Bertso Egunak 43, Bertsozalek 25
2012-01-25 09:49 Bertsolaritzea
1987an sortu zan Euskal Herriko Bertsozale Elkartea. Bertsozaleek datorren zapatuan, hilaren 28an, Bertso Egunean ospatuko dabe urteurrena, urtea abiatu barritan parera jatorku Donostiako urteroko hitzordua. Bertso Egunaren 43. edizinoa 25 zenbakiaren bueltan jolaserako proposamenagaz dator.
Zuzen-Zuzenean zirkuituak 80 euskal musikari batu ditu hirugarren edizinoan
2012-01-24 17:33 Musikea
Amaitu barri da Zuzen-Zuzenean zirkuituaren hirugarren edizinoa. Danetara, Euskal Herriko 18 aretotan jo dabe 80 bat euskal musikari edo taldek. 15.000 ikusletik gora batu dira zuzenekoetan. Kontzertuez han, bestelako ekintza paraleloak antolatu ditue edizino honetan. Zuzen-Zuzenean ekimenaren helburu nagusia bertako musikariek bertako aretoetan zuzeneko gehiago eskaintzea da.
'Este año le comemos la tostada a los brasileños' kartelak iragarriko ditu aurtengo Bilboko Aratusteak
2012-01-24 14:34
Este año le comemos la tostada a los brasileños kartelak iragarriko ditu aurtengo Bilboko Aratusteak. Egileak Jon Ondavilla Marcos (Balmaseda, 1982) eta Amaia Benito González (Bilbo, 1979) bizkaitarrak dira. Irabazleek, Aratusteetan euren kartela Bilboko kaleetan ikusteaz gan, 2.000 euroko saria eskuratu dabe.
'Hitz-ordena. Erabilera estrategikoa' liburua aurkeztu dau Pello Esnalek
2012-01-24 14:26 Euskerea berbagai
Euskaltzaindiak Hitz-ordena. Erabilera estrategikoa liburua aurkeztu dau Donostian, Luis Villasante Euskerearen Ikergunean. Jagon bildumearen 14. zenbakia da, eta Euskaltzaindiaren Corpus batzordeak landu dau, Pello Esnal batzordekidearen koordinazinopean.
Bertie Ahern-ek jasoko dau Donostiako Nazinoarteko Bake Konferentziari emondako 2011ko Sabino Arana Saria
2012-01-24 13:53 sariak-autortzak
Irlandako lehen ministro ohi Bertie Ahern, joan dan urriaren 17an Donostiako Aiete jauregian egin zan Nazinoarteko Konferentzian parte hartu eben sei bitartekarietako bat, Bilbon izango da datorren asteburu honetan, aitatu Nazinoarteko Bake Konferentziari emondako 2011ko Sabino Arana Saria jasoteko.
Laura Mintegiren 'Sisifo maiteminez' nederlanderaz argitaratu dabe
2012-01-24 13:50 Kulturea
Laura Mintegiren Sisifo maite minez nobelea nederlanderaz kaleratu barri dau Zirimiri Press argitaletxeak, Sisyphus verliefd izenburuagaz. Etxepare Euskal Institutuaren laguntzinoa jaso dau argitalpenak. Peter Smaardijkek egin dau itzulpena.
Aurten ez da Urruzuno literatur lehiaketarik antolatuko
2012-01-24 11:52 sariak-autortzak
Aurten ez da Urruzuno literatur saririk antolatuko, Eusko Jaurlaritzako Hezkuntza Sailak jakinarazo dauenez. Hain zuzen be, Hezkuntza Saileko iturriek adierazotakoaren arabera, sailak deitutako sari ia guztiak aurten bertan behera geratuko dira, krisi ekonomikoak eraginda.
Jagoba Astiazaran eta Tolosako CIT-a, XI. Donostiako Orfeoia-UPV/EHU Sariaren irabazleak
2012-01-24 11:20 sariak-autortzak
Jagoba Astiazaranek eta Tolosako CIT-ek irabazi dabe aurtengo Donostiako Orfeoia-UPV/EHU saria. Hamaikagarren edizinoa dauen saria bi helburugaz sortu zan: musika-sortzaileen ibilbide profesionala autortzea eta musika arloko ikerkuntzea bultzatzea.
Hiahoka euskerea abestuz ikasteko proiektua abiatu dabe
2012-01-24 11:03 Euskerea berbagai
Hiahoka HIzkuntza AHOtsez eta KAntuz sentitzeko proiektua abiatu barri dau Banaiz Bagara alkarteak. Ekimenaren aurkezpena Mintzola fundazinoaren egoitzan egin eben. Euskerea arrotz sentiduten dabenentzako sortu dabe materiala; euskal mundura hurreratzeko metodologia eta teknikak landu ditue, abestien bitartez.
Ivan Smagghe, Nacho Canut eta OjosPintados izango dira Guggenheim Bilbao Museoko 'Art After Dark' hurrengo saioan
2012-01-24 10:42 Musikea
Ivan Smagghe Parisko giroko DJen arteko DJa izango da zezeilaren 10eko Art After Dark saioaren izarra Guggenheim Bilbao Museoan. Nacho Canut eta OjosPintados be bertan izango dira, musika elektronikoa, diskoa eta popa jarteko, museoko iturriek jakinarazo dabenez.
Cesar Ibañezek eta Jabi Santa Cruzek irabazi ditue IV. Blas de Otero sariak
2012-01-23 17:48 sariak-autortzak
Bilboko Udalak Poesiako Blas de Otero Sarien laugarren edizinoko irabazleak emon ditu ezagutzera. Gaztelaniaz, Zaragozako Cesar Ibañez filologo eta idazleak idatzitako La ruta de la sed lana saritu dabe eta euskeraz, barriz, Jabi Santa Cruz bizkaitarra izan da irabazlea Baso ilun itoan lanagaitik.
Idoia Etxeberria oñatiarrak irabazi dau XXX. Lizardi Saria
2012-01-23 17:16 sariak-autortzak
Idoia Etxeberria Elorza oñatiarrak irabazi dau Lizardi Sariaren XXX. edizinoa, Ez dago argi lanagaz. Zarautzeko Udaleko Euskera zerbitzuak antolatu dau sariketea. Hamalau lan aurkeztu dira 2011ko lehiaketara, eta Etxeberriarena aukeratu dau Jesus Mª Olaizola Txilikuk, Miren Agur Meabek, Iñaki Frierak eta Arrate Egañak osotutako epaimahaiak.
Bizkaiko Foru Agiritegiko ateak, lehenengoz zabalik publikoarentzat
2012-01-23 16:41 kulturbiz
Bizkaiko Foru Aldundiko Kultura Sailak dobako bisita gidatuak antolatuko ditu astero, orain arte publikoarentzat zarratuta egon diran geletan eta lan-eremuetan zehar. Martitzenero, 18:00etan, Agiritegiak Bilboko Maria Diaz Haroko kalean dituan lan-eremuetako ateak zabalik egongo dira hor egiten dan lana azaltzeko.
Badator 2012ko Arabako Kuadrillarteko Bertso Txapelketea
2012-01-23 12:42 Bertsolaritzea
Bat-batekoan Araba osoko 12 taldek hartuko dabe parte (danetara, 146 parte-hartzaile), eta idatzizkoan 25 taldek emon dabe izena. Talde horreek guztiak 4 ligatan banatu dira. Liga bakotxean 3 taldek hartuko dabe parte, ondoren, liga bakotxeko irabazleak lehiatuko dira finalerdietan. Amaitzeko, finala: martiaren 24an jokatuko da Aramaion.
'Neguko Bidaia' eta 'Kontzertu Klasikoak' zikloak Getxon
2012-01-23 11:27 Musikea
Getxoko Udalak, Andres Isasi Musika Eskolearen eta Kultur Etxearen bitartez, 2012ko lehenengo hiruhilekorako udalerrian musika klasikoko zortzi kontzertuen eskaintza egin dau. Urtarrilaren 21tik martiaren 17ra arte (urtarrilaren 28an izan ezik), Musika Eskolako Areto Nagusiak IV. Neguko Bidaia zikloa eta XXVII. Kontzertu Klasikoak emonaldiak hartuko ditu.
Kepa Murua eta Jose Ibarrola protagonista Eztabaidak Literatureagaz ekimenean
2012-01-20 15:44 Kulturea
2007. urtearen hasieran, Eztabaidak literatureagaz izenekoak martxan jarri ziranetik, 80 egile inguruk hartu dabe parte ekimenean, eta 6.000 persona baino gehiago hurreratu dira. Denporaldi barriko lehen hitzordu horretarako, sarritan alkarren ondoan dagozan bi esparruren arteko alkarrizketa proposatzen da, literaturearen eta artearen arteko alkarrizketea, hain zuzen be.
XXI. mendeko hezkuntzearen erronkak eta helburuak aztertu ditue Bilbon
2012-01-20 14:54
Parte-hartzaileek adierazo dabe euskal hezkuntza-sistemeak oinarrizko kultura zientifiko-teknikoaren euskarri eta transmititzaile izan behar dauela. Gure gazteentzat nahi dan hezkuntza horrek, jatorriaren sustraiak galdu barik euskal kultura plural eta global barria moldatuko dauen funtsezko tresna izan behar dau.
Bertsomovieda!, bertsoa eta irudia buztartzen dituan lehiaketa barria aurkeztu dabe
2012-01-20 14:06 Bertsolaritzea
Lanak emoteko epea zezeilaren 1etik martiaren 24ra arte egongo da zabalik, eta hortik aurrera hasiko dira botazinoak eta epaiak. Oinarri guztiak, bideoa eta bestelako informazinoa www.bertsomovieda.com webgunean dagoz eskuragarri.
Larregi, Nabil, Boys os Birle, Basaki eta Ion Barrokal eta The Uskis taldeak Ibilaldiaren abestia egiteko lehiaketearen azken txanpan
2012-01-20 13:17 Musikea
www.ibilaldia.net webgunean Abestia atalean sartu, aukeratutako 5 abestiak entzun eta edozeinek dauka botoa emoteko aukerea. Botoak urtarrilaren 30era arte emon ahal izango dira, urtarrilaren azken egunean dana antolatu eta zezeilaren 1ean ezagutarazoko da irabazlearen izena.
FBIk MegaUpload gunea itxi dau
2012-01-20 10:51
MegaUpload FBIk zarratu, eta lau lagun atxilotu ditue. MegaUpload artxiboak gordeteko eta deskargetako munduko webgune handiena zan. Anonymousek, protesta moduan, eraso egin deutso AEBetako Gobernuko eta Universal Music enpresako hainbat webguneri. Atxilotutakoen artean, gunearen sortzailea dago, Kim Smith.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...