'Morritson eta Gartzia' 3D formatuan egindako lehen film luzea

| Ikusi handiago | Argazki originala

Durangoko Euskal Liburu eta Disko Azokan aurten Irudienea gunean alkarlanean egindako proiektu berezi bat aurkeztuko da: euskerazko lehen 3D filma. Zinema independientearen alorrean kokatu daiteke eta antzezlan bat dau abiapuntu. Azokako nobedadeetako bat da eta Azokeak berak alkarlanean garatu dauen proiektua da.

Komedia eta dramearen artekoa dan Morritson eta Gartzia filman Aiert Goenaga izan da zuzendari eta produktorea eta Jon Urraza zuzendari, gidoilari eta aktoreagaz batera gidatu dau proiektua. Morritson eta Gartzia Café Bilbao antzezlan saridunaren moldaketea da filman jaso dana. Hiru lagun, bi aktore, eta zero aurrekontuagaz, bost egunetan eta 30 ordutan egin eben ordu eta laureneko pelikula luzea.

Aspaldiko partez parrandan alkarregaz batu ostean Gartzia (Jon Urraza) bere lagun Morritsonen (Leire Olaran) etxean geratuko da lotan. Egonaldia baina hasieran pentsautakoa baino askoz gehiago luzatuko da. Morritson, garai bateko punkia egun ezkontzetan musikea joten ataraten dau bizimodua eta Gartzia, barriz, zerotik hasi eta antzezlan urratzaile bat estreinetako gogoz dabil. Bien artean zeozertxu egingo dabe? Zer? Inspirazinoaren bila egindako bidaian hainbat eguneroko bizipen izango ditue, besteak beste, bikote arteko gorabeherak eta ezusteko amaiereagaz.

Hauxe da Euskaraz 3 dimensinotan egin dan lehenengo film luzearen ardatza.

Fitxa teknikoa eta artistikoa

- Generoa: Komedia

- Iraupena: 75 minutu

- Aktoreak: Leire Olaran eta Jon Urraza

- Argazki zuzendaria: Arkaitz Arza

- Zuzendariak: Aiert Goenaga eta Jon Urraza

- Produktorea: Aiert Goenaga