Bilboko Udaltegiek Expodistritoko sei erakusketa jasoko ditue apirilaren 6tik aurrera
2010-03-31 14:21 Kulturea
Expodistrito egitaraua Bilboko Udaleko Kultura eta Hezkuntza Sailaren ekimena da, eta bere helburuen artean uribilduko arte adierazpenak deszentralizetea eta ikusleei artista gazteen lanak aurkeztea dagoz, baita honezkero ezagunak diran beste batzuen erakustoki izatea be.
Euskal Idazleen XVII. Biltzarra Saran
2010-03-31 12:11 Kulturea
Apirilaren 5ean, urtero legez Pazko Astelehenez, Sarako Idazleen Biltzarra egingo da herriko polikiroldegian, goizeko 11:30etan hasita. Sarako Turismo Bulegoak eta Euskal Kultur Erakundeak antolatzen daben biltzarrak autoreei emoten deutse lehentasuna.
Lourdes Auzmendik beteko dau Ramon Etxezarrretak HPSn itxitako hutsunea
2010-03-31 11:55 Euskerea berbagai
Arrazoi pertsonalak dirala eta, Ramon Etxezarretak itxi egin dau Eusko Jaurlaritzako Hizkuntza Politikarako sailburuorde kargua, eta hutsune horrek itxitako gorabehera horren harian, Eusko Jaurlaritzeak Hizkuntza Politikarako Sailburuordetzea berrantolatu dau.
Hermes aldizkariak zenbaki berezia eskaini deutso Jose Antonio Agirre lehendakariari
2010-03-30 18:18 kulturbiz
Aitatu argitalpenean, EAJren EBBko lehendakari Iñigo Urkulluren eta bizirik dagozan hiru lehendakari abertzaleen –Garaikoetxea, Ardanza eta Ibarretxe— gogoeta bana jaso dira, baita Iñaki Anasagastik Manuel Irujori 1975ean, Caracas-en, Agirreri buruz egindako alkarrizketa inoiz argitaratu bako bat.
Juanra Madariaga Sisha Pangmara bidean
2010-03-30 18:18
Apirilaren 10ean abiatuko da Madariaga, Barakaldoko Roberto Rodrigogaz eta Burgoseko Jose Luis Quintana eta Isabel García Arribasegaz Sisha Pangmaren 8.027 metroak igon eta maiatzaren lehenengo hamabostaldiko egunen batean tontorra zapaltzeko helburuagaz.
Iturrarango Erlategi Didaktikoa eta Lorategi Botanikoa ezagutu nahi?
2010-03-30 17:43
Bisitearen helburua erleek polinizazinoan daben garrantziaz jaubetzea da. Erleek gizakia elikatzen daben landare erein guztietatik 3/4tik gora polinizetan dabe, eta munduko loredun landare guztien % 90. Egin diran kalkuluen arabera, uste da erlerik ez balego 3.000 landare espezie galdu egingo litzatekezala.
Auñamendi Eusko Entziklopedia digital barritua Sarean honezkero
2010-03-30 15:52
Bernardo Estornes Lasaren 'Enciclopedia Auñamendi' ezaguna oinarritzat hartuta, bertako edukiak eguneratuta, osotuta eta era eleanitzean eskaintzea da Auñamendi Eusko Entziklopediaren helburua. Hori guztia, Google-en bilatzailea erabilten dauen punta-puntako plataforma teknologiko baten bitartez eta doban eskainita.
Bilboko Udal Txistulari Bandeak konbidatu bereziakaz emongo deutso amaierea Euskaldunako kontzertu denporaldiari
2010-03-30 15:16 Musikea
Denporaldia kontzertu berezi bategaz amaituko dau eta honetarako Naroa Intxausti sopranoa, Angel Unzu gitarra-jolea eta Mariano Santamaria piano-jolea izango dira konbidatuak. Hitzordua ohikoa dan legez, Euskalduna jauregiko A1 aretoan izango da, 20:00etan eta sarrerea dobanekoa izango da. Edukiera mugatua da.
Eroski Taldeak Espainiako Estaduko Egoera Eleaniaztunaren II. Sustapen Saria jasoko dau Madrilen
2010-03-30 12:51 Euskerea berbagaiSari horren bidez, Eroskiri autortu nahi deutsie Estaduko lau hizkuntza ofizialak txertatzeko 1970etik hona bideratu dauen merkataritza-politikea. Eroski Taldeko presidentea dan Constan Dacostak jasoko dau saria.
Lourdes Oñederra: 'euskerea behar aina erabili nahi bada, erabilera maila guztietara egokitzeak berebiziko garrantzia dauka'
2010-03-29 15:43 Euskerea berbagai
Pasa dan barikuan egin zan Lourdes Oñederra euskaltzain osoaren sarrera ekitaldia, Donostian. Odon Elorza alkatearen ondo etorri, eta Andres Urrutia euskaltzainburuaren agurragaz hasierea emon jakon saioari eta ondoren, Lourdes Oñederrak 'Drift' izenburuko sarrera-hitzaldia irakurri eban. Erantzuna, barriz, Miren Azkarate euskaltzainak emon eutson, 'Ur-lasterraren dama' hitzaldiarekin.
Joseba Gotzonek disko barria grabauko dau Argentinan
2010-03-29 14:44 Musikea
Portugaleteko kantautorearen produkzinopean, pop-rock inguruan kokatuko da disko barri hau, kitarra elektrikoak nabarmenduz. Zazpi kantu batuko ditue disko honetara eta Internet bidez baino ez da salduko da.
AEK etorkizunari begira bere XIII. Mintegian
2010-03-29 13:53 Euskerea berbagai
Hurrengo epealdi estrategikorako AEKren beste asmo nagusietako batzuk dira barruko egitura eraginkorragoa diseinau eta praktikan jartea, bere kideen lan baldintzak egokitzea eta profesionaltasunean aurrerapausuak emotea.
Aizkorak Zorroztu eta Aiarako Altubepekoak Arabako Kuadrilla arteko Bertso Txapelketearen finalerdietan lehiatuko dira
2010-03-29 12:55 Bertsolaritzea
Arabako Bertso Sorten lehenengo lehiaketearen barruan, Amurrioko Ai Zapotxin eta Errioxa taldearen arteko lehian Errioxakoak izan ziran irabazle eta, beraz, Amurrion, apirilaren 25ean, azken finalerdian, defendidu beharko ditue euren bertsoak.
Lea Artibai irabazle Bertsolari Gazteen XVIII. BBK Sariketan
2010-03-29 11:17 Bertsolaritzea
Lea Artibaik emozinoz beteriko saioan, 9 urte eta gero, barriro lortu dau irabazlearen garaikurra. Horregaz, sariketa honen 18 edizinoetan Lea Artibai bosgarrenez da irabazle; beraz, Ipar Uriberen markea bardindu dau.
BilbaoEszenak Antzerkiaren Nazioarteko Eguna ospatuko dau
2010-03-26 12:56 Kulturea
BilbaoEszenak Antzerkiaren Nazioarteko Eguna ospatuko dau martiaren 27an, zapatuan, goizeko 11:45etan egingo dan ekitaldi bategaz. Ekitaldi horretan, zapaturo zentroan emoten dan antzerki tailerreko 8 eta 12 urte arteko umeek, Judi Dench antzezleak sinatu dauen aurtengo mezua irakurri eta antzeztuko dabe.
Elektronikea eta punka buztartuz, plazan dago Munlet-en 'Cañón' disko barria
2010-03-26 11:29 Musikea
Munlet proiektu barriaren laugarren fasean dago, hau da, 'Cañón' zuzenean aurkezteko fasean. Holan, zenbait kontzertu ditu bagilera arte: apirilaren 30ean, Donostiako Gazteszenan; maiatzaren 1ean, Bermeoko Nuntxakun (Bizkaia); maiatzaren 8an, Zarauzko Gaztetxean (Gipuzkoa); maiatzaren 14an Bilborock aretoan (Bilbo); eta bagilaren 5ean, Madrilgo Nasti aretoan.
Txuma Murugarren lan barria atontzen dabil
2010-03-26 10:50 Musikea
'Disko barrirako abestiak batu doguz daborduko, eta orain horreen artean aukeraketea egiteko garaia heldu da. Hamabost kantu dagoz lehian eta horreetatik 10 bat joango dira diskoan. Maketea etxean grabau ostean, taldeagaz egin doguz lan-saioak, eta martiaren 22ko astean azken lau entseguak egin ostean, barikuan, hilaren 26an sartuko gara grabetan 'Lamiñaks' estudioan, Lastra soinu-teknikariagaz'.
Euskal Antzerkigintzearen topagune bilakatuko da Aulesti aurten be, Artedrama Euskal Laborategiagaz
2010-03-25 17:07 Kulturea
Apirilaren 5etik 11ra ADEL-Artedrama Euskal Laborategiaren bosgarren edizinoa egingo da Bizkaiko Aulesti herrian, arte eszenikoetan euskeraz lan egiten dabenen topagunea izango dalarik, aktore, zuzendari, antzerkigile zein antzerki zale guztientzako urtero zabaltzen dan gunea.
Aitaren memoriari eskaini deutso Pello Ramirezek bigarren diskoa
2010-03-25 14:46 Musikea
'Analfabetoa naz estilo kontuetan', dino Pello Ramirezek kazetariek bere diskoa definiduteko eskatu deutsienean. Haize Oihalak lehenengo lana plazaratu eta bost urtera, musikari ordiziarrak natureari eskainitako Eskuz lurrari izeneko diskoa argitaratu dau Elkar diskoetxearen eskutik.
Bertsolari Gazteen XVIII. BBK Sariketeari finala baino ez jako geratzen
2010-03-25 14:32 Bertsolaritzea
Gaur barikua, hilak 26, arratsaldeko 19:00etan jokatuko da sariketa honen finala, Bilboko Kafe Antzokian, Ipar Uribe eta Lea Artibai taldeen artean. Ohikoa dan legez, sarrerea dobakoa izango da.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...