Eusko Ikaskuntzak eta Euskaltzaindiak lankidetza hitzarmena sinatu dabe
2013-06-13 15:31 Euskerea berbagai
Lan egiteko tresnea, horixe da, Andres Urrutiaren esanetan, gaur sinatu dan hitzarmena. Bi erakundeon arteko adostasun bat, aurrerantzean alkarregaz proiektuak garatzeko borondatea adierazoten dauen dokumentua da, gaineratu dau Iñaki Dorronsorok.
VIII. Haizetara prest dauka Amorebieta-Etxanoko Udalak
2013-06-13 14:53 Musikea
Aurten 13 nazinotako 37 musika-taldek aurkeztu ditue euren proposamenak eta horreen guztien artean, VIII. edizinoan lehiatuko diran 9 taldeak aukeratu ditue antolatzaileek: Sugarri, The Dixie Ticklers, Blaas Of Glory, Les Busiciens, Mo´Better Band, Le Bus Rouge, Acousteel Gang, El Puntillo Canalla eta Kar Ces Brass Band.
UEUren Eibarko udako ikastaroak prest
2013-06-13 11:56 jardunaldiak
40+1 ikastaro antolatu ditu UEUk aurten; horreetatik 20 Eibarren (UEUren egoitza akademikoan) izango dira. Iciarek adierazo dauen moduan: sei jakintza arloetan banatuta egongo dira: artea eta musikea, giza-zientziak, zientziak, injinerutzea eta teknologia, osasun zientziak eta gizarte zientziak eta azken hau izango da jakintzarik nagusiena.
Eulalia Abaituaren 'Arratiako irudiak' erakusketea edegi dabe Areatzan
2013-06-13 11:13 Kulturea
Eulalia Abaituaren Arratiako irudiak argazki-erakusketea edegi barri dabe Areatzako Gudarien Plazan dagoan erakusketa-aretoan. Erretratu guzti-guztiak Euskal Museoaren funts dokumentaletatik atera ditue. Garagarrilaren 31ra arte egongo dira ikusgai irudiok.
Oiartzun, Galdakao, Bermeo eta Foruko taldeek esku hartuko dabe Jantzari Gaztetxuen II. Bilkuran
2013-06-13 11:00 Kulturea
Jantzari Gaztetxuen II. Bilkurea ospatuko da datorren zapatuan, bagilaren 15ean, Bermeon, eta Oiartzun (Gipuzkoa), Galdakao (Bizkaia), Forua (Bizkaia) eta Bermeotik bertatik heldutako taldeek parte hartuko dabe. Danetara, 200dik gora umek giro alaia eta polita sortuko dabe euren jantzakaz.
UPV/EHUk, Jakin Taldearen laguntzaz, Karlos Santamariaren idatzizko lana gaurkotu eta osotu dau
2013-06-12 18:49 kulturbiz
Euskal Herriko Unibersidadeak, Jakin Taldearen laguntzaz, Karlos Santamaria eta haren idazlanak izeneko proiektua osotzen daben hiru liburuak eta webgunea aurkeztu ditu. Proiektuak Santamariaren obra eta pentsamendua aztertzen ditu.
Aldundiak eta Arratiako Mankomunidadeak Geure Berbategie hiztegiaren bersino digitala aurkeztu dabe
2013-06-12 17:42
Bizkaiko Foru Aldundiak eta Arratiako Udalen Mankomunidadeak Geure Berbategie proiektuaren bersino digitala aurkeztu dabe gaur Igorren: Arratia inguruko euskerazko termino eta esapideak batzen dituan hiztegi terminologikoa.
Londresko Ben Sims DJa, bagileko GauaArt saio berezian
2013-06-12 11:44 Musikea
Ben Sims Londresko DJa izango da Gasteizko Artium Museoak eta Jimmy Jazz alkarteak alkarlanean antolatzen daben GauArt gau elektronikoaren ekitaldi bereziaren protagonistea barikuan, bagilaren 14an.
Bertsolaritzeari buruzko doktorego-tesia egiteko beka deialdia egin dabe
2013-06-11 18:26 Bertsolaritzea
Mintzola Fundazinoak egitasmo bi aurkeztu ditu gaur Villabonan, alde batetik bertsolaritzeari buruzko doktorego-tesi bat egiteko beka deialdia, eta bestetik, Ahoa Bete Hots jardunaldien laugarren edizinoa.
Ezpatajantzari Eguna egingo dabe zapatuan, Mañarian
2013-06-11 17:37 Kulturea
Gerediaga alkarteak 41. aldiz ospatuko dau Ezpatajantzari Eguna zapatuan, Mañarian. Durangaldeko hamalau taldek Jantzari jantzea egingo dabe eleiza inguruan arratsaldean.
Altuera oso handietan modu jarraituan egoteak eliteko alpinistakan dauen eraginari buruzko tesia aurkeztu dabe
2013-06-11 15:32
Tesia Alberto Iñurrategi euskal alpinistearen eboluzinoari eta jarraipenari buruzkoa da. Ikerketa honegaz altuera oso handietan modu jarraituan egoteak eliteko alpinistakan dauen eraginari buruz gehiago jakin nahi da, igoera guztiak oxigenorik barik egiten baititu nazinoartean aintzatetsitako euskal alpinisteak.
Bizkaie! ataria hautagaien artean dago Hedabide Digital onenak autortzeko Deiak antolatutako ekimenean
2013-06-11 14:31
I. Deia Topaketea: Hedabide Digitaletan Ekimen Onenei Autortza ekitaldia datorren eguenean, hilaren 13an, egingo da Bilboko BBK Aretoan, 19:30ean. Asmo nagusia egun sarean dagozan hedabide onenak eta euren ekarpena, sormena eta naturaltasuna autortzea da.
Azken Mendi Film Zinemaldian erakutsitako lanik onenak Leioan ikusgai
2013-06-11 12:08
Leioako Mendi Astearen barruan, pasa dan abenduan Bilbon izandako Mendi Film Festival nazinoarteko zinemaldian bost sari nagusi eskuratu zituen beste horrenbeste lan eskainiko dira Leioan: film onenaren saria, mendiko kirolei buruzko film onenarena, epaimahaiaren sari berezia, argazki onenarena eta film labur onenarena.
Euskerearen ahoskerea aztertuko dau Lurdes Oñederrak Leideneko Unibersidadean egingo dan biltzar batean
2013-06-11 11:00 Euskaldunak munduan
Hizkuntzek izan dituen estandarizazino prozesuak kontuan hartuz, oso estatus desbardina daben hizkuntzen esperientziak aztertuko dira Leideneko Unibersidadeko biltzarrean. Besteak beste, kulturea, erlijinoa, ideologia, politikea edota hezkuntzea lako faktoreen eragina aztertuko dabe adituek.
'Aldjezairia askatuta' liburua berrargitaratu dau Txomin Peillenek
2013-06-10 18:45 Kulturea
Txomin Peillenek 1960ko hamarkadan Aljerian egin zuen soldaduska, bertako independentzia gerran. Burruka hori ardatz hartunda, zortzi kontakizun idatzi zituan. 1982an Hordago argitaletxeak kaleratutako Aldjezairia askatuta liburuaren edizino eguneratua aurkeztu barri dau Txalaparta etxeak.
Blas de Otero poeta bilbotarraren lan osoa dakarren 'Obra Completa (1935 – 1977)' lana aurkeztu dabe
2013-06-10 18:38 kulturbiz
Galaxia Gutenberg argitaletxeak atara dauen liburu horrek, Oterok olerkigintzan eta prosan egindako lan guztiak jasoten ditu eta hil ondoren argitaratutako Hojas de Madrid con La galerna liburukia eta sakabanatuta eta argitaratu barik itxi zituan beste biak: Poesía e Historia (olerkia) eta Nuevas historias fingidas y verdaderas (prosa).
Oihana Iguaran eta Unai Mendizabal irabazle Plazatik Gaztetxera txapelketan
2013-06-10 15:28 Bertsolaritzea
Oihana Iguaran amasarrak eta Unai Mendizabal zizurkildarrak irabazi dabe 2013ko Plazatik Gaztetxera Bertsolari Gazteen Txapelketea. Buruz burukoa Josu Oiartzabal Xenpelar eta Jon Gurrutxaga azpeitiarren kontra jokatuta lortu eben txapela jaztea. Hirugarren Maddi Ane Txoperena eta Paula Amilburu sailkatu ziran; eta laugarren, Malen Amenabar eta Txaber Ormazabal.
Bostak Bat taldeak '5.000 Hiztegia' sareratu dau
2013-06-10 15:25
62.306 sarrera eta 90.562 berba ditu 5.000 Hiztegia Bostak Bat taldeak aurkeztu barri dauen online hiztegiak. 2009an argitaratutako Adorez Hiztegia handia lana barriztau egin dabe, eta hainbat aldaketa egin ditue. Daborduko Azkue Fundazinoaren webgunean konsultagai dago.
Beñat Ugartetxea I. Durangaldeko kopla txapelduna
2013-06-10 14:54 Bertsolaritzea
Durangaldeko Bertso-eskoleak antolatuta eskualdeko bertsolarien arteko kopla txapelketea jokatu zan joandako barikuan eta Beñat Ugartetxea mallabiarra izan zan irabazlea, Igor Elortzagaz buruz burukoa jokatuta.
Nik jakin nahi nuke zer gertatu den Mintzolako zuzendari zenarekin. Herri honetan ohikoa da, ordea, isiltasuna.
Erantzuna | Bertsolaritzeari buruzko doktorego-tesia egiteko beka deialdia egin dabe