Aktualitatea

NBAko talde batek Gescrap Bizkaia Bilbao Basketen kontra jokatuko dau 2013an

Bilboko Udalak eta Bizkaiko Foru Aldundiak sustatzen daben Bilbao-Bizkaia markeak akordio bat sinatuko dau laster NBAgaz, saskibaloi liga estadubatuarreko talderen batek Gescrap Bizkaia Bilbao Basketen kontra jokatu daian datorren urtean Barakaldoko BECen.

AEK-k euskera eta helduen euskalduntzea aintzat hartzea eta laguntzarik ez murriztea eskatu deutse erakundeei

Euskara bizia lemapean, AEK-k eskaintza oparoa dakar ikasturte honetarako be, euskerea ikasi edo hobetu nahi daben guztiei begira. Urritik bagilera euskerea ikasteko makina bat aukera eskainiko dau, Euskal Herri osoko 100 euskaltegi baino gehiagotan: euskera maila guztiak, titulu homologatuak lortzeko ikastaroak, taldeentzako ikastaro bereziak, autoikaskuntza.

Japoniako bisitariak Euskaltzaindian

Hisao Ishii irakasleari sano interesgarriak begitandu jakoz izenen normalizazinoaren inguruan egon diran gorabeherak eta gaur egungo egoera soziolinguistikoa.

The Zeros estadubatuarrek Bilboko Kafe Antzokian joko dabe irailaren 20an

The Zeros punk rock talde estadubatuarrak kontzertua eskainiko dau irailaren 20an Bilboko Kafe Antzokian. Mexikoko Ramones izengoitiagaz ezagun bilakatu ziran eta bere abestietan punk, power pop eta rock'n'roll doinuak bikain buztartzen zituen.

Gaur hasiko da FesTVal jaialdia Gasteizen

Gaur hasi eta datorren irailaren 8ra bitartean FesTVal telebistaren jaialdia ospatuko da Gasteizen. Urtero legez, telebista kateek saio barriak eta denporaldi barrirako dituen barritasunak aurkeztuko ditue, berbarako, ETB, TVE, Antena 3, laSexta, Cuatro, Telecinco eta Canal + kateen eskaintza ezagutuko dogu.

Kante, jantza, gitarra eta txalo-konpas tailerrak izango dira Bilboko 'Una ría con duende' flamenko jaialdian

Bilboko Udaleko Kultura eta Hezkuntza Sailak eta Sonikete alkarteak alkarlanean antolatzen daben Una ría con duende topaketa flamenkoen zazpigarren edizinoak jantza, gitarra, kante eta txalo-erritmo tailerrak eskainiko ditu beste urte batez.

BEZ inoiz baino karuago dago baina hau izango al da azken igoerea?

John Travoltak be Zinemaldiko Donostia saria jasoko dau

John Travoltak Mark Steven Johnson zuzendariaren Killing Season filmaren errodajea amaitu dau oraintsu Georgian; film horretan, Robert De Nirogaz egin dau lan.

II. Black & Basque jaialdia Baionan

Pasa dan urtean antolatu eben lehenengo aldiz aniztasun kulturala sustatu eta belaunaldi guztiak alkartzeko helburua dauen Black & Basque jaialdia eta aurten irailaren 7tik 9ra bitartean euskal eta afro-amerikar kulturak buztartuko dira barriro Baionan.

Gernikako Bakearen Museoak hainbat eskaintza proposatu ditu irailerako

Gernikako Bakearen Museoak hainbat ekintza antolatu ditu irailerako, berbarako, irailaren 2an, domekan, sarrerea doban izan zan; Busturialdeko Zerbitzu Sozialen zuzendaritzapeko udako koloniak egongo dira; Kids Guernica erakusketea ikusgai egongo da; Nazinoarteko Bakearen Eguna ospatuko da; eta Legionarioak erakusketea eskainiko da.

Hortzmuga taldearen 'Yo estuve alli... Y no lo contaron como lo vi' lanaren aurre-estreinaldia Bilbon

Bilboko Udaleko Kultura eta Hezkuntza Sailak eta Hortzmuga Teatroa taldeak, Bilboko konpainiaren Yo estuve allí… y no lo contaron como yo lo vi azken lanaren aurre-estreinaldia programau dabe datorren domekarako, irailaren 2rako, gaueko 22:00etan, Errekaldeko plazan.

'Inprobisazinoa eta umorea eskenan' tailerra Virginia Imaz eta Jose Carmelo Muñozen eskutik

Inprobisazinoa eta umorea eskenan tailerra Oihulari Klown taldeko Virginia Imaz eta Jose Carmelo Muñoz ek eskainiko dabe urriaren 19tik 21era, Bergarako Aibar baserrian (Oihulari Klown taldearen aterpetxean). 25 orduko ikastaroa da, 3 eguneko egonaldi intensiboan gauzatuko dana.

UPV/EHU Shangaiko rankingean sartu da lehenengoz

Euskal Herriko Unibersidadea Shangaiko rankingean agertzen dan lehen aldia da, eta ex aequo kokatu da 301. eta 400. postuen artean.

Folk Getxo BBK 2012 - Getxoko Nazinoarteko Folk Jaialdia irailaren 5etik 9ra

Getxoko XXVIII. Nazinoarteko Folk Jaialdia gaur aurkeztu dabe Bilbon. Urtero lez, goi mailako kontzertuak izango dira, besteak beste, Mikel Urdangarin kantautorearen eta Cristina Pato gaita-jotzailearen saioa eta Sortuko dira besteak Xabier Leteren omenezko kontzertua. Saio nagusietan, barriz, Cheikh Lô musikari senegaldarra eta Kíla talde irlandarra izango dira protagonista.

Tommy Lee Jonesek aurtengo hirugarren Donostia saria jasoko dau

Tommy Lee Jones aktoreak aurtengo Zinemaldiko hirugarren Donostia saria jasoko dau, Oliver Stone zuzendaria eta Ewan McGregor aktorea be sarituko ditualako aurten 60. Zinemaldiak. Irailaren 28an jasoko dau Donostia Saria Tommy Lee Jonesek, Kursaalen egingo daben ekitaldian.