Aktualitatea

Euskerazko lehenengo kalkulagailu zientifikoa aurkeztu dabe

Eusko Jaurlaritzako Hizkuntza Politikako sailburuordetzeak bultzatu dau tresna barria, Casio multinazionalagaz batera. Iberiar peninsularako personalizautako lehenengo kalkulagailua da Class Wiz dalako hori eta, euskeraz ez eze, gaztelaniaz, portugesez eta katalanez erabili leiteke.

Bilboko 75 dendatara eroan dabe Arte Ederretako ikasleen sormena

Arteshop ekimenaren seigarren aldia martxan ipini dabe Bilboko Udalak, Bilbao Artek eta EHUko Arte Eder Fakultadeak. Uriko 75 saltokitan interbentzino artistikoak egin ditue beste horrenbeste sortzaile gaztek. Bagilaren 18ra arte ikusi ahal izango dira.

BLVArt pintxoaren aurkezpenagaz abiatuko da BLV – ART programea Bilbon

Bilboko Udaleko Kultura Sailak, inguruko zenbait kultur eragilerekin batera, antolatzen dauen BLV-ART programeak Bilbo Zaharra ingurunea abangoardiako jarduerez eta adierazpenez beteko dau bagilaren 9tik 18ra.

Zorionak Athletic!!! Orain Kopea eta gabarrea baino ez dira falta...

Txaber Altube bizkaitarrak irabazi dau Eskolarteko txapela Ereñotzun

Txirritaren jaioterrian jokatutako Eskolarteko Bertsolari Txapelketako finalean Txaber Altube abadiñarra izan da onena. Euskal Herriko ia lurralde guztietako ordezkariak batu ditu saioak. Altuberen atzetik, Beñat Mujika izan da txapeldunorde.

AIKOren eskutik, 'Tradegin: tradiziozko dantza garaikidea egin. 2016 Tradizioan sortzen' ikastaroa bagilaren 24tik 26ra

Gehien bat praktikoa izango dan ikastaroa bagilaren 24an, 25ean eta 26an eskainiko da Bilboko Bizkaia Aretoan, Euskal Herriko Unibersidadeak Bilboko Abandoibarrako pasealekuan dauen eraikinean.

Bosgarren urteurrena bisitarien igoereagaz ospatu dau Balenciaga museoak

2011ko bagilean zabaldu zan Getarian Cristobal Balenciaga moda-diseinatzaileari eskainitako museoa. Harrezkero, 284.000 bisitari hartu ditu. Museo gaztea danez, oraindino programazinoa zabaltzeko eta bide barriak topetako lanean dabilzala adierazo dabe arduradunek.

Ken Zazpi, Carlos Baute, Izal, Edurne, Mago de Oz eta Calum Bilboko Aste Nagusian

Abuztuaren 20tik 28ra bitartean, 2016ko Aste Nagusiak 100 musika jarduera baino gehiago hartuko ditu eszenatoki desbardinetan.

Getxoko, Gasteizko eta Donostiako jazz jaialdiek alkarregaz aurkeztu ditue aurtengo asmoak

Erreferentziazko ekitaldiak dira nazinoartean hiru jazzaldiak, Itziar Epalza Jaurlaritzako Turismo sailburuordeak azaldu dauenez. Horregaitik, Euskadi markea indartzeko erabiliko ditue garagarrileko hiru hitzorduok. Getxo, Gasteiz eta Donostiako jaiadiek hazten segiduten dabe eta, aurten be, askotariko eskaintzea preparau dabe.

DJ Tennis, Dj Voz eta Ocariz eta DJV Sound denporaldi honetako Art After Dark saioei amaierea emoteko

Bagilaren 3an, barikuan, izango da denporaldi honetako azken Art After Dark saioa, udan eten egiten baita.

Eneko Atxak irabazi dau 2015eko Sukalde Buru Onenaren Espainiako Gastronomia Saria

Espainiako Gastronomia Sari honegaz, sukaldari bizkaitarraren sustraidun sukaldaritzea autortu gura izan dau Gastronomiaren Espainiako Errege Akademiak. Sariak banatzeko ekitaldia datorren astelehenean ospatuko da, bagilaren 6an.

Iñaki Irasizabalek bere hamaikagarren nobelea argitaratu dau

Gauzak ez ziren sekula berdinak izango (Elkar) nobela baltza da idazle bizkaitarraren lan barria. Pederastia kasu batetik abiatzen dan istorioa da eta, irakaspenak emoteko baino, galderak eta zalantzak sortzeko lana dala dino Irasizabalek.

Javier Echeverría Ezpondak irabazi dau Humanidade, Kultura, Arte eta Gizarte Zientziak 2016 Saria

Javier Echeverría Ezpondak irabazi dau dau Euskal Herriko curriculum nabarmenenei emoten jaken Eusko Ikaskuntza — Laboral Kutxa, Humanidade, Kultura, Arte eta Gizarte Zientziak 2016 Saria.

Seigarren nobelea plazaratu dau Pello Lizarraldek, 'Elur bustia'

Krisi ekonomikoak eraginda, hegoaldera, bere jaioterrira bueltau nahi dauen gizon baten istorioa kontetan dau Lizarralderen lan barriak. Elur bustia (Erein) lanak jaioterriaren eta etxearen ganeko gogoetea egiten dau.

Let's Jo! zikloa The Wizards taldeagaz eta Red Crocodile eta Crossover hasibarriakaz hasiko da

Let's Jo! ekimenaren helburua da Bilboko talde hasibarriak talde entzutetsuakaz batera jotea. Red Crocodile eta Crossover taldeak aukeratu ziran The Wizards taldearen hasierako konbidaduak izateko.

Askotariko doinuak batu nahi izan ditu Kepa Junkerak 'Maletak' disko barrian

Aurreko diskoan legez, Sorginak taldeagaz batera egin dau lan Kepa Junkera trikitilari bilbotarrak. Bide barrietan sartu da oraingoan Junkera, esperimentazino gehiago dago Maletak diskoan. Esaterako, perkusinozko tresna tradizional ugariren doinuak sartu ditu.

Esne Beltzak 'Esna gauden artean' abestia aurkeztu dau, bere disko bikotxaren zati barriaren aurrerapena

Esna gauden artean, dubstep harrigarria soinu aldaketearen ikurra da, eta aldaketea da disko bikotxa osotuko duen zatiaren ezaugarri nagusia.

Jose Guerreroren 'Intervalos negros', Bilboko Arte Eder Museoaren obra gonbidatua

Irailaren 18ra arte, Obra gonbidatua programearen barruan, Bilboko Arte Eder Museoko 32. aretoan ikusi ahal izango da Jose Guerrero artista andaluziarraren Intervalos negros. Mihise ganeko olio hori 1971n marraztu eban Guerrerok, pospoloak haren obrearen ardatzetako bat ziran sasoian.

El Sol publizidade jaialdiak 1.300 profesional baino gehiago batuko ditu Bilbon

Gaur, bagilak 2, hasiko da  publizidade iberoamerikarraren hitzordu nagusietako bat dan El Sol jaialdia. Azken hiru urteotan ia bikoxtu egin da bisitarien kopurua eta, beraz, ondo finkatutako hitzordua dala dinoe antolatzaileek.

Bizkaiko Foru Aldundiak II. Bizkaidatz Txikia lehiaketako sariak banatu ditu

Umeen kategorian, gaztelaniaz, Aiala Garabieta Oribek irabazi dau aurten, eta euskeraz, barriz, Gotzon Gandarias Zabalak. Gazteen kategoriari jagokonez, Itxaso Hernández Costoyaren eta Osane Zugazaga Menikaren kontakizunek izan dabe saria, gaztelaniaz eta euskeraz, hurranez hurran.