Donostiako Musika Hamabostaldiak Xabier Leteren omenezko kontzertua antolatu dau Arantzazun
2011-08-09 12:14 Musikea
Xabier Leteren oroiminez kantaldia antolatu dau Donostiako 72. Musika Hamabostaldiak abeslari gipuzkoarra omentzeko asmoz, abuztuaren 11n, Arantzazun. Lete beraren lanak gogoratuko ditue, baina harek gogoko eban musika klasikoa bere bai. Iruñeko Ganbera Abesbatzak (Josep Cabréren zuzendaritzapean), Antton Valverdek, Pier Paul Berzaitzek, Erramun Martikorenak, Amaia Zubiriak eta Pettik hartuko dabe parte emonaldian.
Ume eta helduentzako tailerrak antolatu ditu abuztuan Cristóbal Balenciaga Museoak
2011-08-08 15:24 jardunaldiak
Abuztuan be udako programazino didaktikoa eskainiko dau Cristóbal Balenciaga Museoak. Udaldiko bigarren partean Virginia Ameztoy artisteak tailerrak emongo ditu. Museoaren helburua Balenciagaren obrea zabaltzea eta sustatzea da. Virginia Ameztoy Montenegro artistea izango da tailer didaktikootako irakaslea.
Jazz doinuz beteko da Guggenheim museoa Aste Nagusian
2011-08-08 12:15 Musikea
Urtero lez, Bilboko Guggenheim museoak bat egingo dau Aste Nagusiagaz, Guggenheim Bilbao Gauak izeneko ekimenagaz. Abuztuaren 23tik 26ra bitartean, jazz musikari ezagunek kontzertuak eskainiko ditue, BBKren babesagaz. Egitaraua Edward Perezen eskutik hasiko da. New York uriko giroan kontrabaxu-jotzaile garrantzitsuenetakoa da Perez. Jazz Times eta Tomajazz aldizkari ezagunek bere soinu latza goraipatu dabe.
'Dimentsioak by Nintendo 3DS' erakusketeak argazkilari ezagunen lanak batuko ditu Bilboko Alondigan
2011-08-05 13:33 Kulturea
Dimentsioak by Nintendo 3DS argazki-erakusketea ikusgai izango da Bilboko Alondigako atarian, abuztuaren 25etik aurrera. Erakusketan artista ezagunek parte hartuko dabe: Ouka Leele, Txema Salvans, José B. Ruiz, Daniel Riera, Manuel Queimadelos, Marisa Flórez eta Ricky Dávila. Joan Fontcubertaren lankidetza berezia eukiko dau erakusketeak, bera da-eta aholkulari kontzeptuala.
EAEko Interneteko erabiltzaileen artean gaztelania da nagusi, Eustaten arabera
2011-08-05 12:57
Eustat Euskal Estatistika Erakundeak jasotako datuen arabera, EAEn Internet erabilten daben daben 15 urtetik gorako bost lagunetik bakarrak nabigatzen dau euskeraz edo ingelesez. Eustatek egindako inkestearen arabera, EAEn Interneten 1.071.300 lagun dabilz; horretatik, %52,16 gizonezkoak dira, eta %47, 83, emakumezkoak. Interneten gehien erabilitako hizkuntzea gaztelerea da, %99,07k hain zuzen be.
Donostiako Musika Hamabostaldiak 80 bat kontzertu eskainiko ditu domekatik aurrera
2011-08-05 12:12 Musikea
Domekatik aurrera, Donostiako Musika Hamabostaldiaren 72. edizinoak proposamen ugari eskainiko ditu musika zale guztientzako. Danetara 80 kontzertu atondu ditue. Antolatzaileek azaldu dabenez, ahal dan eta jente gehienarengana ailegau gura dabe. Domekan, adin eta gustu guztietarako hamar ikuskizun prestau ditue; txotxongiloek, abesbatzek, txistulariek eta jantzek beteko ditue Donostiako kaleak.
Olaeta balleten ondarea ikusgai dago egunotan Donostian
2011-08-05 11:31 Kulturea
Olaeta balletak. Amets baten koreografia erakusketan argazkiak, dokumentuak, ikus-entzunezkoak eta makina bat estilotako jantzia dagoz ikusgai. Olaeta balleten 80 urte baino gehiagoko ibilbidearen barri eskaintzen dau Donostiako Kutxa Boulevard aretoan edegi daben erakusketeak. Irailaren 9a arte egongo da zabalik.
'Culinary Zinema' ziklo barria aurkeztu dau Donostiako Zinemaldiak
2011-08-04 15:55 Barriak
Donostiako Zinemaldiak eta Basque Culinary Centerrek Culinary Zinema zikloa aurkeztu dabe alkarlanean. Zazpi pelikula eskainiko dira zikloan, eta zazpi sukaldarik afari tematiko bana emongo dabe. Zinemaldiko sail berriak Berlinaleko "Culinary Cinema" sail entzutetsutik hartu dau izena, 'C' letrearen ordez 'Z' ipinita.
Serra eta Brancusiren atzera begirako erakusketea urrian ailegauko da Bilboko Guggenheimera
2011-08-04 15:36 Kulturea
Bilboko Guggenheimek Serra-Brancusi erakusketea edegiko dau urriaren 8an, XX. mendeko eskultore bi horrei sekula inoiz eskainitako garrantzitsuena museoko arduradunen arabera. Constantin Brancusi (1876-1957) eta Richard Serra (1939) artistek loturak erakutsiko ditue Bilbon ikusgai egongo diran 50 piezek. Basileako Fondation Beyeler-ekin lankidetzan antolatu da erakusketea, eta Oliver Wick izango da komisarioa.
Eskenak nazinoartekotze tailerren bigarren edizinoa abiatuko dau irailean
2011-08-04 14:42 Kulturea
Eskenak (Euskadiko Produkzio Eszenikoen Enpresa Elkartuak) nazinoartekotze-tailerren bigarren edizinoa abiatuko dau irailean. Aurtengo programea igazkoaren jarraipena izango da. Euskal Herritik eta Espainiako estadutik kanpo irtetetean, arte eszenikoei lotutako ezagutza eta tekniken bide barriak landuko ditue.
Donostiako Musika Hamabostaldiak Gasteizeraino eroango ditu Jesus Guridiren doinuak
2011-08-04 11:47 Musikea
Aurten lehenengo aldiz Donostiako Musika Hamabostaldia Gasteizeraino helduko da, izan be Jesus Guriddi konpositore gasteiztarra omenduko dabe, haren heriotzaren 50. urteurrena dala eta. Araban bertan, hiru kontzertu eskainiko ditue Guridiren omenez, bata Gasteizen, bestea Araian eta hirugarrena Laudion. Musika Hamabostaldia abuztaren 7tik 31ra izango da, eta hainbat kontzertutan entzungo doguz gasteiztararren lanak.
'Bertsolari' eta 'Urte berri on, amona!' euskerazko pelikulak, Donostiako 59. Zinemaldian
2011-08-03 15:54 Barriak
Asier Altunaren Bertsolari filma lehiaketatik kanpo estreinauko dabe Donostiako Zinemaldian, eta Telmo Esnalen Urte berri on, amona! Zabaltegi-Zuzendari Barriak sailean lehiatuko da. Biak be euskeraz egindako lanak dira. Zinemagileem bakarkako lehenengo lanak dira. Alkarregaz Aupa, Etxebeste! grabau eben, 2005ean.
Huecco, Vetusta Morla eta M-Clan, Ciudadela Sound 2011 jaialdian
2011-08-03 15:45 Musikea
Abuztuaren 26tik irailaren 9ra bitartean, hiru kontzertu antolatu ditu Iruñeko Udalak Ciudadela Sound 2011 egitarauaren barruan. Huecco abeslariak hasiko dau jaialdia, eta Dame vida izeneko lan barria aurkeztuko dau. Diskoa ez da lan musikala beste barik, nazinoarteko proiektu solidarioa be bada.
Oscar Wilderen 'Salome', Ortzai konpainia gasteiztarraren antzerki klasikoaren zikloan
2011-08-03 15:11 Kulturea
Gasteizeko jaien ostean, Harresiaren klasikoak antzerki-zikloa antolatu dau Ortzai antzerki eta zine laborategiak. Jaialdia abuztuaren 10ean hasi eta 12an amaituko da. Zikloak Oscar Wilderen Salome antzezlana taularatuko dau, Ortzairen lokalean, Pintoreria 39an, 20:30ean. Hurrengo egunetan be antzezpenak egingo ditue, leku eta ordu berean.
hóPLAY Bideo-jokoen Nazinoarteko II. Lehiaketan parte hartuko daben 26 lanak aukeratu ditue
2011-08-03 12:00 kulturbiz
Bilboko Alondigeak hóPLAY Bideo-jokoen Nazinoarteko II. Lehiaketan lehiatuko diran 26 bideo-jokoak aukeratu barri ditu. Danetara, 46 aurkeztu ziran lehiaketara, eta horreetatik lanik originalenak, sortzaileenak eta barritzaileenak izan ditu kontuan epaimahaiak finalisten zerrendea egiteko.
Hainbat jarduera antolatu ditu GetxoPhotok iraileko lehenengo astean
2011-08-02 12:52 Kulturea
GetxoPhoto ekimenaren bosgarren edizinoak zahartzaroari gorazarren egingo deutso, irailaren 1etik 10era bitartean. Hogei bat erakusketa egongo dira ikusgai hilabetez, baina jaialdiaren lehenengo astean, ganera, bestelako jarduerak atondu ditue Getxon, tailerrak, erakustaldiak eta abar. Izena emotea behar-beharrezkoa da.
Urko Menaiak kontzertu birea egingo dau abuztuan Kanadan eta AEBetan
2011-08-02 11:50 Musikea
Urko Menaia kantaria hastear da North Amerikan Cultural Tour 2011, Ipar Ameriketako Euskal Etxeen Alkartearen eskutik. Kanadan eta AEBetan eskainiko ditu kontzertuak, abuztuaren 6tik aurrera. Abeslari donostiarraren lehenengo zuzenekoa Vancouver uriko Basque Club of Canada aretoan izango da.
Araiako Umore Antzerkiaren Jaialdiak makina bat emonaldi eskainiko ditu abuztuan
2011-08-01 15:17 Kulturea
Araiako XVIII. Umore Antzerkiaren Jaialdia abuztuaren 12an hasiko da Gorakada, Les Grotesques eta Botproject konpainien eskutik. Gorakadak Jim altxorraren uhartean taularatuko dau; Las Grotesquesek, Sin balas; eta Botprojectek, Collage. Arabako udako jaialdi nagusia da Araiakoa.
Shangaiko Erakusketa Unibersalerako egindako 'Argizko larruazala' eskulturea, Bilboko Itsas Museoan ikusgai
2011-08-01 14:04 Kulturea
Esther Pizarrok Shangaiko Erakusketa Unibersalerako egin eban eskulturea ikusgai egongo da Bilboko Itsasadarra Itsas Museoan, 2012ko garragarrilera arte. Bilboko Udalak doban itxi deutso Argizko larruazala obrea museoari.
Kaotiko taldeak disko barria grabauko dau Bilboko Aste Nagusian
2011-08-01 12:45 Musikea
Kaotiko taldeak hamar urte beteko ditu laster, eta urteurrena ospatzeko Bilboko Aste Nagusian DVD-CD barria grabauko dabe. Kontzertua abuztuaren 24an izango da, Botika Zaharrean. Ikuskizun itzela eskainiko dabela aurreratu dau taldeak; ganera, hainbat musikari ospetsuren laguntzinoa eukiko dabe.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...