Aktualitatea

Juan de Diego, Massimax Project eta Liya Grigoryan TRio, Bermeoko XVII. Jazzber jaialdian

Bermeoko XVII. Jazzaldiak hiru kontzertu eta jam session bat eskainiko ditu garagarrilaren 2tik 4ra bitartean. Aurten, Jazzber jaialdi honetan, Juan de Diego euskaldunak, Suedian eta Italian ibilbide luzea dauen Massimax Projectek eta Liya Grigoryan armeniarrak sortutako hirukoteak hartuko dabe parte. Kontzertu guztiak Kafe Antzokian izango dira eta sarrera debalde izango da.

Daborduko 350 lagunek emon dabe izena Gorbeia Suzien mendi lasterketan

Gorbeia Suzien Banco Mediolanum Sari Nagusia urriaren 18an izango da. Izena emoteko epea bagilaren 16an hasi zan, astelehenean, eta egun gitxi honeetan daborduko 350 korrikalari apuntau dira.

'Interbentziñuak', Eibarreko fabrikak berreskuratzeko proposamen artistikoak

Eibarren hutsik dagozan eta erabilten ez diran eremu eta eraikin industrialak berreskuratzeko Interbentziñuak egitasmo artistikoa inauguratuko da bagilaren 20an, Eibarko BHren fabrika zaharrean. EHUko Arte Ederren Fakultadeak, Berreibar Ekimen Kulturala alkarteak eta Eibarko Udalak jardun dabe alkarlanean.

'The Invisible Woman'

Ralph Fiennesen egitasmo personala da film hau, eta zuzendaria izateaz gan, Dickensen papela be egiten dau. Felicity Jonesek, Nellyren papelean, ederto erakusten dau emakume horrek bizitako mina, larritasuna eta zoriontasun momentu laburrak. Dana dala, esango neuke kimikak huts egiten dauela maitale biak alkarregaz dagozanean.

Zaparrada ume konparsea sortu dabe Zenbat Gara eta Kurkuluxetan alkarteek

Kurkuluxetan eta Zenbat Gara kultur alkarteek Zaparrada ume konparsea sortu dabe Algara konparsearen magalean, besteak beste, Bilboko Aste Nagusian euskeraz biziteko, berba egiteko eta ondo pasetako ume bilgunea eregiteko eta umeentzako gune erreferentziala bilakatzeko helburuakaz.

Joseba Intxaustik 'Euskara eta hizkuntzak, gizartean' argitalpena aurkeztu dau

Euskerea eta hizkuntzen Historia Sozialaz 50 urtetan idatzitako artikulu-bildumea batu dau Joseba Intxausti historialari eta ohorezko euskaltzainak hiru liburukitan banatutako Euskara eta hizkuntzak, gizartean beharrean. Hain zuzen be, Euskaltzaindiaren Etxeberri Bilduma-ko 2., 3. eta 4. zenbakiak dira. Bilbon aurkeztu dau, Euskaltzaindiaren egoitzan.

'Ikerketa Feministarako Metodologia: Giza eskubideen aldeko tresnak eta aplikazinoak' jardunaldiak gaur eta bihar, Donostian

Hegoa Nazinoarteko Lankidetza eta Garapenari Buruzko Ikasketa Institutuak eta SIMReF Ikerkuntza Feministarako Metodologia Diziplina Anitzeko Mintegiak antolatu ditue topaketak. Donostian 200 bat ikertzaile, irakasle eta aditu batuko dira, EHUko Filosofia eta Hezkuntza Zientzien Fakultadeko Gradu Aretoan, bagilaren 19an eta 20an.

30 bertsolari hasiko dira Bizkaiko Txapelketako kanporaketetan

Eskualdeetako Bertsolari Txapelketak amaitu ostean, erabagita dagoz zeintzuk izango diran 2014ko Bizkaiko Bertsolari Txapelketan kantauko daben bertsolariak. Danetara, 30 bertsolari hasiko dira Bizkaiko Txapelketako kanporaketetan.

SOS, PSOEren deskalabrua

Hodei Egiluzen aldeko kantea sortu dau Garik, euskal musikari ugariren laguntzinoagaz

2013ko urrian Anberesen desagertu zanetik, zortzi hile joan dira Hodei Egiluz gazte galdakoztarraren barririk euki barik. Hodei Bila alkarteak kontzertu solidarioa antolatu dau biharko eta, Gari abeslariaren ekimenez, hainbat musikari batu dira kanta bat sortzeko. Bihar entzun ahal izango da lehenengo aldiz.

Scorpions taldeak edegiko dau Azkena Rock jaialdia, bagilaren 20an

Scorpions, Blondie, Violent Femmes, Wolfmother, Joe Bonamassa, Seasick Steve, Unida, Turbowolf, Kadavar, Royal Thunder, Bombus... Hemen da hamahirugarren Azkena Rock jaialdia. Rockzaleek Mendizabalan daukie hitzordua asteon, bagilaren 20an eta 21ean.

43 miloe euro bideratuko ditu aurten Eusko Jaurlaritzeak euskerearen erabilerea indartzeko

Euskerazko hedabideentzat 4,87 miloe euro bideratuko dira. Horrezaz gan, 180.000 euroko partida barri bat izango da, geheinbat gaztelaniaz diran hedabide idatzien edizino digitaletan euskerearen presentzia indartzeko.

Bilbao BBK Livek sarrera guztiak saldu ditu

Marka guztiak apurtuko ditu aurten Bilbao BBK Live jaialdiak, daborduko eguneko sarrera guztiak eta bonuak salduta dagoz. Halanda ze, 120.000 lagun batuko dira garagarrilaren 10etik 12ra bitartean Kobetamendin, inoizko gehien.

Euskal Herriko Eskolarteko Bertsolari Txapelketako finala zapatuan jokatuko da Orion

Bagilaren 21erako egun osoko jai ederra antolatu da Eskolartekoaren harira. Goizeko 11:00etan 15-18 urte artekoen bat-bateko finala izango da, eta, arratsaldez, 15:00etatik aurrera, bertso-eskolen emonaldiak eta erromeria.

Michel Camilo Trio, Jack De Johnette eta Diego 'El Cigala', 38. Getxo Jazz Jaialdian

Aurten be Getxoko Jazz Jaialdiak abiatuko dau EAEko udako jazzaldien denporaldia. Garagarrilaren 2tik 6ra hamazortzi emonaldi eskainiko ditue, tartean, Jack De Johnette, Michel Camilo Trio eta Diego El Cigala-ren kontzertuak. Sarrerak salgai dagoz daborduko.