Shanghain etxea topau gura badozue...
2012-05-29 12:42 Bidaide
Bost urtean, nire etxea nabarmen txikitu da, lehengo erdia da orain, hain zuzen be. Ez nabil guzurretan: 100 metro koadro neukazan lehen, orain, barriz, 52. Arrazoia? Txinatar batzuei ez jakezala kanpoko kazetariak gustetan.
Dragoiak lehoien zaindari
2012-05-07 15:24 Bidaide
Lo egin bako beste gau bat Shanghain, atzera be. Bukaresten baino sei ordu gehiago. Baina, merezidu dau eguzkiak urten arte itzarrik egoteak. Badira hiru urte Txinako uriburu ekonomikoan bizi diran athletic zaleek taldearen koloreak harro jantzi zituenetik, eta oraingoan baikortasuna da nagusi. Aurten kopetakoren bat irabaziko dogu, ziur, dino Iriborio Ugartek.
Txina modearen ikur
2012-04-30 15:13 Bidaide
Luo Zilin-ena ez da edertasun txinatar tradizionala, izan be, milurtekoetan herri honetan nagusi izan dan ereduaren antitesia be izan daiteke: 183 zentimetroko altuerea dauka, edozein gizonezko kikildu eta lotsarazoteko modukoa, landa giroko emakumeen ohiko arpegiko larruazal baltzingoa eta Angelina Joliegaz lehiatzeko moduko ezpan haragitsuak ditu ezaugarri.
Barran jantzan, txinatar amesaren bila
2012-04-13 11:38 Bidaide
Zhang-ek dirua irabazteko emigrau eban Shanghaira. Diru asko irabazteko, hain zuzen be. Barran jantzan egiten ikasten dabil. Pentsetan ebana baino gogorragoa da. Zhang-ek ikusi dau arin irabazten dan diruak letra txikia daukala beti. Bezeroak mozkortu egiten dira, eta gu behartzen ahalegintzen dira. Txarrenak aberats barri gazteak dira.
Lotsaizunaren jostailuak (II)
2012-03-30 10:26 Bidaide
Inor ez da harritzen Txinako lantegietako lan baldintza gogorrakaz. The Sun egunkari britainiarrak Londreseko Olinpiar Jokoetan salduko diran pelutxezko maskoten ganean argitaratutako erreportaje batek polemika handia sortu dau. Made in China ipintea kontu bat da, eta beste kontu bat da saltoki baimenduek prezioaren % 50 hartzea.
Lotsaizunaren jostailuak (I)
2012-03-15 12:57 Bidaide
Gaur egun, Xuk 1.500 yuan inguru (180 euro) irabazten ditu hilean, gurasoak baino hiru bider gehiago. Baina, arnas-gaixotasun kronikoak izateko arrisku handia dauka, izan be pelutxeetako barrukoa sarritan toxikoa da.
Kazetarien akabua Chittagonen dago
2012-02-28 14:01 Bidaide
Bagenkian arriskutsua izango zala. Baina, Chittagoneraino horretarako bakar-bakarrik joan ostean, inork ez eukan bueltan joateko asmorik. Itsasontzi erraldoiak zatitzen dituen milaka behargin ia esklabuak ze baldintzatan bizi diran erakutsi gura genduan.
Huaxi, txinatar aberatsen herria
2012-02-10 14:45 Bidaide
Deigarriena herrixka horretan bizi diran ia 3.000 lagunen kontu korrontea da. Iturri batzuen arabera, hor bizi diranek bi miloe yuan (240.000 euro inguru) baino gehiago ditue gordailu eta finantza produktu desbardinetan. Bakotxa bere etxebizitzaren jaube da eta familiako gitxienez kotxe bat dago; horrezaz gan, urteko irabazien zati bat jasoten dau bakotxak urte amaieran.
Geldiro-geldiro, ailegau da ekoturismoa Txinara
2012-01-30 11:40 Bidaide
Lehen japoniarrak ziran turismo masiboaren paradigmea, baina orain txinatarrak dira nagusi. Hazkunde ekonomikoak eta azpiegituren ugaltze itzelak turista talde ikaragarriak eroan ditu Txinako bazter guztietara. Turistok ez dabe ingurumena eta bertako kulturearenganako errespeturik. Badira salbuespenak, Jiuzhai-ko parke naturala, esaterako.
Txinak auto elektrikoen alde egin dau
2012-01-11 14:18 Bidaide
Lehenengo begiratuan, Txina ekologismoaren antitesia da. Munduan gehien kutsatzen dauen herrialdeak gero eta ke gehiago botaten dau. Kutsadurearen ondorioen inguruko eztabaidea zabaldu da oraintsu Txinan. Egoerea larria dala konturatu dira batzuk, ezin dala larregi luzatu. Hori dala eta, Shanghaik uri elektriko bihurtzeko lehenengo pausuak emon ditu.
Txinan zonbiak edonon
2011-12-27 14:13 Bidaide
Txinan zonbi izena emoten jake programa automatiko batek sortutako erabiltzaile faltsuei. Profil irrealak dira, argazkirik bakoak, ez dago alkarreraginik ziberespazio horretan.
Dibertigarria izateak tragedia baino ez dakar
2011-12-16 14:51 Bidaide
Loboc herriko azokan erraz-erraz erosi daiteke tarsero bat. Prezioa: 500 peso (10 euro). Baldintza negargarrietan, kaiolatan eukiten ditue eta ezelako traba barik saltzen dira herritarren artean be.
GaudÃk badauka lehiakidea Vietnamen
2011-11-30 17:30 Bidaide
Hor dagoz sinistu ez egiteko moduko forma organikoak, muturrera eroandako neogotikoaren xehetasunak, eta zentzu bako espazioak: pasabide klaustrofobiko bat eta gela itzel bat. Bai, Antonio Gaudíren lan bat izan daiteke; nahiz eta Crazy House (etxe zoroa) honetako elementu batzuk Salvador Dalíren erloju bigunen antza handiagoa dauken.
Existiduten ez diran miloeka lagun (eta II)
2011-11-18 14:04 Bidaide
Rajirak sei urte ditu, eta PBKOJP gobernuz kanpoko erankudeko haurtzaindegian irakurten ikasten dabil. Gurasoek sei seme-alaba ditue, eta bat bera be ez dago inongo erregistrotan. Ez dira existiduten. Calcuttatik mila kilometro baino gehiagora, historia bera topau dogu. Thailandiako iparraldean, Arphaek daukan gauzarik baliotsuena nortasun agiria da.
Existiduten ez diran miloeka lagun (I)
2011-10-28 15:03 Bidaide
Nortasun agiria erabilten dauen bakotxean Zhang Shufang tristeziak jota ikusten dogu. Izan be, ez da hori bere izena, guzurretako nortasuna da, familian pasetako ezbehar baten ondorioa. Bera da nortasun agiriko argazkian agiri dan emakumea, baina ez da bere benetako izena. Zhang Shufangen antzeko hamaika kasu dagoz.Txinatar asko erregistrau barik dagoz, hori dala eta ez dira existidu be egiten.
Karim Nimri: 'Medikuek jentea osasuntsu eukitearren kobrau beharko leukie, ez gaixoak osatzearren'
2011-10-17 15:52 Bidaide
Karim Nimri (Bilbo, 1973) Txinako kulturea irakasle baten eskutik ezagutzeko asmoagaz etorri zan Txinara. Gaur egun, bilbotarraren helburu nagusia gorputzaren orekea lortzea da, hori da-eta txinatar medizina tradizionalaren oinarria, eta natureagaz bat eginez bizitea bere bai. Nexus China egitasmoa dauka orain eskuartean.
Morboa eta turismoa (eta II)
2011-09-23 12:11 Bidaide
Tailandian, Kwai ibaiaren ondoan, Tailandia eta Birmania lotzen zituan Heriotzearen Trenaren eraikuntzan hildako Koalizinoko 16.000 soldaduen (Danetara, 100.000 lagun inguru hil ziran) hilarriak agiri dira arduraz jagondako parkean.
Morboa eta turismoa (I)
2011-09-01 15:46 Bidaide
Leku gehienetan izugarrikerien museoak edegi ditue. Nagasakin, esaterako, bonba atomikoak 1945eko abuztuaren 9ko 11:02an eragindako kalte bildugarriak museo baten batu dira. Eraikinaren kanpoaldean isiltasuna eta tristezia dira nagusi. Uriaren zaratarik ez da ailegetan hara. 66 urte baino gehiago dira bonbeak dana txikitu ebala. Leherketearen erdigunean monolito baltz batek 70.000 hildakoak gogoratzen ditu.
Txinan bizikletak nagusi barriro be
2011-08-23 15:40 Bidaide
Gaur egun garraiobiderik popularrena da bizikletea eta adituen kalkuluen arabera, 130 miloe bizikleta inguru ibiliko dira Txinan, kotxeak baino 30 miloe gehiago.
Txinatarrak jaun eta jabe dira Asiako hondartzetan
2011-08-03 13:12 Bidaide
Txinatarren mirari ekonomikoa ondoen Phuketeko hondartzetan ikusten da. Thailandiako harea zuridun hondartza ospetsuetan, edo irribarren herriko ur gardenetan, Dragoi Handiko biztanleak gustura dagoz superpotentzia izateak ekarten dituan onurekaz. Turismoa haziz doa eten barik. Igaz 57,39 miloe joan ziran kanpora, 2009an baino 9 miloe gehiago. Danetara, 48.000 miloe dolar gastau zituen.
Hobe ez pentsatu, baina bai begiratu aurrean daukazuna. Bai ta ere arroza bada!
»» Arriskuak ahaztu