Auñamendi Eusko Entziklopedia digital barritua Sarean honezkero
2010-03-30 15:52
Bernardo Estornes Lasaren 'Enciclopedia Auñamendi' ezaguna oinarritzat hartuta, bertako edukiak eguneratuta, osotuta eta era eleanitzean eskaintzea da Auñamendi Eusko Entziklopediaren helburua. Hori guztia, Google-en bilatzailea erabilten dauen punta-puntako plataforma teknologiko baten bitartez eta doban eskainita.
Bilboko Udal Txistulari Bandeak konbidatu bereziakaz emongo deutso amaierea Euskaldunako kontzertu denporaldiari
2010-03-30 15:16 Musikea
Denporaldia kontzertu berezi bategaz amaituko dau eta honetarako Naroa Intxausti sopranoa, Angel Unzu gitarra-jolea eta Mariano Santamaria piano-jolea izango dira konbidatuak. Hitzordua ohikoa dan legez, Euskalduna jauregiko A1 aretoan izango da, 20:00etan eta sarrerea dobanekoa izango da. Edukiera mugatua da.
Eroski Taldeak Espainiako Estaduko Egoera Eleaniaztunaren II. Sustapen Saria jasoko dau Madrilen
2010-03-30 12:51 Euskerea berbagaiSari horren bidez, Eroskiri autortu nahi deutsie Estaduko lau hizkuntza ofizialak txertatzeko 1970etik hona bideratu dauen merkataritza-politikea. Eroski Taldeko presidentea dan Constan Dacostak jasoko dau saria.
Lourdes Oñederra: 'euskerea behar aina erabili nahi bada, erabilera maila guztietara egokitzeak berebiziko garrantzia dauka'
2010-03-29 15:43 Euskerea berbagai
Pasa dan barikuan egin zan Lourdes Oñederra euskaltzain osoaren sarrera ekitaldia, Donostian. Odon Elorza alkatearen ondo etorri, eta Andres Urrutia euskaltzainburuaren agurragaz hasierea emon jakon saioari eta ondoren, Lourdes Oñederrak 'Drift' izenburuko sarrera-hitzaldia irakurri eban. Erantzuna, barriz, Miren Azkarate euskaltzainak emon eutson, 'Ur-lasterraren dama' hitzaldiarekin.
Joseba Gotzonek disko barria grabauko dau Argentinan
2010-03-29 14:44 Musikea
Portugaleteko kantautorearen produkzinopean, pop-rock inguruan kokatuko da disko barri hau, kitarra elektrikoak nabarmenduz. Zazpi kantu batuko ditue disko honetara eta Internet bidez baino ez da salduko da.
AEK etorkizunari begira bere XIII. Mintegian
2010-03-29 13:53 Euskerea berbagai
Hurrengo epealdi estrategikorako AEKren beste asmo nagusietako batzuk dira barruko egitura eraginkorragoa diseinau eta praktikan jartea, bere kideen lan baldintzak egokitzea eta profesionaltasunean aurrerapausuak emotea.
Aizkorak Zorroztu eta Aiarako Altubepekoak Arabako Kuadrilla arteko Bertso Txapelketearen finalerdietan lehiatuko dira
2010-03-29 12:55 Bertsolaritzea
Arabako Bertso Sorten lehenengo lehiaketearen barruan, Amurrioko Ai Zapotxin eta Errioxa taldearen arteko lehian Errioxakoak izan ziran irabazle eta, beraz, Amurrion, apirilaren 25ean, azken finalerdian, defendidu beharko ditue euren bertsoak.
Lea Artibai irabazle Bertsolari Gazteen XVIII. BBK Sariketan
2010-03-29 11:17 Bertsolaritzea
Lea Artibaik emozinoz beteriko saioan, 9 urte eta gero, barriro lortu dau irabazlearen garaikurra. Horregaz, sariketa honen 18 edizinoetan Lea Artibai bosgarrenez da irabazle; beraz, Ipar Uriberen markea bardindu dau.
BilbaoEszenak Antzerkiaren Nazioarteko Eguna ospatuko dau
2010-03-26 12:56 Kulturea
BilbaoEszenak Antzerkiaren Nazioarteko Eguna ospatuko dau martiaren 27an, zapatuan, goizeko 11:45etan egingo dan ekitaldi bategaz. Ekitaldi horretan, zapaturo zentroan emoten dan antzerki tailerreko 8 eta 12 urte arteko umeek, Judi Dench antzezleak sinatu dauen aurtengo mezua irakurri eta antzeztuko dabe.
Elektronikea eta punka buztartuz, plazan dago Munlet-en 'Cañón' disko barria
2010-03-26 11:29 Musikea
Munlet proiektu barriaren laugarren fasean dago, hau da, 'Cañón' zuzenean aurkezteko fasean. Holan, zenbait kontzertu ditu bagilera arte: apirilaren 30ean, Donostiako Gazteszenan; maiatzaren 1ean, Bermeoko Nuntxakun (Bizkaia); maiatzaren 8an, Zarauzko Gaztetxean (Gipuzkoa); maiatzaren 14an Bilborock aretoan (Bilbo); eta bagilaren 5ean, Madrilgo Nasti aretoan.
Txuma Murugarren lan barria atontzen dabil
2010-03-26 10:50 Musikea
'Disko barrirako abestiak batu doguz daborduko, eta orain horreen artean aukeraketea egiteko garaia heldu da. Hamabost kantu dagoz lehian eta horreetatik 10 bat joango dira diskoan. Maketea etxean grabau ostean, taldeagaz egin doguz lan-saioak, eta martiaren 22ko astean azken lau entseguak egin ostean, barikuan, hilaren 26an sartuko gara grabetan 'Lamiñaks' estudioan, Lastra soinu-teknikariagaz'.
Euskal Antzerkigintzearen topagune bilakatuko da Aulesti aurten be, Artedrama Euskal Laborategiagaz
2010-03-25 17:07 Kulturea
Apirilaren 5etik 11ra ADEL-Artedrama Euskal Laborategiaren bosgarren edizinoa egingo da Bizkaiko Aulesti herrian, arte eszenikoetan euskeraz lan egiten dabenen topagunea izango dalarik, aktore, zuzendari, antzerkigile zein antzerki zale guztientzako urtero zabaltzen dan gunea.
Aitaren memoriari eskaini deutso Pello Ramirezek bigarren diskoa
2010-03-25 14:46 Musikea
'Analfabetoa naz estilo kontuetan', dino Pello Ramirezek kazetariek bere diskoa definiduteko eskatu deutsienean. Haize Oihalak lehenengo lana plazaratu eta bost urtera, musikari ordiziarrak natureari eskainitako Eskuz lurrari izeneko diskoa argitaratu dau Elkar diskoetxearen eskutik.
Bertsolari Gazteen XVIII. BBK Sariketeari finala baino ez jako geratzen
2010-03-25 14:32 Bertsolaritzea
Gaur barikua, hilak 26, arratsaldeko 19:00etan jokatuko da sariketa honen finala, Bilboko Kafe Antzokian, Ipar Uribe eta Lea Artibai taldeen artean. Ohikoa dan legez, sarrerea dobakoa izango da.
Patti Smith, Elvis Costello, George Benson, Kris Kristofferson eta Ron Carter, Donostiako 45. Heineken Jazzaldian
2010-03-25 13:56 Musikea
Donostiako 45. Heineken Jazzaldia garagarrilaren 21etik 25era bitartean izango da, Jazz Band Ball-a berreskuratuko dau jaialdia abiatzeko eta, ohikoa dan legez, Trinitate Plazea, Kursaala eta Victoria Eugenia Antzokia izango dira agertoki nagusiak.
Manuel Vicentek 'Los cajones de mi almario' liburua aurkeztuko dau Bilbon
2010-03-25 11:26 Kulturea
Manuel Vicente, orain dala 20 urte baino gehiago Bilbon sortu zan El cajón sorkuntza ekimenaren bultzatzaileetako bat da, Pedro Rojogaz eta Montse Gómezegaz batera. El cajón artearen adierazpenerako eta sozializazinorako gunea da.
Zabalik honezkero euskal film laburren egileei zuzendutako Kimuak 2010 programa barrirako deialdia
2010-03-25 10:31 Barriak
Eusko Jaurlaritzako Kultura Sailak eta Euskadiko Filmategiak azken urte honetan film laburren bat egin daben euskal zinemagileei zuzendutako Kimuak 2010 programarako deialdia ezagutarazo barri dabe. Martiaren 22an zabaldu eben deialdia eta 2010eko garagarrilaren 9an zarratuko da.
Eskena-k arte eszenikoen biziraupena bermatuko leuken eredu barriaren beharra aldarrikatu dau
2010-03-24 17:38 kulturbiz
Egoera ekonomikoaren oihartzuna aprobetxauta indartu diran diskurtso neoliberal interesatuak salatuz, kulturearen kudeaketea alor pribatura eroan nahi daben ahotsen aurrean, sistemen batasuna eta integrazinoa urtenbide legez aldarrikatu dau Eskena-k.
IX. Break on Stage, kale kulturen erakustaldia Bilbon
2010-03-24 14:39 Kulturea
Aurten, Break On Stage jaialdiak alor artistikoa, alternatiboa eta ikusgarria buztartuko ditu. Hiru ardatz nagusi izango ditu: Europako breakdance eszenikoko lehiaketea, kale kulturako show ikusgarriak eta azkenik, Rap jaialdia Violadores del Verso taldearen eskutik.
Jerry Gonzalez and The Apache Band-ek Afrikako eta Karibeko erritmoak ekarriko ditu Getxo Jazzera
2010-03-24 14:15 Musikea
Garagarrilaren 1etik 4ra egingo dan Getxoko 34. Nazinoarteko Jazz Jaialdia abian da, eta saio nagusiei jagokenez, Jerry Gonzalez tronpetista estadubatuarra da bere parte-hartzea baieztatu dauen lehenengo artistea.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...