Bizkaie!

'Nömadak Tx', Oreka Tx taldean oinarritutako filma, Zinemaldiko Zabaltegi Bereziak atalean estreinauko da

Lan honek bi musikariek Indiara, Mongoliara, Saharara eta Laponiara egindako bidaiak erakusten ditu. Txalapartea joteko lehengai eta soinu barrien bila egindako bidaiak izan dira, beste kultura eta jatorrizko personen bila egindako bidaiak, txalaparta horreen guztien topagune bihurtu daiten.

Elhuyar Atlas eguneratuan ez da Pluton agertzen

Elhuyar Atlasa (Munduko eta Euskal Herriko atlasa) argitaratu barri dau Elhuyar Fundazinoak. Nazinoarteko Astronomoen Batzordeak pasa dan astean emondako eguzki-sistemearen sailkapen barria jasoten dau, planeta barriakaz eta Pluton barik.

Leioa, Basauri, Erandio eta Sestaon 154 kale-musikarigaz egingo da Musikale irailaren 15etik 17ra

Leioa, Basauri, Erandio eta Sestao udalerri bizkaitarrek irailaren 15 eta 17ko astegoienean hartuko dabe Kaleko Musikarien Nazinoarteko VI. Topaketea, 'Musikale' bezela ezagutzen dana, eta danetara 12 konpainia desbardinetako 154 kale-musikarik hartuko dabe parte aurten.

Euskadiko Orkestreak 94 musikari izango ditu udagoienean

Bost plaza barriren lehiaketeagaz, Euskadiko Orkestra Sinfonikoak bere musikari zerrendea handituko dau aurtengo udagoienean.

Igaz baino % 14 turista atzerritar gehiago etorri da aurten EAEra

550.000 turista atzerritarrek bisitau dabe aurtengo lehen zazpi hilebeteotan EAE, igaz baino % 14,2 gehiago. Industria, Turismo eta Merkataritza Ministerioak Frontur inkestako datuetan oinarrituta emon ditu kopuruok. Horrenbestez, turista atzerritar gehien jasoten dauen autonomia erkidegoetan bederatzigarrena da EAE.

Sagarroi taldeak Japoniara eroango ditu reggae, cumbia eta ska doinuak

Sagarroi talde euskaldunak lau kontzertuko bira bat hasiko dau Japonian datorren asteko eguaztenean, hilaren 30ean; taldearen azken diska, 'Toulouse' izenburukoa eta reggae, cumbia eta ska doinuez beterikoa erakutsiko deutse japoniarrei.

Euskeraz egindako ‘Bilbainadak’ plazan

Abuztuaren 25ean aurkeztuko da diskoa Bilbainaden XVIII Lehiaketako irabazleen sari banaketa ekitaldian eta danetara 500 kopia argitaratuko dira.

Getxoko XI. Folk Jaialdiak munduko doinuak izango ditu protagonista irailaren 1etik 4ra

Getxoko Nazinoarteko Folk Jaialdiaren XI. edizinoan Salif Keita, Kepa Junkera, Hedningarna eta Enzo Avitabile i Bottari izango dira kontzertu nagusietan baina beste zortzi talde jardungo dira, irailaren 1etik 4era bitartean.

Lee Miller New Yorkeko artistearen 54 argazki ikusgai Bilbon

BBKren erakusketa aretoan, Bilboko Kale Nagusiaren 32. zenbakian, abuztuaren 21etik urriaren 5era Lee Miller (1907-1977) artistearen 54 argazki egongo dira ikusgai ‘Lee Miller eta surrealismoa’ izenburuko erakusketan.

Urgabe grabazino lanetan buru-belarri

Lan barri honek, Urgaberen azken diskoak hartu eban bidetik jarraituko dau estiloari jagokonez, gitarrei presentzia handia emonaz eta ahots sendo eta melodiko bategaz.

Euskal Herriko Pelota selekzinoak lagunarteko bat jokatuko dau Mexikon

Euskadiko Pelota selekzinoak Mexiko DFn abuztuaren 31tik irailaren 9ra jokatuko dan lagurarteko lehiaketa batean hartuko dau parte, hango 'euskaldunen' kontra jokatuz eta bide batez irailaren 13tik 16ra Acapulcon jokatuko dan Munduko Pelota Txapelketearen aurre-preparazinoa egingo dau.

Gipuzkoako Diputazinoak sarean jarri ditu 1981etik onartutako 3.639 foru-xedapenak

Zerbitzu barri hau 3.639 xedapeneko dokumentu-base bat da eta edozein momentutan foru-legegintzara zein Euskal Herriko eta Estadu Espainiarreko aldizkarietara sarrera zuzena eskainiko dau.

Gose arrasatearren arrakastea

Arrasateko Gose taldeak Bartzelona urian hiru kontzertu eskaini ditu abuztuaren 15, 16 eta 17an, eta atara daitekeen ondorio bakarra berba batek adierazoten dau: arrakastea.

'Udako Eskola'-ren VIII. edizinoan 163 ikaslek parte hartu dabe

'Ikasi eta ondo pasa' izan da 2006ko 'Udako Eskola'-ren goiburua eta bertan 11tik 16 urtera bitarteko 163 ikaslek hartu dabe parte, 53 neska eta 110 mutikok, F. Goya (41), Felix Serrano (41), E. Campuzano (41) eta San Ignazio (40) ikastetxeetakoak.

Atzerriko doinuak euskal aretoetan

‘Noise On Tour Promotions’ musika enpreseak abuztuan, irailean, urrian eta azaroan euskal musika aretoetara 15 rock talde ekarriko ditu, Mother Superior, Gallon Drunk eta The Dexateens, besteak beste.

Munduko surflari onenak barriro Mundakan

Association of Surfing Professionals (ASP) dalakoak Munduko Surf Zirkuituko proba bat barriro Mundakan egitea erabagi dau, ‘Billabong Pro Mundaka’ deituko dana, datorren urriaren 3tik 14ra bitartean. Munduko 45 surflari onenak batuko dira herri bizkaitarrean 300.000 euroko sarien bila.

Musikea eta jantzea nagusi Berangoko II. Folklore Jaialdian

Poloniako Zespol Piesni i Tanga Bestwina, Alemaniako Tanz und Folkloreensemble Ihna, Euskal Herriko Iruriko Dantzariak eta Xiberotarrak (Zuberoa) eta Otxandategi Dantza Taldea (Berango), eta Mexikoko Mariachi Mexico Lindo taldeek hartuko dabe parte abuztuaren 18, 19 eta 20an Berangoko II. Nazioarteko Folklore Jaialdian.

Bob Dylanek abuztuaren 29an kaleratuko dau lan barria

Bost urtez grabazino estudioetatik urrun ibili ostean, Bob Dylan musikari estadubatuarrak hamar kanta barri batzen dituan ‘Modern Times’ disko barria kaleratuko dau.

1941eko maiatzaren 24an Duluthen (Minnesota, AEB) jaio zan artisteak argitaratuko dauen 44. diskoa izango da, 1962. urtean lehenengoa atara ebanetik.

Segunduko blog barri bi sortzen dira

Weblogak edo Sarean dagozan eguneroko personalak nabarmen ugaritu dira Interneten azken urteotan. Oraintsu egindako ikerketa baten arabera, orain dala hiru urte baino 100 bider blog gehiago dagoz.