Aktualitatea

Etxepare Euskal Institutuak 'Euskal Kultura Saila' atondu dau

Etxepare Euskal Institutuak Euskal Kultura Saila / Colección Cultura Vasca / Basque Culture Series izenburua emon deutso aurkeztu dauen liburu sailari. Hirueleduna izango da eta 12 liburuk osotuko dabe; horreetatik hamar aurkeztu ditue orain.

Publikoak dinamizetea helburu dauen kulturTICK egitasmoa abian da

Kulturearen esparru desbardinak dinamizetako asmoz sortu dan tresnea da kulturTICK kulturzaleen kluba eta bere bazkideei, kulturzaleei oro har, zineman, kontzertuetan, antzerkian eta beste arte eszenikoetan, museoetan eta literaturan, abantailak eskainiko deutsezana.

Virginia Berasategirentzat 2012ko Bilboko Ibiltari Saria

Virginia Berasategik datorren zapatu eguerdiko 12:30ean jasoko dau saria Arenaleko Teilatupeetan, Bilbo, nire kotxe barik! jardunaldiaren ospakizunaren barruan eta bertan jardunaldiaren manifestua irakurriko dau.

Eddie Campbell eta Miguelanxo Prado izango dira Getxoko XI. Komiki Azokearen artista konbidatuak

Getxoko XI. Komiki Azokan egongo diran egileen zerrendak baditu lehenengo izenak, eta aurten, goi mailako artistak batuko dira azokan. Zemendiaren 23tik 25era bertan egongo dira Eddie Campbell eskoziarra, From Hell eleberri grafiko famatuaren ilustratzailea, eta Miguelanxo Prado egile galiziarra, oso ospetsua nazinoartean.

Bilborock aretoak jarduerak eta zerbitzuak eguneratu ditu

Hamabost urteko ibilbidearen ondoren, Bilboko Udaleko Euskera, Gazteria eta Kirol Sailaren menpeko Bilborock aretoak eguneratu egin ditu jarduerak eta zerbitzuak: aisiarako leku bat, batzeko, lan egiteko, konektetako, zizka-mizkak eta edariak daukazan barra bat… Horren helburua da gazteen topaleku bihurtzea.

Hemen dira umeei zuzendutako XVIII. 'Bilbon Eskolatik Antzerkira' programea eta Eskola Antzerki Lehiaketea

Bilboko Udaleko Kultura eta Hezkuntza Sailak Arte Eszenikoen aldeko apustuari eusten deutso, hezkuntzarako tresna moduan, eta ikasturte honetan be aurrera jarraitzen dau Bilbon Eskolatik Antzerkira programeagaz. Eskola Antzerki Lehiaketeagaz batera, Arte Eszenikoetarako ikus-entzule barriak trebatzea dau helburu, txikienen artean antzerki arlokoko sorkuntza lana bultzatzeaz gan.

Badator udagoiena, badator euria, badator freskurea, badatoz perretxikoak...

Qingdaori (Txina) buruzko argazki erakusketa bat zabaldu dabe Bilbon

Artista txinatar batzuek Qingdaoren Xarma izenburuko argazki erakusketea zabaldu dabe Bilbon. Erakusketea uriburu bilbotarreko Bailen kalean jarritako karpa batean bisitau ahal izango da, La Concordia geltokiaren aurrean, eguenera arte, hilaren 20ra arte. Erakusketeak 80 argazki batzen ditu, Qingdaoko paisajeak, usadioak eta ohiturak islatzen dituenak.

3.505 film labur aurkeztu dira 54. Zinebira

Zinebik 54k beste marka bat gainditu dau kopuru horreekaz, izan be, aurten igaz baino 484 film gehiago jaso dira. Jatorriari jagokonez, aurten be Frantzia da lan gehien aurkeztu dituan bigarren herrialdea, danetara, 588 lan, 687 lan aurkeztu dituan Espainiaren atzetik.

Euskal Herrian zehar euskeraz bitzeko gogoa adierazoko dabe herritarrek herri-lasterketen bitartez

Irailaren 22an izango da ekimena. Euskal Herriko hainbat herritan, 50tik gora herritan egingo dira herri-lasterketak. Familia giroan lasterka egiteko konbita luzatuta, ibilbideak be guztiontzat moldatutakoak izango dira. Ez dira lasterketa lehiakorrak izango, familia giroan egiteko modukoak baino. Euskeraz biziteko nahia da asmoa.

UPV/EHUren trebakuntza-proiektu akademiko bat erakutsiko dau Cristóbal Balenciaga Museoak

Cristóbal Balenciaga Museoko erabilera anitzeko gelan erakutsiko ditue emoitzak, baita lan-prozesuak be, gaurtik irailaren 30era bitartean. Lan-prozesuak blogean be ikusgai dagoz.

Gasteiz uriburu magiko bihurtuko da XXIV. Nazinoarteko Magialdia tarteko

Irailaren 17rik 23ra bitartean, danetara, bederatzi herrialdetatik etorriko diran 30 artistek 69 ikuskizun eskainiko ditue Gasteizen, 21 agertokitan. XXIV. Nazinoarteko Magialdian, Artmik (Frantzia), Tony Chapeck (AEB), Mantas (Lituania) eta Les Chapeaux (Frantzia) magoak be bertan izango dira.

Euskal Poesiaren BBK Jardunaldiak Bilbon irailaren 17tik 21era

Galatea Taldeak, Bernardo Atxagak, Eñaut Elorriagak, Mikel Inunziagak, Yolanda Castañok, Carmen Isasik, Marina Perezek, Carmen Bereciartuak, Pablo Gonzalez de Langarikak eta Tachia Quintanarrek irakurgai hautatuak errezitauko ditue, eta Euskal Herriko eta nazinoarteko poeten sortze-lanik adierazgarrienetako batzuez gozetako aukerea izango da.

Langunek euskal enpresetako hizkuntzen erabilera, kudeaketa eta trebakuntzeari buruzko erretratua aurkeztu dau

Azterketearen helburua izan da euskal enpresetako hizkuntzen erabilereari, kudeaketeari eta trebakuntzeari buruzko erretratu eguneratua egitea, enpresa ikuspuntutik, langile/ikaslearenetik eta hizkuntza-industriako profesionalen ikuspuntutik. Horretarako, 437 enpresak, hizkuntzak ikasten dituen 300 langile/ikaslek eta hizkuntzen industriako hogeita hamar bat profesionalek parte hartu dabe.

Gorbeia eskuko telefonoan zehaztasun guztiakaz

Hiru dimensinoko mendi-mapak Androidetan konsultetako aplikazinoa garatu dau Informatikako ikasle batek; Maria Teresa Ruiz Monzónek (Gasteiz, 1988) patrikeran Gorbeia daroala esan daiteke. Mendi horren aldatzak eta gorabeherak errealismo handiz agiri dira UPV/EHUn Informatika ikasketak amaitu barri dituan ikasle honen eskuko telefonoan.