Kultura errumaniarra nagusi Berrizen
2010-06-10 11:25
Inmigrazino Kontseilutik Kultura arteko topaketea errepetiduteko beharrizana ikusi da, aurreko urteetan egindakoari jarraituz. Berrizen kultura desbardinetako pertsonak bizi dirala kontuan hartuta, alkar ezagutu eta hartu-emonetan jarteko gunea izango da topaketa hau.
Uribe-Kostako eta Busturialdeko finalak astegoienean
2010-06-09 17:50 Bertsolaritzea
Bizkaiko Eskualdeetako Bertsolari Txapelketearen barruan falta diran bi finalak (Uribe-Kostakoa eta Busturialdekoa) astegoienean jokatuko dira eta erabagita geratuko da udagoienean Bizkaiko Bertsolari Txapelketan parte hartzeko aukerea izango daben bertsolarien zerrendea.
Esne Beltzaren bigarren lanaren definizinoa: 'basque, global, rebel and roots'
2010-06-09 15:52 Musikea
Berba horreek erabili ditu Baga-biga diskoetxeko ordezkari Ritxi Aizpuruk Esne Beltza taldearen azken diskoa, Noa, definiduteko. Halanda be, autortu dau 'bigarren disko hau definidutea oso gatxa da, kantei izena, deitura, generoa... jartea ez da erraza'.
Urrezko Luma saria Euskaltzaindiarentzat
2010-06-09 14:37 sariak-autortzak
Erakundearen izenean, Andres Urrutia euskaltzainburuak jaso dau gaur Urrezko Luma saria 90 urteko ibilbidean egindako lanagaitik. Euskerearen akademiak igaz bete zituan 90 urte.
Euskal kultur enpresek aberastasuna eta enplegu egonkorra sortzeko daben zeregina ardatz Gasteizen
2010-06-09 11:59 jardunaldiak'Kultura Enpresak, Sektore Sortzaileak eta Enplegua Sortzea' Topaketea bagilaren 14an egingo da, Gasteizko Lakua Hotelean, eta gizarte eta produkzino-balio handiko enplegu egonkorraren sortzailea dan aldetik kultur sektoreak dauen ahalmenari buruzko hausnarketarako topagunea izan nahi dau.
AlhondigaBilbaok Bilbao Kultur arteko Uria II. Jardunaldiak antolatu ditu bagilaren 15etik 18ra arte
2010-06-09 11:54 jardunaldiak
Bilbo barriaren gizartearen ezaugarrietako bat erlijino aniztasuna da, eta AlhondigaBilbaok jardunaldi honeek abiarazo ditu herrialde, kultura eta erlijino desbardinetako herritarren topagune izateko asmoz. 'Kulturartekotasuna AlhondigaBilbaoren ezaugarrietako bat da, eta horregaitik urian bizi diran kultura desbardinetako pertsonentzako topagune izan nahi dau'.
Iñaki Arregi, UEMAren koordinatzailea hil da
2010-06-09 11:42 kulturbiz
Iñaki Arregi Ihartza (Ermua, 1953), Udalerri Euskaldunen Mankomunidadearen (UEMA) koordinatzailea, atzo, hilak 8, hil zan. Berriatuako beilatokian egongo da haren gorpua gaur eguerdira arte. Azken agurra bihar, hilak 11, egingo deutsie, 19:30ean, Markina-Xemeingo udaletxe zaharreko aretoan.
Peio Ormazabal eta Aitor Bizkarra txapeldun Bizkaiko Eskolarteko XXVII. Bertsolari Txapelketan
2010-06-09 10:41 Bertsolaritzea
Final ederra entzun genduan Bizkaiko Eskolarteko Txapelketearen azken saioan. Peio Ormazabal eta Aitor Bizkarra izan ziran txapeldun, bakotxa bere mailan, eta Nerea Ibarzabal eta Txaber Altube be sailkatu dira hilaren 19an Agurainen jokatuko dan Euskal Herriko txapelketako finalean kantetako.
XI. Accenture Saria jaso dau denpora errealean ahotsak ezagutzen dituan sistema informatiko batek
2010-06-08 15:53
Jonathan Gonzálezen lana, edozein eskuko ordenagailutan, modu autonomo batean eta mikrofonoen instalazino konplexurik barik, pertsona gor batek erabili leiken diarizazino sistema baten oinarritzen da.
Gipuzkoako historia ipuinen bidez
2010-06-08 15:44 Kulturea
Hamaika liburuxka eta bi DVD-ROMez osotutako bilduma honen bidez 6 urtetik gorako gaztetxuei modu errazean Gipuzkoako historiaren hainbat zertzelada eskaini nahi jakez.
Kutsidazu bidea... EHNE eta Topagunearen eskutik
2010-06-08 15:16 Euskerea berbagaiUda honetan euskerea praktikau nahi daben mintzalagun edo berbalagunek, Bizkaian (Busturialdean eta Mungialdean) dagozan 17 baserritan izango dabe horretarako aukerea. Baserritarrek giro euskaldunean sartu eta euskeraz biziteko aukerea eskainiko dabe, baserriko lanetan laguntzearen truke.
Eric Sardinas eta Raimundo Amador, Getxoko XXII. Blues Jaialdiko izarrak
2010-06-08 12:43 Musikea
Bagilaren 18tik 20ra, Eric Sardinas, Raimundo Amador, Bettye LaVette eta Music Maker Foundation izango dira Getxoko XXII. Blues Jaialdiko izarrak. Aurten, lehenengoz Getxoko Biotz Alai plazan egingo dira kontzertuak eta pagau egin beharko da sarrerea.
EAEko 8.048 ikaslek egingo ditue eguaztenetik aurrera unibersidadera sartzeko proba barriak UPV/EHUn
2010-06-08 10:29
Ikasle horreetarik 7.192k (% 89,4) borondatezko fase espezifikoa be egingo dabe. Azken horreei beste 200 ikasle gehitu behar jakez, aurreko urteetan egin eben selektibidadea eta notea hobetzeko aurkezten baitira. Azterketak hiru egunetan egingo ditue, barikura arte.
Igaz baino 17 kartel gehiago aurkeztu dira Bilboko 2010eko Aste Nagusiko Kartel Lehiaketara
2010-06-07 17:47
Honezkero, Bilboko Udaleko Jai Batzordeak izentautako epaimahaiak aukeratu ditu 2010eko Aste Nagusiko Kartel Lehiaketako sei lan finalistak. Aukeratutakoak hurrengo lanak dira: '¿Subes?', 'Con las mejores galas', 'Protagonista', 'Comiendo Bilbao', 'Descúbrelo' eta 'Ría-Jaia'.
'Urraska: Dantza jauziak Sagasetaren bidetik' AikoTaldearen multimedia edizinoa plazan
2010-06-07 15:43 Kulturea
Lan potolo honetan, jauziak jantzen errepertorio oso bat jasoten da eta liburu batez, CD batez, DVD batez eta jantzarako pausuen poltsikoko gida batez osotzen da. Euskal folklorearen gai zehatz honen inguruan egindako ikerketa lanik sakonena da material hau eta Nevadako (Reno, AEB) Unibersidadeko Eusko Ikaskuntzen Zentroaren laguntzinoagaz argitaratu da.
Eusko Ikaskuntza-Euskadiko Kutxa 2010 saria emongo dabe bihar
2010-06-07 14:26 sariak-autortzakEusko Ikaskuntza-Euskadiko Kutxa 2010 Humanidade, Kultura, Arteak eta Gizarte Zientzien sariaren epaia jakinarazoko dabe bihar, bagilak 8, eguerdiko 12:15ean hasita Euskadiko Kutxaren Donostiako egoitzan egingo dan ekitaldian, sariaren antolatzaileek iragarri dabenez.
Ion Barrocalek irabazi dau Bizkaiko Txapelketarako txartela
2010-06-07 12:48 Bertsolaritzea
Zapatu arrastian, 160 lagun inguru batu dira Zierbenako kiroldegian eta Ion Barrocalek jantzi dau txapela Koldo Tapiaren eskutik. Tapia euskera arduradun moduan ibili zan Santurtziko Udalean 80ko hamarkadan eta bertso eskolea sortu eben herrian. Hortik aurrera, Euskal Herriko Bertsozale Alkarteko idazkari nagusia izan da hainbat urtetan.
Eusko Jaurlaritzeak ia 12,7 miloe euro erabiliko ditu enpresa, alkarte eta toki erakundeetan euskerea sustatzeko
2010-06-07 11:59 Euskerea berbagaiLourdes Auzmendi Eusko Jaurlaritzako Hizkuntza Politikarako sailburuordeak Gasteizen eskainitako prentsaurrekoan azaldu dauenez, krisi ekonomikoaren egoereak eragin dau aurrekontuaren murrizketea, eta laguntzei eusteko egindako aparteko ahalegina nabarmendu dau. Danetara, igaz baino 410.000 euro gitxiago zuzenduko dira arlo honetara.
Arantzazu Afrikagazko alkargune
2010-06-07 11:16
Baketik, bake zentroak antolatuta, 2010eko bagilaren 7tik 12ra Arantzazu, Afrikagazko alkargune bilakatuko da. Afrikako independentzien 50. urteurrenean, Afrikari buruzko IV. aste honek lankidetzarako senidetzea eta berradiskidetzea Laku Handien eskualdean landuko dau.
300 bat lagun batu dira Arrasaten VI. Mintza Egunean
2010-06-07 11:04 Euskerea berbagai
Topagunea Euskara Alkarteen Federazinoak, AED Alkarteak eta Zahar Berri mintzapraktika egitasmoak antolatu dabe Euskal Herriko mintzapraktika egitasmoetako partaideak alkartzeko eta jai-egun entretenigarria euskeraz pasetako helburua dauen jaia.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...