Bilboko Udal Musika Bandeak udabarriko denporaldiari ekingo deutso
2011-05-12 14:42 Musikea
Bilboko Udal Musika Bandeak maiatzaren 13an, barikuan, ekingo deutso udabarriko denporaldi barriari Arenaleko Kisokoan, neguko kontzertu zikloan, 11.000 ikusletik gorako arrakasta ezin hobea izan ondoren.
Munduko Jendeen V. Jaialdiaren aurretik kartel eta film laburren lehiaketak antolatu ditue
2011-05-12 13:58
Munduko Jendeen Jaialdiaren bosgarren edizinoa Bilbon izango da, bagilaren 22tik 26ra bitartean, eta helburua da Bizkaian bizi diran 200 kultura baino gehiagoren topagune izatea barriro be. Jaialdia 65 alkartek baino gehiagok antolatzen dabe, Bizkaiko Foru Aldundiaren, Bilboko Udalaren eta Eusko Jaurlaritzaren babesagaz.
'Nabarra' aldizkariak ibilaldi literarioa antolatu dau Durangaldean
2011-05-12 13:23 Kulturea
Orain dala urtebete sortu zan Bilbon Nabarrak Kultur Elkartea, eta ordutik Nafarroan egiten zan Nabarra aldizkaria Bizkaian argitaratzen dabe. Urteurrena ospatzen hasi gura dabe Nabarrakoek, horregaitik literatur-ibilaldi interesgarria atondu dabe maiatzaren 14an, zapatua.
Ia hamar mila lagun batu zituan asteburuan Arrigorriagako XVI. Clown Jaialdiak
2011-05-12 11:07 Kulturea
Arrigorriagako Clown eta Pailazo Jaialdiak irribarre zabalagaz itxi eban domekan XVI. edizinoa. Balorazino guztiz ona egin dabe antolatzaileek. Aurten 9.500 ikusle inguru hurreratu dira Arrigorriagara, eguraldia lagun. Hogei emonalditik gora eskaini ditue. Igaz, eguraldia nahiko eskasa izan arren, 6.000 bat lagun izan ziran. Ikusleek nabarmen egin dabe gora, arduradunek azpimarratu dabenez.
Juan Manuel Gandarias katedraduna eta Medikuntza Fakultatearen fundatzailea hil da
2011-05-11 18:16Atzo hil zan Juan Manuel Gandarias Bajón Fisiologia katedraduna, 87 urte zituala. Medikuntza Fakultateko lehen dekanoa izan zan, eta Leioako Erizaintza Eskolako lehenengo zuzendari legez, lan erabagigarria egin eban UPV/EHUn osasun arloko ikasketak garatzeko.
Pello Salaburu: 'Bolonia txarto ulertu da Espainian'
2011-05-11 17:46
Gaur goizean, UPV/EHUko Bizkaia Aretoan, España y el proceso de Bolonia. Un encuentro imprescindible izeneko liburuaren aurkezpen publikoa egin da, Europako unibersidade-hezkuntzearen batasunaren erronkak eta haren arrakastarako giltzarriak aztertzen dituan lana.
SESBen 50 urteko historia argazkiz-argazki, Dimitri Baltermants-en begietatik
2011-05-11 15:53 Kulturea
Dimitri Baltermants (Varsovia, 1912 - Mosku, 1990) argakizlari sobietar ezagunaren argazki-erakusketea aurkeztu dabe Bilboko Alondigan. Erakusketan ia berrehun irudi dagoz ikusgai, danak Moskuko Argazkiaren Etxetik ekarritakoak. SESBen 50 urteak Dimitri Baltermants (1939-1989) bagilaren 29ra arte egongo da zabalik.
Gizarte sareak aztergai Informatikari Euskaldunen VIII. Bilkuran
2011-05-11 15:41
Maiatzaren 12an, eguenean, Udako Euskal Unibertsitatearen (UEU) Informatika Sailak antolatuta, Informatikari Euskaldunen VIII. Bilkurea (IEB11) egingo da Donostiako teknologia Elkartegian.
Juan Torre argazkilariak ikutzeko eta ikusteko erakusketea aurkeztu dau Bilbon
2011-05-11 15:32 Kulturea
Erakusketa berezia aurkeztu dabe Bilboko BBK Salan eta Ondare aretoan, izan be ikusteko baino ikutzeko da-eta Juan Torreren argazkiak batzen dituan Ukitzeko irudiak erakusketea. Hainbat musikari agiri dira artista bizkaitarraren erliebedun irudietan, danetara berrogei bat.
IV. Huhezinema Eskoriatzan eta Aretxabaletan, maiatzaren 11n eta 12an
2011-05-11 14:19 Barriak
Maiatzaren 11n eta 12an Huhezinema zine jaialdiaren 4. aldia egingo da Eskoriatzan eta Aretxabaletan, Mondragon Unibertsitateak antolatuta. Aurten Nacho Vigalondo zinema zuzendari eta gidoilari ospetsua izango da Eskoriatzan, bertan berbaldia emongo dau-eta.
Zortzi banda hautatu ditue VI. Haizetara jaialdirako
2011-05-11 12:59 Musikea
Zornotzan seigarren urtez ospatzen dan lehiaketea bagilaren 24an, 25ean eta 26an izango da, eta musika estilo desbardinak jorratzen dituen zortzi bandak hartuko dabe parte. Danetara, 8 herritako 30 bandak emon eben izena.
Gaur hasiko da Canneseko 64. Zinemaldia, Woody Allenen pelikula barriagaz
2011-05-11 12:28 Barriak
Canneseko 64. Zinemaldia gaur bertan hasiko da, Woody Allen zinemagile ezagunaren Midnight in Paris pelikuleagaz. Danetara, hogei film lehiatuko dira Urrezko Palmondoa lortu guran. Robert de Niro da aurtengo epaimahaiko presidentea.
Teknopolis programeak Bioteknologiaren komunikazinoaren eta dibulgazinoaren Asebio/Genoma España saria jaso dau
2011-05-11 12:27
Bizitza laborategian ernaltzen denean izeneko erreportajearengaitik jaso dabe saria. Lan horren egileak Nagore Rementeria, Alaitz Ochoa de Eribe eta Beñardo Kortabarria izan dira.
Bertsolari Gaztetxuen Eguna 2011
2011-05-11 11:51 Bertsolaritzea
Bertsolari Gaztetxuen Eguna eta Balendin Txiki V. Bertso-paper lehiaketako sari banaketea datorren astelehenean, hilaren 16an, izango dira Getxon, Areetako Andres Isasi Musika Eskolan.
'Unai' laguntzaile birtuala sortu barri dau EHUk, ikasleen zalantzak argitzeko
2011-05-11 11:51
Euskal Herriko Unibertsitateak bosgarren belaunaldiko laguntzaile birtuala abiarazo dau: Unai. Hasieran, unibersidadean sartu nahi daben ikasleek UPV/EHUn sartzeari eta matrikulea egiteari buruz daukiezan zalantzak argituko ditu. Euskal Herrian holako tresnea daukan lehenengo unibersidadea da, eta Espainiako hirugarrena.
Kirmen Uribe Bartzelonako Nazinoarteko Poesia Jaialdian
2011-05-11 11:09 Kulturea
Uribe nazinoarteko beste zortzi egilegaz batera taularatuko da, Jerome Rothenberg (AEB), Kgafela oa Magogodi (Hegoafrika), Arnaldo Antunes (Brasil), Pamela Z (AEB), Luis Alberto de Cuenca, Núria Martínez Vernis Valentí Puig eta Vicenç Altaióregaz batera, hain zuzen be.
Arantxa Iturbek eta Agurtzane Intxaurragak jaso dabe Max saria
2011-05-10 18:29 sariak-autortzak
Bart egin da Max sarien XIV. edizinoa Kordobako Gran Teatro antzokian eta euskarazko autore onenaren Max saria Agurtzane Intxaurragak eta Arantxa Iturbek irabazi dabe Aitarekin bidaian lanagaitik.
Borja Estankonak popa eta rocka buztartu ditu bakarkako lehenengo diskoan
2011-05-10 15:53 Musikea
Borja Estankona musikari arratiarrak bakarkako lehenengo diskoa, Estankona (Baga-biga), aurkeztu dau Bilbon. Hamar kanta eta bideoklip bat batu ditu lanean, popa eta rockaren arteko doinuekaz. Itxaso Etxebeste baxu-joleak eta Jimmy Arrabit bateria-joleak be parte hartu dabe proiektuan.
Bizkaiko udalerriotako jai-esparruetan euskerea sustatzeko lankidetza-hitzarmena sinatu dabe
2011-05-10 15:42 Euskerea berbagai
Bizkaiko udal eta mankomunidadeetako euskera zerbitzuek azken bi urteotan garatutako ekimena finkatze aldera, Bizkaiko Foru Aldundiak, EUDELek eta AFADEk (Euskadiko Ferialari Autonomoen Elkartea) lankidetza-hitzarmena sinatu dabe gaur, hilak 10, gure lurraldeko herrietako jaietan jarten diran barraka eta jolas-ikuskizunetan euskerearen erabilerea sustatzeko asmoz.
Basaki laukote leioaztarrak 'Egunero hasten da' diskoa aurkeztu dau
2011-05-10 15:40 Musikea
Bost urte emon ditu Basaki taldeak Egunero hasten da (Oihuka-Elkar) diskoko hamar kantak atontzen. Rock doinu gogorrak dira nagusi Leioako laukotearen abestietan, baina melodiek be leku garrantzitsua daukie. Maiatzaren 28an aurkeztuko dabe lan barria, Gasteizeko gaztetxean.
Nabarmenak
Sarrera behar da? Aurretik erosi behar da?
»» 'Erbestez erbeste', bertso saio literarioa