Bizkaie!

Bilbo Zaharrean euskeraz jardungo dauen LHko ikastegi bat 1,5 miloe eurogaz lagunduko dau BFAk

Langileen prestakuntza prozesuetan euskerea sartzea, bai eta enplegurako prestakuntzan eta enpresen sorkuntzan be, eta hezkuntza-sistemearen barruan persona euskaldun ekintzailearen kontzeptua sartzea dagoz helburuen artean.

Etorkinen Nazinoarteko Egunak herrialdeetako garapenari egiten deutsien ekarpena balorau gura dau

Getxoko Udalak beste urte batez, abenduaren 18an ospatzen dan Etorkinen Nazinoarteko Egunagaz bat egingo dau, ‘tolerantzia eta mundu osoko herrialdeen garapenean parte hartzeko etorkin guztiek eskaintzen dabena eta egiten daben ekarpena autortzeko eta baloretako eta kulturen arteko komunikazinoa errazteko’.

Laurehun eskola-umek parte hartuko dabe ‘Kirol Campusak euskeraz’ ekimenean

Kirola, aisialdia eta euskerea batera gozetako helburuagaz, 400 gaztetxuk parte hartuko dabe abenduaren 26an eta 27an eta urtarrilaren 2an eta 3an egingo diran ‘Kirol Campusak euskeraz’ ekimenean

‘El orfanato' eta 'Las trece rosas', Goya sarietarako faborito

‘El orfanato’ eta ‘Las trece rosas’ filmak dira Goya sarien XXII. edizinorako faboritoak, danetara, hamalau izendapen jasota. Horreekaz batera, ‘La Soledad’ eta ‘Siete mesas de billar francés’ filmak lehiatuko dira pelikularik onenaren saria irabazteko. Sari banaketa gala zezeilaren 3an izango da.

‘Bikain’ euskerearen kalidade ziurtagiri publikoak euskerearen normalizazinoa egiaztatuko dau

’Bikain’ Euskerearen Kalidade Ziurtagiriaren helburua da Euskadiko esparru sozio-ekonomikoko erakundeek garatutako hizkuntza-normalkuntzako prozesuek izan daben garapen-maila egiaztatu eta autortzea.

The Pub Ibiltaria sarean honezkero

www.thepubibiltaria.com helbidean, Oskorrik urteetan zehar berreskuratu dituan abesti guztiak dagoz eskuragarri. The Pub Ibiltariaren proiektuan berreskuratu diran abesti bakotxaren eta guztien partiturak, letrak eta midi artxiboak eskuratu daitekez.

Postal Literarioak ekimena aurkeztuko dabe Galdakaon

Galtzagorri alkarteak eta Galdakaoko Udalak alkarlanean antolatu daben Postal Literarioak ekimena aurkeztuko dabe eguaztenean, abenduak 19, Galdakaoko Torrezabal Kultur Etxean. Postalen testuak Yolanda Arrietak idatzi ditu, ilustrazinoa Aitziber Alonsok egin dau eta maketazinoa Allende Arnaizek.

Aitor Mendiluzek irabazi dau Gipuzkoako Bertsolari Txapelketea

Beñat Gaztelumendi donostiarra izan da txapelketako ezustea. Hogei urteko gaztea bigarren sailkatu zan. Atzetik, Jon Martin izan zan hirugarren, Jon Maia laugarren, Jexux Mari Irazu bosgarren, Aitor Sarriegi seigarren, Unai Agirre zazpigarren eta Iker Zubeldia zortzigarren.

Bruce Springsteen Donostian zuzenean 2008ko garagarrilaren 15ean

Sarrerak datorren abenduaren 21an, goizeko 10:00etatik aurrera jarriko dira salgai Tick Tack Ticket -en, telefonoz eta baita internet bidez be.

Antolatzaileek azaldu dabenez, sarrerek 75, 71 eta 61 euroko salneurria izango dabe. Gainera, personako gehienez 6 sarrera erosi ahal izango dira.

Bilboko XXV. Artisautza Feria, abenduaren 19tik urtarrilaren 6ra

Danetara, 50 artisau izango dira, gehienak bizkaitarrak (20) baina Andaluziatik, Arabatik, Aragoitik (5), Asturiasetik (2), Kataluiniatik (3), Kantabriatik (2), Gaztela-Mantxatik (4), Gaztela-Leon, Galizia (5), Madriletik, Valentziatik eta Frantziatik (2) be etorriko dira.

'Zine gehiago+Euskera gehiago', euskerazko filmak sustatzeko ekimena

Eusko Jaurlaritzako Kultura sailak 'Zine gehiago+Euskera gehiago' egitasmoa jarri dau martxan, euskerazko filmak DVD euskarrian eta zirkuitu komertzialetan txertatzeko asmoz. Ekimenaren aurkezpena Bilbon egin dabe Miren Azkarate Eusko Jaurlaritzako Kultura sailburuak eta Andoni Ortuzar EiTBko zuzendari nagusiak.

Artelanen prebentzinoa eta kontserbazinoa aztertzeko mintegia Guggenheim-en

Guggenheim Bilbao Museoak, Espainiako IIC taldeagaz alkarlanean, artelanen prebentzinoa eta kontserbazinoa aztertuko dauen mintegia antolatu dau biharko, abenduak 14, nazioartean oso ezagunak diran adituakaz.

Xabier Azanza izentau dabe Euskerearen Nafar Institutuko zuzendari

Orain arte Nafarroako Ikastolen alkarteko burua izan da Azanza. Nafarrako Gobernuko Hezkuntza kontseilariagaz egindako aurkezpenean, indarrean dagoan Euskerearen Legearen esanetara lan egingo dauela esan dau.

Ike Turner blues eta rock izarra hil da

Tina Turner abeslariaren senar ohia eta blues eta rock musikearen aitzindaritzat hartzen dan artistea martitzenean hil zan Kalifornian, 76 urte zituala Thrill Entertainment Group konpainiak jakinarazo dauenez.

Shanghaiko Euskal Etxeko bloga erabilgarri dago

Urtean zehar antolatu diran hainbat ekimeni buruzko informazinoa topauko dau bisitariak (http://blog.chinaeuskaletxea.info) blogean. Dana dala, danen artean, Txinari buruzko informazinoa eta bizipenak alkarbanatzea da Euskal Etxeko blogaren helburua. Blog-a, web orriaren (www.chinaeuskaletxea.com) gehigarri izatea da asmoa.

Ardaoa euskeraz probau gura?

Euskerearen Gizarte Erakundeen Kontseiluak Euskal Herriko hamabi ardandegi esanguratsuren euskerearen egoerea aztertu dau, euren ardao botilen etiketak eta webgunea izan ditu aztergai hain zuzen be.

Igaz baino 9 saltoki gehiago aurten Bilboko Santo Tomas Azokan

Gabon giroko Santo Tomas Azokan, aurten nasaiago ibiliko dira bisitariak eta saltzaileak, izan be, Arenaleko aparkalekuaren obrak amaituta, igaz baino 5000 metro koadro gehiagotan jarriko ditue salmenta tokiak.

Labayruk eta Jaurlaritzeak lankidetza-hitzarmena barriztau dabe

Eusko Jaurlaritzako Hizkuntza Politikarako Sailburuordetzeak, Bizkaiko Foru Aldundiko Kultura Sailak eta Labayru Ikastegiak 2000. urtetik eben lankidetza-hitzarmena barriztau eta zabaldu dabe gaur goizean Bilbon, euskera sustatu eta bizkaierea normalizetako helburuagaz.