Deustuko Unibersidadeak eta Euskaltzaindiak lankidetza-hitzarmena izenpetuko dabe

| Ikusi handiago | Argazki originala

Deustuko Unibersidadeak eta Euskaltzaindiak bi erakundeen arteko lankidetza-hitzarmena izenpetuko dabe gaur, zemendiak 13an, eguerdiko 12:00etan, Bilbon, Euskaltzaindiaren egoitzan.

Jaime Oraá Deustuko Unibersidadeko errektoreak eta Andres Urrutia euskaltzainburuak izenpetuko dabe hitzarmena, bi erakundeen izenean.

Ondoren, Akademiaren iturriek iragarri dabenez, Eusebio Erkiaga (Lekeitio, 1912ko irailaren 4a - Bilbo, 1993ko maiatzaren 31a) idazlearen, kazetariaren eta euskaltzainaren jaiotzearen mendeurrena aurten beteten dala eta, Euskaltzaindiako Literatura Ikerketa batzordeak antolaturiko jardunaldiaren egitaraua aurkeztuko dabe. Jardunaldia Deustuko Unibersidadean egingo da zemendiaren 30ean, eta, besteak beste, berbaldiak eta Eusebio Erkiagaren poema batzuen irakurraldia izango dira.