Teknoskopioa lehiaketea martxan dago
2007-09-25 14:40
Zemendiaren 5etik 11ra, Zientziaren eta Teknologiaren Astea ospatuko da. Horri begira, Elhuyar Fundazinoak, Innobasquek eta Zientziaren kutxaGuneak alkarlanean jarri dabe martxan Teknoskopioa 2007 gazteentzako ideia-lehiaketea.
Gorilla Biscuits hardcore taldeak kontzertua emongo dau Durangoko Plateruenan
2007-09-25 10:59 Musikea
Gorilla Biscuits New Yorkeko hardcore talde mitikoak kontzertu bat eskainiko dau barikuan, hilak 28, Durangoko Plateruena kafe antzokian, gaueko 22:00etan hasita. Estadubatuarrakaz batera, Leihotikan talde iruindarrak eta Burgoseko Still Life taldeek joko dabe.
Kritiken Hemeroteka goitik behera barritu eta beregain hartu dau Armiarma webguneak 2007an
2007-09-24 18:28
Astero argitaratzen diran kritikak batzen ditue, literatur liburuen gaineko eretxiak erraz topetako aukerea eskaintzearren. Horreezaz gan, Kritiken Hemerotekara egunkari eta aldizkarietatik XX. mendean idatzitako kritika sorta handia bat batu dabe, 1930etik hasita
Gipuzkoako Bertsolari Txapelketea martxan honezkero
2007-09-24 15:55 Bertsolaritzea
Hasi da Txapelketea. ‘G puntua’ martxan da. Gipuzkoa bertsotan murgilduko da hiru hilebete eskasean zehar. ‘G’ handiaren pean bertsoa bidelagun: Orion eta Legazpin lehenengo pausuak. Ordu berean. Gai berakaz. Bertsolariak ezagunak; geureak. Guztiak. Sailkapen fasea galbahea ei da, baina inor ez da kanpoan geratzen: G puntuak danok batu baikaitu.
Gu Ta Gutarrak taldeak urrian kaleratuko dau bere lehenengo diskoa
2007-09-24 14:56 Musikea
Igor Elortza eta Unai Iturriaga bertsolariek euskal herriei, berbeari, gauari, maitasunari, politikeari, amesei, amorruari zein bizipozari jarritako bertsoak dira lanaren oinarri.
Bilbo argazkigintzearen uriburu bihurtuko da urrian
2007-09-24 14:32
Bost erakusketa, bi berbaldi eta tailer bat programau ditue, Espainiako Argazkilaritza Konfederakundearen XXII. Biltzarragaz bat eginaz
Bizkaiko uriburuak harrerea egingo deutso lehenengo aldiz Espainiako Argazkilaritza Konfederakundearen urteroko biltzarrari. Biltzarrak XXII. edizinoa beteko dau aurten, eta Euskal Herriko Argazkilaritza Alkarteen Federakundeak antolatuko dau urriaren 19tik 22ra bitartean BBKren babesagaz eta Udaleko Kultura eta Hezkuntza Sailaren lankidetzegaz.
Euskerea ikasteko prest
2007-09-24 12:56 Euskerea berbagaiDanetara, 40.000 ikasle inguru, horreetatik 4.000 baino gehiago autoikaskuntza bidez, izango dira euskerea ikasten 2007-2008 ikasturtean euskaltegi publiko eta pribadu homologaduetan, urriaren 1tik hasita.
Euskerea berreskuratzeko pausuak Nafarroan
2007-09-24 11:23 Euskerea berbagai ‘Recuperación del euskara en Navarra’, Miquel Gros i Lladosen ikerketea plazanXX. mendearen azken laurenera arte ez bezela, azken 20 urteotan, Nafarroan euskereak berreskuratzeko seinaleak erakutsi ditu. Holan ondorioztatu dau Miquel Gros i Llados ikertzaileak Vianan aurkeztu dauen lanean, ‘Recuperación del euskara en Navarra’.
Sugan taldeak jarri deutso musikea ‘Pilotari’ telesail barriari
2007-09-21 15:35 Musikea
Telesaila 13 astez emitiduko da, domekaro, 22:00etatik aurrera. Taldeak urriaren 7an emitiduko dan kapituluan be parte hartuko dau.
‘Bilbao, nire kotxe barik!’ eguneko adierazpena Amaia Piedra atleta bilbotarrak irakurriko dau
2007-09-21 15:28Zapatu honetan Europako 1.000 uri baino gehiagotan egingo da ‘Kotxe bako Eguna’. Bilbok be ekimenagaz bat egingo dau kotxearen erabilereari buruz herritarrei gogoetarako deialdia egiteko asmoz: urian kotxea modu arrazionalean erabilteko beharrari buruzko gogoetea.
Garik irailaren 27an aurkeztuko dau ‘Esperantzara kondenatua’ disko barria
2007-09-21 11:27 Musikea
Abeslari eta musikari legazpiarrak bakarkako bosgarren diskoa aurkeztuko dau. Rock ikutuagaz, letra sakon eta biziak jaso ditu lanean, tartean José Luis Padrón-ek, Jon Maiak, Jon Benitok eta Roberto Mosok idatzitakoak.
Gloria Totorikaguena Eusko Jaurlaritzearen aholkulari
2007-09-20 15:48 Euskaldunak munduan
Eusko Jaurlaritzeak ‘Euskadi eta euskaldunak globalizazinoaren aroan’ egitasmoko zuzendari izentau dau. Totorikaguenaren erantzukizuna izango da globalizazinoak eta barrikuntzeak zelako onurak dituan Euskal Herriko zientzian, unibersidadean, artean, kulturan, bizimoduan zein ingurumenean.
Unai Basurkok Vendée Globe estropadan parte hartuko dau
2007-09-20 15:21 Euskaldunak munduan
Eskala barik eta bakardadean munduari birea emoten deutson estropadearen 2008ko edizinoan izango da portugaleteko itsasgizona.
Kalesound Maketa Lehiaketako finalistak Bilborocken
2007-09-20 12:16 Musikea
Pasa dan bagilean Nontzeberri web guneak antolatutako Kalesound Maketa Lehiaketea egin zan. Ekimena on-line izan zan eta orain kontzertuak datoz. Hilaren 21ean eta 22an, Bilboko Bilborock aretoan, pop-rock eta metal ataletako finalistek joko dabe hurranez hurran. Kontzertuak iluntzeko 21:00etan hasiko dira. Sarrerea dobanekoa izango da.
Donostia, zazpigarren artearen uriburu
2007-09-20 11:47 Barriak
Goizeko 11:00etan hasi da Zinemaldia, David Cronenberg Kanadako zuzendariaren Eastern Promises filmagaz. Bederatzi egunez (irailak 29ra arte), Donostiako Zinemaldiaren 55. edizinoak zinemaz jantziko ditu Kursaal eta Victoria Eugenia eta uriko kaleak.
Guggenheim Bilbao Museoa: 2007ko Euskaldun Unibersala
2007-09-19 19:00 sariak-autortzak
Iñaki Agirre Eusko Jaurlaritzako Kanpo Hartu-emonetarako idazkari nagusiak jakinarazo dau aurtengo saridunaren izena Gazteizen emondako prentsaurrekoan. Saria emoteko ekitaldia urriaren 17an egingo da, Lehendakaritzan, Gasteizen.
Getxon, merkataritza sektorean euskerea sustatzeko ekimen ugari
2007-09-19 18:05 Euskerea berbagai
Lehenengoa ‘Buscas casa edo etxe bila zabiltza’ higiezinen agentzietan euskerearen erabilerea sustatzea helburu dauen CD bat da. Bigarrena ‘Eskerrik asko euskeraz eskatzeagaitik’ lemapeko ezpainzapi-ontziak eta ezpainzapiak eta posabasoak. Azken buruan, ‘Dendaketan’ eta ‘Ostalaritzan’ euskera ikastaroak antolatu ditu, bezeroak euskeraz atendidu ahal izateko oinarrizko ikastaroak.
Gabriel Aresti XXV. Ipuin Lehiaketarako lanak aurkezteko epea zabalik dago
2007-09-19 15:34 kulturbiz
Edozein nazionalidadeko egileek gai libre, argitaratu bako eta gehienez hamabost orriko luzerako ipuinak aurkezteko aukerea izango dabe 2007ko urriak 31 baino lehenago.
'Tunela', 'Gaueko gezurrak' eta 'Gainbehera dator dena', Literatura Unibertsala bildumarako hiru liburu barri
2007-09-19 15:32 Kulturea
Alberdania eta Elkar argitaletxeek literatura Unibertsala bildumako hiru liburu barri aurkeztu ditue alkarlanean. Liburuok honako honeek dira: Ernesto Sabatoren Tunela (itzultzailea: Mikel Garmendia), Gesualdo Bufalinoren Gaueko gezurrak (itzultzailea: Josu Zabaleta) eta Chinua Acheberen Gainbehera dator dena (itzultzailea: Alberto Martinez de la Cuadra).
Unibersidade-ikasturtea martxan dago
2007-09-19 02:00
Euskal Herriko Unibersidadeak (EHU) 2007-2008 ikasturteko hezkuntz eskaintzea aurkeztu eta Goi Mailako Hezkuntzaren Europako Espazioan bateratzeko prozesuan izandako aurrerakuntzak aztertuko ditue gaur, irailak 19, Bilbon. Deustuko Unibersidadeak eguenean, irailak 20, emongo deutso hasierea 2007-2008 ikasturteari.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...