IX. Nazinoarteko Trikitixa Jaialdia datorren zapatuan getxon

| Ikusi handiago | Argazki originala

Euskal Herriko Trikitixa Alkartearen ekimenez, aurtengo hitzorduak bi izango dira: bata zemendiaren 6an, zapatuan izango da, Bizkaian, Areetako Andres Isasi Musika Eskolan (Getxo), arratsaldeko 19:00etatik aurrera. Bertan Italia, Catalunya, Bretainia eta Euskal Herriko musikariakaz gozetako aukerea izango da.

Bigarren hitzordua Gipuzkoan, Tolosan izango da barikuan, zemendiaren 5ean, Leidor antzokian, gaueko 22:00etatik aurrera.

Parte-hartzaileak ondokoak dira:

- Filippo Gambetta eta Claudio de Angeli (Italia).
- Blai Casals eta Manu Sabaté (Katalunia).
- Imosima (Bretainia).
- Mirari Azkune eta Aitziber Otegi; Xabi Aburruzaga eta Jose Urrejola; eta Kupela taldea (Euskal Herria).

Mikel Martinez eta Patxo Telleria aktoreek aurkeztuko ditue saioak. Ondoren, urtero legez, Trikisession-a izango da Getxon, Areetako Glass tabernan.

Sarrerak urriaren 25etik dagoz salgai, Getxoko Kultur Etxea eta BBKren bitartez (6 euro).