerea ate-joka
2007-10-26 11:26 Barriak
Zemendiaren 19tik 24ra bitartean, aurten hogeta hamar urte beteten dituan Bideo Bileran, danetara, 46 ikus-entzunezko erakutsiko dira. Bestalde, urteurrena ospatzeko, aurreko edizinoetako kartelen erakusketea be izango da.
‘Jakiunde’, kultur lankidetzea sustatzeko akademia sortu dabe
2007-10-26 11:12
Arte, letra eta zientzien arloko 26 adituk osotzen daben akademiaren helburuetako bat gizarteari buruz oro har eta berenberegi zientziaren, artearen eta literaturearen inguruan gogoeta egitea da.
‘Nömadak Tx’ historiako bigarren dokumentalik onena izentau dabe Amsterdamen
2007-10-25 18:14 Barriak
Azken hilebeteotan Internet bidez egindako botazino baten bitartez, mundu osoko ikusleek filme honen kalidadea aintzatetsi dabe. Kontuak kontu, Nömadak Tx film dokumentalen historian sartu da, Amsterdameko IDFA ospe handiko zinemaldia baita mundu osoan, are gehiago, zine dokumentaleko Cannesa bezela ezagutzen baita.
Webgune bisitatuenak: komunikabideenak
2007-10-25 15:56Euskal Autonomia Erkidegoan, 2007ko bigarren hiruhilekoan bisita gehien jaso dituan webgunea www.elcorreodigital.com izan zan. Hurrengo komunikabide bisitatuenak www.diariovasco.com (%7,5) eta www.marca.es (%4,8) izan ziran.
Elhuyar Fundazinoak 'Armix baso Magikoan' izeneko bideo-jokoa produzidu dau
2007-10-25 14:17
Bost eta zortzi urte arteko gaztetxuentzako produkzinoa da eta, jolasen bidez, jokalariak matematikako, inguruaren ezaguerako eta hizkuntzako gaiak landuko ditu.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...