Hedoi Etxartek 'Sinplistak' poema liburua kaleratu dau
2012-11-26 17:48 Kulturea
Hedoi Etxartek Sinplistak bere bigarren poema liburua argitaratu dau Susa etxeagaz. Lan panfletarioa eta manikeoa dala adierazo eban egileak aurkezpenean. Maitasuna, sexua, gizartea, kultura, ideologiak, politikea... gau ugari jorratzen ditu egileak.
Castillo Suarezek bakardadearen ganeko 'Urtebetetze festa' poesia liburua kaleratu dau
2012-11-26 16:46 Kulturea
Lau urteko beharraren emoitzea da Castillo Suarezek argitaratu barria dauen Urtebetetze festa (Elkar) poesia liburua. Bakardadearen inguruan eregi ditu testuak idazle altsasuarrak, baina bakardadeak ez dauka beti zentzu negatiboa edo tragikoa.
Euskerearen Legearen 30. urteurrena ospatu dau Eusko Jaurlaritzeak
2012-11-26 14:51 Euskerea berbagai
Euskerearen Legearen 30. urteurrena ospatu eban Eusko Jaurlaritzearen Kultura Sailak zapatuan, Donostiako Miramar jauregian. Blanca Urgell Kultura sailburuagaz batera, legearen eztabaidan parte hartu eben politikari batzuk be izan ziran ekitaldian. Ganera, legearen edizino berezia aurkeztu eta banatu zan, euskeraz, gaztelaniaz, frantsesez eta ingelesez.
XVI. Cortada Film Laburren Jaialdiak inoiz baino lan gehiago erakutsiko ditu aurten
2012-11-26 11:51 Barriak
Aurten 62 lan izango dira lehian Gasteizko Cortada Film Laburren Jaialdian, zemendiaren 26tik 30era. Hamaseigarren edizino honetan inoiz baino lan gehiago aurkeztu dira, 587 behar, danetara. Ganera, lehenengo aldiz proiekzino guztiak doban izango dira.
Xabier Azkue zumaiarrak irabazi dau Euskal Herriko Hitz Gurutzatuen VI. Txapelketea
2012-11-26 11:28 Euskerea berbagai
Xabier Azkue nagusitu zan finalean, akatsik bako lana egin eta gero. Haren ondoren sailkatu ziran Oier Zulaika gazteiztarra, Javier Altuna getxotarra eta Beñat Muguruza irundarra, lehiaketa ederra egin ondoren. Zumaiako Udaleko euskara teknikaria da Xabier Azkue.
Ipar Euskal Herriko argitaletxeek 35 nobedade daroez Durangoko Azokara
2012-11-26 10:33 Kulturea
Ipar Euskal Herriko argitaletxeek txoko berezia izango dabe aurten Durangoko Liburu eta Disko Azokan, izan be erakusmahai berean batuko dira Agorila, ZTK, Gatuzain, Ikas eta Maiatz etxeek aurkeztuko dituen 35 nobedadeak, Gerediaga eta Euskal Kultur Erakundearen (EKE) arteko alkarlanari esker.
Euskal musikearen azken 50 urteetako ibilbideari buruzko erakusketa bat zabaldu dabe Bermeon
2012-11-26 10:17 Kulturea
Euskal Herrian musikeak izan dauen bilakaerea erakutsi nahi da, garai bakotxaren testuinguru politiko, soziala eta kulturala kontuan hartuz. Azaletatik sustraietara erakusketearen beste helburu bat da gazteei azken 50 urteetako euskal musikearen historiaren barri emotea, eta holan, bisita gidatuak egingo dira Bermeoko ikastetxeetako ikasleakaz.
Lehia handiaren ostean, Etxahun Lekue finalera zuzenean
2012-11-26 09:23 Bertsolaritzea
Bigarren eta hirugarrenagazko alde estuagaz Etxahun Lekuek irabazi dau bigarren finalaurrea eta zuzenean finalera pasauko da. Ganerako bostetatik Arrate Illaro eta Gorka Ostolaza dira momentuz txartel barik geratu diranak.
Ameba Kultur Alkarteak Bidebieta Irratiaren 15. urteurrena ospatuko dau Social Antzokian
2012-11-23 11:27
Gaur, zemendiak 23, ospatuko dau Ameba Kultur Alkarteak Bidebieta Irratiaren 15. urteurrena. Urteurrena ospatzeaz batera, Social Antzokian La Basconia fabrikeari eta Basauriko zine aretoei buruzko bi dokumental estreinauko dira eta Bidebieta Kultura proiektua aurkeztuko da, herriaren historia, folklorea, euskerea eta nortasuna landuko dituan webgune multimedia.
San Nikolas ikastoleak Argia Ereiten Saria jasoko dau bere 50. urteurrenagaitik
2012-11-23 10:31 Euskerea berbagai
Algortako San Nikolas Ikastoleak jasoko dau aurten Getxoko Udalak urtero antolatzen dauen Argia Ereiten Euskara Saria, aste batzuk barru 50 urte beteko ditualako. Sariak, bere hirugarren edizinoan, herrian euskerearen irakaskuntzan, normalkuntzan eta zabalkundean ikastoleak hainbeste urtetan egindako ekarpena nabarmendu nahi dau.
Marraz(i)Oak Ilustratzaile Barrien IV. Topaketek ilusionismoaren mundua landuko dabe
2012-11-23 10:15 jardunaldiak
Galtzagorri alkarteak eta Donostiako Artelekuk Marraz(i)Oak Ilustratzaile Barrien Topaketen laugarren edizinoa prestau dabe. Ilusionismoa: zinearen aurretik ilustratzen lemapean, zemendiaren 26tik 30era, Elena Odriozola ilustratzaileak eta Gustavo Puerta irakasle eta literatur kritikariak gidatuko ditue jardunaldiak Arteleku gunean.
'Nire gorputza, nire erabakia' bertso-paper lehiaketan parte hartzeko epea abenduaren 7an amaituko da
2012-11-22 17:39 Bertsolaritzea
Nire gorputza, nire erabakia lelopean, bertso-paper lehiaketea antolatu dau Medicusmundi Bizkaia alkarteak, ALBE, Gazte Asanblada Sopeloztarra eta Sopelako Udalaren lankidetzeagaz.
Capsula taldeak David Bowieren kanten bersino propioa kaleratu dau
2012-11-22 16:59 Musikea
Capsula taldeak Dreaming of the Rise and Fall of Ziggy Stardust and the Spiders from Mars (Gaztelupeko Hotsak) diskoa kaleratu dau, David Bowieren lanaren bersino propioa. AEBetako New Jerseyko Watermusic Studiosen grabau dabe, martian South by Southwest jaialdian hirugarren aldiz parte hartzeko egindako bidaia aprobetxauz.
2012 Euskadik ‘Gernika- Astra tailerrak: armak egitetik, kultura sortzera’ liburua aurkeztu dau
2012-11-22 14:31 kulturbiz
2012 Euskadik Gernikazarra Historia Taldearen laguntzinoagaz argitaratu dau aitatu liburua, eta ekimen horren bitartez aldaketa historiko baten metaforea egin nahi izan dau, arma-fabrika izandako Astra lantegiak kulturea sortzeko gune bihurtzeraino izan dauen eraldaketea, hain zuzen.
Ia ehun proiektu eta webgune izango dira lehian 2012ko Buber sarietan
2012-11-22 13:33
Internet & Euskadi alkarteak antolatzen dituan Buber sarien hamargarren edizinoan 92 proiektu eta web-orrialde aurkeztu dira lehiaketan dagozan bederatzi kategorietan lehiatzeko. Sari-emote ekitaldia zemendiaren 29an izango da, Donostiako Kursaal Jauregian.
Berreginen Museoak Bilboko zubi historikoei buruzko erakusketea inaugurau dau
2012-11-22 13:02 Kulturea
Bilboko zubi historikoen 19 maketa jasoten dituan Bilbao Zubiz zubi erakusketan Jaime Gustavo Laítak gure uribilduan 1300 eta 1902 urteen artean eregitako zubiak maché papelean irudikatu ditu. Urtarrilaren 31ra arte zabalik egongo dan erakusketea, Pedro Telesforo de Errazquinek XIX. mendearen bigarren erdialdean Bilboko zubiei ataratako argazkiek osotzen dabe.
Zientzia eta literaturea nahastean, Txilikuren 'Piztiarioak' liburuan
2012-11-22 10:24 Kulturea
Piztiarioen ganeko liburua kaleratu dau Jesus Mari Olaizola Txilikuk. Animaliak dira protagonista, batzuk benetakoak, eta beste batzuk, asmautakoak. Liburu artean eta Interneten ordu asko emon dituala autortu dau egileak.
Zinebi 54k Caostica alkarteak antolatutako 'Ikus-entzunezko Bizarrismo Garaikideak' zikloa zarratuko dau
2012-11-22 10:18 Barriak
Zikloa gaur, eguena, hilak 22, arratsaldeko 20:00etan, amaituko da, Golem-Alhondiga zinema-aretoetan (5. aretoan) plastilinaz egindako animazinoan aditua dan Sam Ortí, SAM, egileari eskainiko jakon omenaldiagaz. Bere lanetan plastilinea erabilten dauen animazinogileak umore berezia eta aztoratzailea daben filmak egiten ditu.
Gose taldea techno musikatik hur, bosgarren diskoan
2012-11-21 17:18 Musikea
Bosgarren disko honi be ez deutse ipini izenik Gose taldeak, baina kolorea eta zenbakia bai, hau bosgarren hau laranjea da. Ines Osinagak, Jon Zubiaga Osoronek eta Iñaki Bengoak trikitia eta doinu elektronikoak buztartu ditue, baina technoari leku emon deutso hirukoteak.
Durangoko Azokako guneak indartuta eta barriztauta datoz aurten
2012-11-21 14:37 Kulturea
Durangoko Azokearen 47. edizinoko zazpi guneen egitaraua aurkeztu dabe Bilbon, EITBko egoitzako Multiboxen. Areto Nagusia, Ahotsenea, Saguganbara, Irudienea, Szenatokia, K@bia eta Plateruenako arduradunek gune bakotxaren barri emon dabe. Aurten, Azokeak lau egun izango ditu, abenduaren 6tik 9ra bitartean.
Aurreko artikuluarekiko interesatuta nau euskal aditza trinkoak liburu hau erosteko. Erraidazuek mesedez prezio ta zenbat orrialde kopuruak dabez
»» Aditz trinkoa batuan, bizkaieraz eta ...