Garik 'Ez da amaiera' bakarkako zazpigarren diskoa kaleratu dau
2013-03-08 14:49 Musikea
Popa, psikodelia eta poesia dira Gariren Ez da amaiera (Elkar) disko barriko hiru zutabeak. Ia-ia estudioan bertan hasi eta amaitu dau diskoa, han gauzatu da sorkuntza prozesua. Hamaika kanta, maitasunaz, eguneroko kontuez, bizitzaz azken batean. Bakarkako ibilbideko zazpigarren lana da.
Ramon Zuriarrain donostiarraren 'Miss mundos' erakusketea, Bilboko Arte Eder Museoan
2013-03-08 14:12 Kulturea
Ramon Zuriarrain artista donostiarraren 78 lanez osotutako Miss mundos erakusketea aurkeztu dabe Bilboko Arte Eder Museoan. Lanik gehienak azkenengo hamarkadan sortutakoak dira, baina badagoz lehenagoko lanak be bai. Erakusketea bagilaren 2ra arte egongo da zabalik.
Andres Sorelek eta Imanol Zuberok literaturea eta gerrea gaia jorratuko dabe 'Eztabaidak Literatureagaz' ekimenean
2013-03-08 13:49 Kulturea
Eztabaidak Literatureagaz, Bilboko Udaleko Kultura eta Hezkuntza Sailaren ekimenean, Andrés Sorel eta Imanol Zubero egileek historian zehar literaturan gatazka belikoak, horreen zergaitiak eta ondorioak zelan jorratu diran aztertuko dabe datorren martitzenean, martiaren 12an.
Dohaintza-denporea, etxeko lana eta zaintza aztertzeko tresnatzat
2013-03-08 11:36
Denpora-banaketea aztertzeko metodologia kuantitatiboa eta kualitatiboa buztartzen ditu Matxalen Legarreta UPV/EHUko ikertzailearen proposamenak. Generoaren arabera, denpora-banaketan dagoan bereizketea aztertu dau Matxalen Legarreta UPV/EHUko soziologoak.
Miren Agur Meabek errealidadea eta fikzinoa lotu ditu 'Kristalezko begi bat' nobelan
2013-03-08 10:38 Kulturea
Miren Agur Meabek Kristalezko begi bat helduentzako lehenengo nobelea argitaratu dau Susa etxeagaz. Pintoreak autoerretratua margotzen dauen moduan idatzi dau nobela hau, dino liburuaren kontrazalak. Autofikzinoa eta autobiografia lotu ditu idazle lekeitiarrak behar barrian.
Delorean DJ Set, Joan S. Luna eta DSKTT Gasteizko Gauart egitarauan
2013-03-07 17:48 Musikea
Delorean taldeak DJ Set bat aurkeztuko dau bariku honetan, martiaren 8an, Gasteizko Artium Museoak eta Jimmy Jazz aretoak sustatzen daben Gauart musika elektronikoko programan. Emonaldian Joan S. Luna eta DSKTT taldeek be parte hartuko dabe.
Koke Martinezen arte surrealistea ikusgai dago Bizkaia Aretoan
2013-03-07 14:56 Kulturea
Jose Maria Koke Martinezek EHUri dohaintzan emondako 200 lanen aukeraketea da Koke Martinez and the Basque children of '37 erakusketa koloretsua. 1937an, Santurtzitik Southamptonera Habana ontzian joandako umeetako bat izan zan. Arte surrealistea, misteriotsua eta onirikoa, jorratu eban artista nafarrak Britainia Handian.
Bilbo, Donostia eta Gasteizko eleizbarrutiek eta Euskaltzaindiak lankidetza-hitzarmena sinatu dabe
2013-03-07 14:45 kulturbiz
Bilbo, Donostia eta Gasteizko eleizbarrutiek eta Euskaltzaindiak lankidetza-hitzarmena izenpetu dabe euskal onomastikearen eremuan alkarregaz jarduteko. Hitzarmena, Mario Iceta Bilboko gotzainak, Jose Ignacio Munilla Donostiako gotzainak, Miguel Asurmendi Gasteizko gotzainak eta Andres Urrutia euskaltzainburuak izenpetu dabe.
Andres de Mañarikuaren testu bildumea argitaratu dau Labayruk
2013-03-07 14:11 kulturbiz
Estudios acerca de la cristianización del País Vasco Andres de Mañarikuaren testu bildumea aurkeztu dau Labayru Ikastegiak. Kristinautasuna Euskal Herrian ezartzeko prozesua sakon jorratu eban historialari eta ikertzaile bilbotarrak. Ander Manterola izan da testu-hautaketea eta edizinoaren arduraduna.
Martiak 8: II. Climbing Girl Party Leioan
2013-03-07 13:47
Lehenengo edizinoaren arrakastea ikusita, martiaren 8an, 17:00etatik 20:30etara, Sakoneta Kiroldegiko Rokodromoan, Leioa Mendi Taldeak II. Climbing Girl Partya antolatu dau aurten be Leioako Udalaren eta herriko zenbait dendaren babesagaz.
Getxoko 9. Gaztai Azokeak 18 gaztaigile batuko ditu eguenetik domekara bitartean
2013-03-07 11:10 Jan edanak
Getxoko 9. Gaztai Azokea egingo da eguenetik domekara, martiaren 7tik 10era bitartean eta jatorri anitzeko 18 gaztaigile batuko ditu Algortako Geltokia plazan kokatuko diran saltokietan.
'Publikoari gorroto' lanak irabazi dau Donostia Antzerki Saria
2013-03-07 10:20 Kulturea
Manex Fuschek zuzendutako Publikoari gorroto antzezlanak irabazi dau Donostia Antzerki Saria. Ander Lipus aktore markinarra da antzezle nagusia. Donostiako Udaleko Euskara Zerbitzuak eta Donostia Kulturak aurreko urtean urian taularatu ziran euskerazko antzezlanen artean banatzen dau hau sari hau.
Bertso barnetegia Gorozikako aterpetxean
2013-03-07 09:23 Bertsolaritzea
Martian bertso barnetegia egingo da Gorozikako aterpetxean. Bertso eskoletako eta bat-batean lehen pausuak emoten dabilzan ume eta gaztetxuak batuko dira barikutik domekara, martiaren 8tik 10era, hain zuzen be.
Boteroren erakusketako 45 kartelen zozketeak 4.200dik gora partaide izango ditu
2013-03-06 17:32 kulturbiz
Danetara, 4.215 lagunek emon dabe izena www.bilbao.net webgunearen bidez, Bilboko Arte Ederren Museoan ikusgai izan dan Fernando Boteroren erakusketako 45 kartelen zozketan parte hartzeko.
Euskaltzaindiak Hiztegi Batuaren bersino barria aurkeztu dau, 42.942 formakoa
2013-03-06 14:53 Euskerea berbagai
Euskaltzaindiak Hiztegi Batuaren azken bersinoa aurkeztu dau, eta daborduko sarean dago konsultagai. Danetara, 42.942 forma ditu orain hiztegiak. Ekitaldi berean UZEI eta Akademiaren arteko lankidetza hitzarmena sinatu dabe erakunde bietako ordezkariek.
'Gidabaimena Euskaraz' kanpainan ehun gazte baino gehiago ibili ziran 2012an
2013-03-06 13:34 Euskerea berbagai
Gidabaimena aterateko azterketak euskeraz egitera animetan dituan kanpaineak hirugarren urtea bete dau eta gorako bidean dago. Izan be, 2012an, lehenengo aldiz gainditu da ehun parte-hartzaileren kopurua.
'Ni ere, UEU' kanpainea abiatu dau Udako Euskal Unibersidadeak
2013-03-06 12:27 kulturbiz
Udako Euskal Unibersidadeak Ni ere, UEU kanpainea ipini dau martxan. Erakundeak bizi dauen garai gogor honetan, UEU ezagutzera emon eta atxikimenduak jasotea da ekimenaren helburu nagusia. Sare sozialek garrantzi berezia izango dabe, eta bertan idazle, aktore, sukaldari eta zientzialari ezagunak ikusiko doguz, besteak beste, Pedro Miguel Etxenike, Juan Mari Arzak, Ilaski Serrano, Kirmen Uribe eta Gorka Otxoa.
Bilboko Udal Musika Eskoleak 'Belarritxar' ikuskizuna estreinauko dau Campos Antzokian
2013-03-06 11:47 Musikea
Bilboko Udal Musika Bandako irakasleek eguaztenean, hilaren 6an, batez be txikienei zuzendutakoa bada be, familiartean gozetako ikuskizun musikal dibertigarri barri bat estreinauko dabe Campos Antzokian. Belarritxar, musikearen bidaian Patxi Laborda jantza maisuak idatzitako eta zuzendutako kontzertu didaktikoa da eta 50 minutuko iraupena dauen euskerazko ipuin musikatu bat da.
'Hogeita abar urte' lelopean, maiatzaren 12an egingo dau Seaskak 30. Herri Urrats
2013-03-05 14:48 Euskerea berbagai
Seaskak Iparraldeko ikastolen aldeko Herri Urrats jaiaren 30. urtemugea ospatuko dau maiatzaren 12an, Senperen, Hogeita abar urte lelopean. Bixente Hirigarai Intxai bertsolariak sortu dau aurtengo leloa, eta Paxkal Indok logoa. Kantua, barriz, Xutik taldeak egin dau.
Andrea Abaliaren eta Lide Kaltzadaren 'Alter ego' erakusketa barria Bizkaiko Batzar Nagusietan
2013-03-05 13:09 Kulturea
Bilbon, Bizkaiko Batzar Nagusien erakusketa-aretoak Alter Ego erakusketa barria hartuko dau apirilaren 6ra arte, barriro be jentearen aurrean jarteko UPV/EHUko Arte Eder Fakultadeko artista gazteek egindako lana, hori guztiori Bizkaiko Batzar Nagusiek Euskal Herriko Unibersidadeagaz daben lankidetza hitzarmenaren barruan.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...