Urre bilatzaileak Mongolian (eta II)
2016-02-17 14:37 Bidaide
Urrea herrialdetik kanpora eroatea galarazoten dogu eta meatzaritzako beste multinazional batzuek eta beste ninja batzuek ez bezela, ingurumena jagoten dogu, ahalik eta gitxien kutsatzen saiatzen gara eta Asia Foundation erakundeagaz alkarlanean programa berezi bat abiarazo dogu beren-beregi eregitako instalazinoetan lurra birziklatzeko.
Mongoliako urre bilatzaileak (I)
2016-01-28 17:08 Bidaide
Garrantzitsuena familiari jaten emotea da. Eta duda barik, urreari esker bizimodu duina darabile. Urre gramua 55.000 tugriks (26 euro) pagetan dabe eta prezioak merkaduaren araberako gorabeherak izaten dituan arren, egunean 100.000 tugriks (47 euro) ateratea ez da arraroa.
Laosen esentzia Luang Prabang eta inguruetan
2016-01-11 14:24 Bidaide
Leku turistiko askok amu ezin hobea dabe sustapenerako, leku horreek ezagutarazoteko. Munduan nork ez ditu ezagutzen Pariseko Eiffel Torrea, Pekineko Galarazotako Uria edota Bilboko Guggenheim; kontua da ze, aitatu leku horreetako batzuetan paisajeaz eta ikonoa dan eraikinaz gan, ez dagoala aparteko besterik jentea erakarteko.
Europako zuztarrak eta garagardao burbuilak Txinan
2015-12-30 10:36 Bidaide
Beharbada inoz ez dozue Qingdao izena entzun. Zuzen ahoskatzea be gatx egingo jatzue. Baina ezagunago egingo jatzue seguruenez Tsingtao. Azken berba hori ezagunagoa izateko arrazoia Txinako garagardao ospetsuenaren etiketetan dago. Txina ipar-ekialdeko kostaldeko uri horren omenez ipini eutsien izen hori garagardaoari, Beijing esateko artean Pekin erabilten zanean. Europako jatetxe txinatar askotan emoten dabe eta edarien arloko Asiako erraldoiaren esportazinorik ezagunena bihurtu da.
Traba bako munduko azken bazterra
2015-12-11 14:34 Bidaide
Mongoliako estepa amaierabakoan aberia bat izatea lako esperientzia gogaikarriagorik ez dago. Lur orotarikoak martxan jarri gura ez dauenean, hasieran irribarretxua egingo dogu eta Frantziaren azalerearen hirukotxa dauen herrialde erraldoi, basati baina eder honen erdian, isiltasunaz gozauko dogu.
Irudimena behar da hegaldietarako txartelen salerosketarako (eta II)
2015-11-30 14:13 Bidaide
Hegaldietarako txartelen kasuan legez, hotel asko be sartu dira hegazkin konpainien estrategian eta diru kopuru txiki gehigarria ordainduta gela hobea lortzeko eskaintzak zabal dabiz. Bidaiariak sentidu behar dau benetako eskaintzea egin deutsiela eta azkenean pentsetan ebana baino gehitxuago ordainduko dau premium zerbitzua jasoteko.
Irudimena behar da hegaldietarako txartelen salerosketarako (I)
2015-11-10 14:37 Bidaide
Industria turistikoak trikimailu ugari asmau ditu bezeroek gehiago gastau deien. Gaiaren harian, aditu batzuen eretxiz, txartel merkearen eta Business Class izenekoaren tartean dagoan Premium Economy txartel-kategoria barria, gero eta hegazkin konpainia gehiagok erabilten dabena, aitatu estrategiaren barruan dago.
Larrosa koloreko justiziazaleak
2015-10-29 10:26 Bidaide
Orain dala hamarkada bat sortu eban Sampat Pal-ek Sari Larrosadun Emakumeen Bandea. Dagoeneko 400.000 kide dituan alkarte horrek ez deutso indarkeriari uko egiten Indiako patriarkaduaren aurkako burrukan.
Shanghai kalidadeko sukaldaritzearen erdigune
2015-09-29 15:49 Bidaide
Daniel Negreira, Euskadin sukaldaritza ikasketak egin eta Shangháira heldu aurretik, Taiwanen trebatutako kozineru galiziarrak dinoanez, Espainiako sukaldaritzeak munduan indarrik ez badauka edo irudi eskasa badauka espainiar enpresarioena eurena da errua sustraiei, jatorriari eta euren filosofiari ez deutsielako behar besteko baliorik emoten.
Txina basatia eta ikusgarria
2015-09-09 12:48 Bidaide
Lurreratu eta segundu batzuk nahikoa dira jaubetzeko lurraldean Txinako bost izar beilegi dituan bandera gorria ikusi arren, Xinjiang eskualdea beste gauza bat dala. Etnia nagusiaren begi zeihar eta arpegi biribilik ia ez dogu ikusiko eta turkiar jatorriko eta erlijino musulmaneko uigur etniaren arpegiera gogor eta mendebaldartutakoak nagusi dira.
Burruka librearen monjeak
2015-08-26 12:50 Bidaide
Arratsaldeko bost eta erdiak dira eta India iparraldeko Haryana estaduko zeruertxean eguzkia agur esaten hasi bada be, bero dago, 35 gradu baino gehiago. Baina hori ez da arazoa. Lehenengo ikasleak hasi dira okasinorako atondutako lursailera hurreratzen eta gerripeko txikiak jantzita beharrari ekiten deutsie.
Txinako bost hotel konpainia, hostalak baino hobeak
2015-07-23 11:15 Bidaide
Txinak pagotxa izateari itxi deutso. Euroaren beherakadeak, bertako txanponaren -yuan-aren- etenbako gorakadeak eta hazkunde ekonomikoak dakarren inflazinoak, nabarmen garestitu ditu Asiako erraldoian zeharreko biajeak. Danak ez dira albiste txarrak, baina. Azkanengo hamarkadan, 'low cost' hotelen konpainiak be ugaritu egin dira, lehenengo uri handietan eta, orain, ia herrialde guztian. 'Ona, polita, merkea' filosofiak gidatutako bost frankizia garrantzitsuenak aztertu ditu Zigor Aldamak.
Mozorrotuta eguzkiaren kontra
2015-07-10 15:40 Bidaide
Gure produktu salduenen artean dago uretan medusen bildur barik sartzeko babesa dauen bainujantzi berezia baina medusek kalte handiak egin eutsiezan lagun batzuei arpegian eta sama bueltan eta horregaitik diseinau neban arpegia babesteko nylonezko maskara berezi hori adierazo dau.
'Birmaniako herritartasuna onartzen jaken arte, ez da konponduko rohingya etniakoen krisia'
2015-06-26 15:47 Bidaide
Milaka rohingya noraezean daroazen ontzien kontua, garbiketa etnikorako Birmaniako Gobernuaren estrategiaren parte da. Herritartasuna ukatzea, jaubetzak eta mobimentuak mugatzea eta jaiotzak indarrez kontroletea moduko teknika errepresiboakaz, jentea gosez hil eta tortura eta jazarpenaren ikaraz bizitera eroan dabe. Halandaze, askok nahiago dabe itsasoan hiltera arriskatu, euren herrian bertan sufriduten segidutea baino.
'Bidaien etorkizuna eskuko telefonoetan dago'
2015-06-12 14:58 Bidaide
Txinan hazkunde handiena bizi daben sektore biak buztartzea edozeinen amesa izan daiteke. Eta Qunarrek jakin izan dau hori egiten. Txinako online bidezko bidaia-agentzia handienak turismoaren susperraldia eta merkataritza elektronikoak azkenaldian hartu dauen indarra aprobetxau eta hutsetik hasita, oso denpora tarte laburrean, erraldoien artean kokatzea lortu dau.
Txina harri-kartoizko postal bihurtu da (II)
2015-05-15 15:51 Bidaide
Kashgarreko eraikuntza barrietan jatorrizko fatxada okre eta bestelako osogaiei eusten deutsie. Izan be, eraikuntza horreetako batzuetan jatorrizko burdineria ikus daiteke ate, lehio eta balkoietan. Urruneko intxaurrak hamalau hurreratu eta lau, esaera zaharrak dakarrenez, kasu honetan be holan da, hurreratu ezkero, argi ikusten dalako kontratautako beharginak ez dirala artisauak.
Txina harri-kartoizko postal bihurtu da (I)
2015-04-30 13:32 Bidaide
Kashgarren biztanle gehienak uigur etniakoak dira, jatorri turkiarrekoak, islamiar erlijinokoak eta mendebaldeko arpegieradunak. Pekinetik ia 4.000 kilometrora dago. Indar ekonomikoa ez da buruzagi txinatarrek Kashgarren indarbarritu gura daben gauza bakarra.
Ulan Bator, herri nomada baten bihotz sedentarioa
2015-04-13 11:27 Bidaide
Horren erakusgarri, nomada zahar horreetako 900.000 mila inguru Ulan Batorren bizi dira mobiduteko ezelako asmo barik. Ganera, urtetik urtera 30.000 - 40.000 gehiago dira erabagi hori hartzen dabenak eta kopuru handia da hori Frantziaren eremuaren hirukotxa dauen herrialdeko biztanleak oraintsu hiru miloera heldu dirala kontuan hartuta.
Etxe adimenduna txinatarra da
2015-03-30 17:37 Bidaide
Etxetresna elektriko ganorabakoaren eta adimendunaren arteko aldea 10 bat yuanekoa baino ez da, hau da, 1,5 euro ingurukoa. Txinako marka handienetakoa dan Mideako I+D saileko zuzendari Mao Hongjianen esanetan, batez beste horixe da etxetresnetan Interneterako konekzinoa eta urrutiko kontrolerako programak jarteak dakarren kostua.
Seul, ekonomia kolaboratiboaren munduko uriburu (eta II)
2015-03-17 14:32 Bidaide
Norizzangek altzari zaharrak birzikletan ditu. Gure helburua beste bizitza bat emotea da, dino enpresako zuzendari Ahn Yeonjung-ek. Jenteak botaten dauena batzen dabe eta euren egoitza nagusira eroaten dabe. Kargak garraiatzeko eukiontziz eginda dago egoitzea, eta uriburuko aparkaleku arraro baten dago kokatuta. Hamahiru langile ditu start up honek. Armairuak, mahaiak eta aulkiak zatitzen ditue, eta egur horregaz altzari barriak egiten dira.
Hobe ez pentsatu, baina bai begiratu aurrean daukazuna. Bai ta ere arroza bada!
»» Arriskuak ahaztu