Bermeoko XXVI. Nazinoarteko Musika Asteak bost kontzertu eskainiko ditu
2011-08-01 12:15 Musikea
Bermeoko XXVI. Nazinoarteko Musika Astea abian da, abuztuaren 1ean hasi eta hilaren 5era arte. Danetara, bost kontzertu izango dira aurtengo egitarauan. Lehenengo emonaldia astelehenean izango da, Acords i desacords hirukotearen eskutik, 20:00etan, Santa Maria elizan. Kontzertu guztiak leku eta ordu berean izango dira, azkenengoa izan ezean.
Bertoko eta kanpoko folka, aurtengo Bidasoafolk jaialdian
2011-07-29 13:02 Musikea
Abuztuaren 19tik 21era bitartean egingo da aurtengo Bidasoafolk jaialdia, Txingudiko badian. Hondarribiko, Irungo eta Hendaiako udalek, Bidasoa-Txingudi Mugaz Gaindiko Partzuergoagaz batera, antolatu dabe ekimena. Mota askotako folka entzun ahal izango da festibalean, besteak beste, Vieux Farka Toure musikari maliarraren eskutik.
'BilbaoHistorikoko mila aurpegi' erakusketeak edegi dau ExpoGela areto barria
2011-07-29 12:18 Kulturea
Jorge Lamas argazkilari bilbotarraren BilbaoHistorikoko mila aurpegi erakusketeagaz edegi dau BilbaoHistorikok Expogela erabilera anitzetarako gune barria, Bilboko San Frantzisko kalean. ExpoGela auzoko informazino zentroa izango da, eta inguruan egiten diran jardueren barri emongo dau.
Black & Basque jaialdiak kultura afroamerikarra eta euskalduna lotuko ditu Baionan
2011-07-28 15:22 kulturbiz
Jaialdi barria estreinauko dau aurten Baionak, irailaren 8tik 11ra bitartean. Black & Basque festibalaren helburua euskal kulturea eta kultura afroamerikarra nahastea da. Literaturea, zinea, argazkilaritzea, street art dalakoa eta musikea izango ditu ardatz Black & Basquek.
Davies, Kore-Eda, Ripstein eta Polley, Donostiako Urrezko Maskorra irabazteko lehian
2011-07-28 13:10 Barriak
Terence Davies, Hirokazu Kore-Eda, Arturo Ripstein, Wang Xiaoshuai, Sarah Polley eta Julie Delpy zuzendariek Donostiako 59. Zinemaldiko Urrezko Maskorra irabazteko lehiatuko dira, irailaren 16tik 24ra bitartean. Horrezaz gan, ondoko honeek be parte hartuko dabe Sail Ofizialean: Ana Katz, Mathieu Demy, Filippos Tsitos, Joao Canijo eta Björn Runge.
BakioSound jaialdia, kulturen arteko topagune
2011-07-28 11:37 Musikea
BakioSound jaialdiaren laugarren edizinoa egingo dabe garagarrilaren 29an, barikua, Bakioko Bar 01 tabernan. Ekimena Guretxoko Musikarte alkarteak antolatzen dau, musikearen bitartez kulturek euren artean topo egiteko asmoagaz. Sarrerea dobakoa da. Kontzertuak 19:30ean hasiko dira. Aurtengo kartelean izen ezagunak topauko doguz, besteak beste, Eneko Mobydick, Sonic Trash, Dr. Baltz eta Sound Riders. Musikeaz gan, bestelako eskaintzea dauka aurton BakioSoundek; izan be, Social Sound osotzen daben Diana eta Fabian artisten proiekzino interaktiboek Bar 01en txoko batzuk giro ditue.
EHUko Arte Eder Fakultadeko hiru artistaren lanak ikusgai dagoz egunotan Moskun
2011-07-27 15:53 Kulturea
Jokes and Nightmares, Spanish video art from Dalí to the present day izeneko erakusketan parte hartuko dabe Josu Rekalde UPV/EHUko Arte Ederretako irakasle eta dekanoak eta Francisco Ruiz de Infante eta Pepo Salazar zentro bereko ikasle ohiek, Moskuko Na Solyanke galerian. Ekimena Espainia-Errusia 2011 Urte Dualaren barruan dago. Taldeko erakusketea abuztuaren 21era arte egongo da zabalik.
'Pirinioetako hizkuntzak: lehena eta oraina' biltzarreko txostenak argitaratu ditu Euskaltzaindiak
2011-07-27 15:16 Euskerea berbagai
Euskaltzaindiak Pirinioetako hizkuntzak: lehena eta oraina CD-ROMa aurkeztu dau Donostiako ordezkaritzan. Lan honetan, 2008an Euskaltzaindiak egindako XVI. Nazinoarteko Biltzarraren emoitzea jaso dabe; Iker bildumaren 26. zenbakia da, eta Iruñean egin ziran berbaldiak, txostenak eta mahai-inguruak batzen ditu. Euskera agerkariaren zenbaki barri bi be aurkeztu ditue.
Film laburrak eta musikea, Gasteizeko II. Korterraza Jaialdian
2011-07-27 14:10 Barriak
Korterraza jaialdiaren bigarren edizinoa abian da; eguaztenean, hilaren 27an hasi, eta hilaren 30era bitartean, film laburrak eta musikea nagusi izango dira Gasteizeko Andra Mari Zuriaren plazan. Igaz antolatu eban Kultura Kalean alkarteak lehenengo aldiz Korterraza; jentearen erantzuna ikusita, aurten barriro egitea erabagi dabe.
Bizkaiko III. Burdin Kabotajea Portugaletetik abiatuko da garagarrilaren 28an
2011-07-27 12:06
Eusko Ikaskuntzak, Itsas Begia alkarteagaz eta Abellanedako Enkarterriko Museoagaz batera, Bizkaiko III. Burdin Kabotajea antolatu dau. Bizkaia eta Nafarroaren arteko burdinaren itsas-ibilbide historikoa erakusten dau nabigazino sistema honek. Garagarrilaren 28an, Portugaleten, abiatuko da ibilbidea.
Ibaimusic.com euskal musika-banatzaile digital barria aurkeztu dabe
2011-07-26 14:57
Ibaimusic.com musika-banatzaile digital barria aurkeztu dabe Bilboko Alondigan. Euskal musika egiten daben 17 diskoetxe, 1.300 disko eta 17.000 kanta batu ditue webgunean daborduko. Prentsaurrekoan Ibaimusic.com guneko koordinatzaile Agustin Oiarzabal eta komunikazino arduradun Luis Ruizek proiektu barriaren inguruko argibideak emon ditue.
Donostiako Jazzaldia Saria, Toots Thielemans harmonika-jole belgikarrarentzat
2011-07-26 12:01 Musikea
Toots Thielemans musikariarentzat izan da aurtengo Donostiako Jazzaldia Saria, eta holan bere ibilbide osoari autortzea jaso dau. Donostiako alkate Juan Karlos Izagirreren eskutik hartu eban saria 89 urteko musikari belgikarrak.
Aita Lino Akesolo aztergai, 'Idatz & Mintz' aldizkariaren 51. zenbakian
2011-07-26 11:21 Kulturea
Idatz & Mintz aldizkariaren 2011ko lehenengo zenbakia kaleratu barri dau Labayru Ikastegiak. 51. zenbaki honetan, literatureagaz lotutako hainbat idazlan batu dira: esaterako, Aita Lino Akesolo ekarri dabe gogora Adolfo Arejitak eta Juan Manuel Etxebarriak artikulu banatan, haren jaiotzaren mendeurrena oraintsu bete dala kontuan hartuta.
'III (Hiru)' lanak irabazi dau VII. Kameratoia ikus-entzunezkoen rallya
2011-07-26 10:59 Barriak
Garagarrilaren hasieran abiatu zan Urdulizen VII. Kameratoia ikus-entzunezkoen rallya, eta asteburuan Sopelanako Kurtzio Kultur Etxean emon ditue sariak. Aurtengo irabazlea III (Hiru) lana izan da, sei minutu eta erdikoa. Beste sari bi be banatu ditue. Saritutako bideoekaz batera, ganerako guztiak be proiektau ziran zapatuan.
Orotariko Euskal Hiztegiaren bersino barria eta 'Auspoa' bildumea, Euskaltzaindiaren webgune barriztuan
2011-07-22 15:47
Forman eta edukietan barriztuta aurkeztu dau Euskaltzaindiak erakundearen webgunea, Bilboko egoitzan. Beraz, itxuran ez ezik, egituran eta edukietan be aldatuko da www.euskaltzaindia.net gunea. Hain zuzen be, Orotariko Euskal Hiztegiaren bersino barria eta Auspoa bildumearen artxiboa gehitu ditue.
Meñakako lehenengo Reggae Festibala egingo dabe garagarrilaren 25ean
2011-07-22 15:00 Musikea
Meñakako I. Reggae Festibala egingo da garagarrilaren 25ean, Nesterika auzoan. Egitaraua 16:00etan hasiko da, AEBetako The New York Ska-Jazz Ensemble taldeak eskainiko dauen musika-tailerragaz. Taldeko Fred Reiter eta Alberto Tarin izango dira irakasleak.
'Gerra Zibila Otxandion' liburua aurkeztuko dabe gaur, bonbardaketearen 75. urteurrenean
2011-07-22 13:50
1936ko garagarrilaren 22an Francoren armadeak Otxandio bonbardeau eban, eta gaur, 75. urteurrenean, Gerra Zibila Otxandion liburua aurkeztuko dabe herrian bertan. Aurkezpena Bolaleku aretoan egingo dabe, 19:30ean, eta bertan izango dira liburuaren egile Zigor Olabarria, Eusko Ikaskuntzako Garazi Lopez de Etxezarreta, Otxandioko alkate Santi Uribe eta Sebastian Astola bonbardaketearen lekukoa.
Xabi Aburruzaga AEBetan dabil
2011-07-22 12:28 Musikea
Emonaldiak Buffalo-n (Wyoming) izango dira, garagarrilaren 21etik 25era bitartean The North American Basque Organizations-ek antolaturiko 2011 National Basque Festival-en (NABO 2011).
Euskal musikearen zati handi bat barruan hartzen dauen musika-banatzaile digital bat sortu dabe
2011-07-22 12:17 Musikea
Plataforma teknologiko horrek euskerazko zein erderazko ia euskal musika guztia hartzen dau barruan eta mundu guztian dago eskuragarri. Gainera, musika-banatzaile digital barriak mundu guztiko eta hainbat garaitako musika-estiloen katalogoa eskaintzen dau, milaka diskoz osotua, hain zuzen be.
2011ko Aste Nagusiko Bertoko Pop Rockaren Erakustaldian musika estilo ugari eskainiko dira
2011-07-21 14:27 Musikea
Bilborocken egingo da beste urte batez Bertoko Pop Rock Erakustaldia, honezkero 26. edizinoa. Abuztuaren 20tik 27ra arte, arratsaldero, 20:00etatik aurrera, egunero bertoko Pop Rockeko banda bi agertokitik pasauko dira. Holan egingo dabe, programau diran 16 kontzertuak osotu arte.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...