Bilboko Plaza Barriko wi-fi eremuak 3.200 erabiltzaile baino gehiago izan ditu
2008-10-14 14:41
Udal bilbotarrak leku hau aukeratu eban urian gune aitagarria dalako, eta erantzuna ikusita, Bilbok hurreko etorkizunean izango dituan wi-fi puntu ugarietako lehenengoa baino ez da izango, 'Bilbao39.net' planagaz bat etorriz, datozen bi urteetan uriak auzo bakotxean konekzino gune bat izatea aurreikusita baitago.
Galdakaoko Eguzkibegik antolatuko dauen XXXI. Ibilaldia gero eta hurrago
2008-10-14 11:58 Euskerea berbagai
'Gerizpetik eguzkibegire' leloa aukeratzean euskerearen historia islatu nahi izan da, beti be ikuspegi positibotik: azken hamarkadetako iragan ilunetik eguzkirako bidean egin dan lan handia gogoratu eta lan horretan diharduela adierazo.
Jaurlaritzeak 72.776 euroko diru-laguntzinoa emon deutso Mintzalaguna egitasmoari
2008-10-14 11:16 Euskerea berbagai
Topagunea Euskera Elkarteen Federazinoak eta Eusko Jaurlaritzako Hizkuntza Politikarako Sailburuordetzeak 'Mintzalaguna' egitasmoa indartzeko, zabaltzeko eta diruz laguntzeko hitzarmena sinatu dabe. 'Mintzalaguna' programa danak kontuan izanda, honezkero 2.500 mintzalagunetik gora ari dira 48 herritan banaturiko 450 mintza-taldetan.
Daniel Innerarityk gaur, urriak 14, jasoko dau Eusko Ikaskuntza-Euskadiko Kutxa saria
2008-10-13 15:04
Daniel Innerarity saiogile bilbotarraren pentsamenduaren unibersaltasuna, haren lanaren nazinoarteko proiekzinoa, produkzino zientifiko eta dibulgatibo ugaria, Vasconiaren kultura, gizartea eta etorkizunagaz lotutako gaiak jorratzeko gaitasuna balorau ditu epaimahaiak.
Xabier Diharce, 'Iratzeder' euskaltzain osoa hil da
2008-10-13 14:42 Euskerea berbagai_new_normal.jpg)
Xabier Diharce, 'Iratzeder' euskaltzain oso emeritua gaur hil da, Beloken, 88 urte zituala. Haren aldeko hileta-elizkizuna urriaren 15ean, eguaztena, izango da Beloken, Urt/Ahurti herrian, Beneditarren komentuko eleizan, goizeko 10:30ean.
Iragarkilaburrak.com, euskerazko iragarki laburren ataria
2008-10-13 12:04
Bagilean, lekuan lekuko hainbat herri aldizkarik, egunkarik eta agerkarik euskerazko iragarki laburren webguneak sortu zituen. Orain, azken hileotan proiektuagaz bat egin daben kide barriakaz batera, danak batzen dituan webgune nagusia aurkeztu dabe: www.iragarkilaburrak.com
Eneko Abasolo 'Abarkas'-ek irabazi dau Mendexako kanporaketea
2008-10-13 11:00 Bertsolaritzea
Bizkaiko Bertsolari Txapelketako lehenengo saioko irabazlea eta zuzenean finalaurrekoetara sailkatzen dana Eneko Abasolo 'Abarkas' da. Mendexako saioan 392,5 puntu batu zituan atzo.
X. Bad Jaialdiaren kartela, publiko inkonformistearen espiritua omenduz
2008-10-10 16:40 kulturbiz
Antzerki eta jantza garaikidearen erakustaldia dan BAD Jaialdiaren X. edizinoa urriaren 24tik zemendiaren 2ra bitartean egingo da aurten.
Rob Schmidten 'The Alphabet Killer' filmagaz hasiko da Donostiako Fantasiazko eta Beldurrezko Zinema Astea
2008-10-10 15:47 BarriakRob Schmidten 'The Alphabet Killer' (2008) film estadubatuarragaz hasiko da urriaren 31tik zemendiaren 8ra bitartean ospatuko dan Donostiako Fantasiazko eta Beldurrezko Zinemaren XIX. Astea.
'Gu gira', gure iraganaren frutua, gure etorkizuneko hazia
2008-10-10 15:29 Musikea
'Gu gira' Elkar diskoetxearen azken frutua gaur aurkeztu dabe Bilbon, EITBren egoitza nagusian, disko-bilduma bikotxean (danetara, 50 kantu batu ditue) protagonista diran batzuk bertan zirala, besteak beste, Gontzal Mendibil, Niko Etxart eta Iñaki Eizmendi. Hirurak kantuan entzuteko aukerea izan da.
Euskadiko 17 enpresa Canneseko MIPCOM edukien munduko azokarik handienean
2008-10-10 11:55 Barriak
Basque Audiovisual goiburuan alkartuta, Euskadiko 17 enpresek parte hartuko dabe datorren astelehenean (urriak 13) hasiko dan Canneseko MIPCOM edukien munduko merkaturik handienean.
Iratxe Jaio eta Klaas van Gorkumek, Asier Mendizabalek eta Xabier Salaberriak irabazi dabe Gure Artea saria
2008-10-10 11:38 sariak-autortzak
Hiru irabazletako bakotxak 16.666 euroko saria jasoko dau. Sarien 20. aldi honetan, Eusko Jaurlaritzako Kultura Sailak Miren Jaio (Bermeo, 1968) arte kritikaria aukeratu dau epaimahaiaren presidente eta erakusketen komisario.
Sari honen helburu nagusia arte plastikoaren eta ikus-artearen sormena bultzatzea da.
EITBren iraultzea
2008-10-10 11:06
eitb.com barriaren ibilbidearen hasierea ez eze, telebista kalte barriaren (ETB-3) estreinaldia, Radio Euskadiren 25. urteurrena, EITBren Bilboko egoitza digitalaren lehen urteurrena eta denporaldi barriaren hasierea be ospatuko dira, gaur, urriak 10 eta hainbat ekitaldi izango dira egun osoan: ate edegiko eguna (10:00etatik 19:00etara), Funanbulistea San Mames eta EITBren egoitzearen artean (20:30) eta Gaztea Jaia (23:00).
Gabriel Aresti orain 75 urte jaio zala gogoratuko dabe gaur Bilbon
2008-10-09 15:44
Bilboko Poesiaren Astearen aurreko edizinoetan bezela, aurten be Gabriel Aresti poeta euskaldunaren omenezko eguna ospatuko da, sortzailearen jaiotzearen 75. urteurrenagaz bat eginez. Martitzenean, urriak 14, goizeko 11:30etan, Iñaki Azkuna alkateak oroimenezko plaka desestaliko dau poetearen jaiotetxean, Barroeta Aldamar kaleko 2an, aduana zaharraren parean, eta ekitaldiaren barruan Arestiren poema batzuk irakurriko dira.
Legeak agintzen dauena bete eta euskerea sustatzeko laguntzak banatu daizala exijidu deutsie hedabideek Nafarroako Gobernuari
2008-10-09 14:40 Euskerea berbagai
Euskerearen Legea indarrean sartu zanetik hogeita bi urte beteko diranean, eta Nafarroako Gobernuak Euskarabidea sortu dauen urte berean, foru administrazinoak ezelako laguntzarik barik itxiko ditu euren ohiko jardunean euskerea erabilten daben Nafarroako hedabideak.
Nipondar tribuak protagonista II. Mangamore Jaialdian
2008-10-09 13:03 jardunaldiak
Amorebieta-Etxanoko Zelaieta Kultur Etxeak Mangamore edo manganime eta japoniar kulturearen jardunaldien bigarren ekitaldia jasoko dau asteburu honetan (10etik 12ra). Aurtengo ekitaldian niponiar tribuak izango dira jardunaldietako gai nagusia.
'Rafael Picavea (1867–1946). Euskal Historiaren pertsonaia ahaztua' liburua plazan
2008-10-09 12:04
Ander Delgado unibersidade-ikertzailearen azterlana da eta Sabino Arana Fundazinoak eta Oiartzungo Udalak argitaratutako lan honek sakon aztertzen ditu, gaur egun euskal herritarrik gehienentzat ezezaguna dan gipuzkoar industriari, kazetari eta politikari horren biografian.
Atxarte Lopez de Munainek 'Higikaria' jantza-ikuskizuna eskainiko dau Gernikan
2008-10-09 11:52 KultureaLondonen egindako ikasketa-egonaldia amaituta, Atxarte Lopez de Munain gernikarra buru-belarri egon da 'Higikaria' jantza-ikuskizun barria preparetan eta bariku honetan estreinauko dau, 20:30ean, Gernika-Lumoko (Bizkaia) Lizeo Antzokian. Ikuskizunerako sarrerak 4 euroan izango dira salgai Lizeo Antzokian bertan edota BBKren danetarako kutxazain automatikoetan.
Santurtziko Udalak bertsolaritzearen inguruko programa bat jarri dau martxan ikasleei euskereagaz laguntzeko
2008-10-09 11:25 Euskerea berbagai
Santurtziko Udalak 'Bertsogintzea eskoletan' izeneko programea abiarazo dau, ikastetxe publikoetako D ereduko lehen hezkuntzako bosgarren eta seigarren mailetako ikasleei euskerazko baliabideak eta hiztegia lortzen laguntzeko.
Zientzia, teknologia eta barrikuntza arloetan, euskal egunkariek teknologia, osasuna eta informatika lantzen ditue gehien
2008-10-08 18:47
Elhuyar Fundazinoak egindako ikerketa baten arabera, zientzia, teknologia eta barrikuntzeari jagokonez, teknologia, osasuna eta informatika dira Euskal Herriko egunkariek gehien lantzen dituen gaiak. Azterketa honetan jasotako ondorioak Donostiako Koldo Mitxelena Kulturunean emon ditue jakitera.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...