Lau langiletik hiruk ez dabe euskerea jakingo Osakidetzan
2006-11-03 01:00 Euskerea berbagaiOsakidetzaren lan deialdian, barriro be, Kontseiluak eta Behatokiak atzemon dabe hizkuntzearen normalizazinoan ez dala aurrera egingo. ‘Lau langiletik hiruk ez dabe oraindino euskerea jakingo Osakidetzan’, adierazo dau Kontseiluko idazkari nagusi Xabier Mendigurenek.
2048rako beharbada ez da arrantza-erreserba nahikoa izango mundu mailan
2006-11-03 01:00
Halifax uri kanadarrean dagoan Dalhousie Unibersidadeko ikerketa baten arabera, 2048. urterako beharbada ez da arrantza-erreserba nahikoa izango mundu mailan. Ikerlana aste honetan argitaratu da ‘Science’ aldizkarian.
Abian da Bilbao Hiria Pop Rock Lehiaketearen 19. edizinoa
2006-11-03 01:00 Musikea
Lehiaketan bi fase egongo dira. Lehenengoa izena emoteko fasea izango da; abenduaren 31 baino lehen izena emon beharko dabe parte hartu nahi daben talde guztiek. Taldeek gitxienez eurek sortutako hiru abesti batzen dituan maketea edo disko bat aurkeztu beharko dabe, ezin dabe disko bat baino gehiago editauta euki, eta ezin izango dira aurkeztu aurreko edizinoetan lehen edo bigarren saria lortu dabenak.
Deustuko argazki historikoak batu ditu Luzuriagak
2006-11-02 01:00
Txema Luzuriagak ‘Deustuko Argazkiak. Herria’ izeneko liburuan Deustuko errepublikea izan zanaren argazki historikoen bilduma potoloa egin dau. Liburuko 176 orrietan, 300 bat argazki batu ditu.
Kirmen Uribe Taipeiko Nazinoarteko Poesia Jaialdian dago
2006-11-02 01:00 Euskaldunak munduanPoesiaren ganeko berbaldia emon eta poesia irakurraldia egingo dau zemendiaren 7an Kirmen Uribek. Zemendiaren 4an hasiko da jaialdia eta Uribek zabaltzeko ekitaldian parte hartuko dau, ganerako idazle konbidatuekaz eta bertako beste hainbat idazlegaz batera.
Animalien defentsarako alkarteak zigorrak gogortzearen alde
2006-11-02 01:00
Animaliak babesteko Zigor Kodea aldatu eta zigorrak gogortzea eskatzen dogu, behar izan ezkero, tratu txarrak emon dabezanak kartzelara bialtzeko eta etxabererik sekula euren pentzutan egon ez daiten.
Xabier Lete: zaharrak barri
2006-11-02 01:00 Musikea
Zemendiaren 10ean, Xabier Letek ‘Abestitzak eta poema kantatuak’ liburua eta plazaratu ebazan lehenengo 3 diskoak formatu barrian eta soinu barrituagaz aurkeztuko ditu Elkar disketxearen eskutik. ‘Xabier Lete’ (1974 / Artezi), ‘Kantatzera noazu’ (1976 / Artezi) eta ‘Lore bat, zauri bat’ (1977 / Herri Gogoa) dira diskoak.
Lanonima Imperial taldeak 20. urteurrena ospatuko dau Bilboko Arriagan
2006-10-31 01:00 Kulturea
Lanonima Imperial dantza konpainiak bere 20. urtemugea ospatuko dau Bilboko Arriaga Antzokian egingo dan mundu mailako estreinaldi bategaz. Euripidesen ‘Bakanteak’ tragedia greziarrean oinarritua, eta mobimentua, melodia eta irudia buztartuz, ‘A la nit ferida pel raig’ estreinauko da mundu mailan antzoki bilbotarrean zemendiaren 2 eta 3an
Galeusca 2006 topaketek tabua izango dabe ardatz
2006-10-31 01:00 jardunaldiak
Euskal Idazleen Elkarteak antolatuta, Galeusca 2006, Galiziako, Euskal Herriko eta Kataluniako idazle alkarteen topaketak Iruñean egingo dira aurten, zemendiaren 1etik 4ra.
Getxoko XXI. Udagoieneko Kontzertuak Maria Bayo sopranoagaz hasiko dira
2006-10-31 01:00 Musikea
Maria Bayo soprano fiteroarrak, gaur, zemendiak 2, Getxo Antzokian 20:00etatik aurrera emongo dauen kontzertuagaz hasiko dira Getxoko XXI. Udagoieneko Kontzertuak. W.A. Mozarten, Jose de Nebraren, Oscar Esplaren, Eduard Toldraren eta Xabier Montsalvagen piezak eskainiko ditu abeslari nafarrak, Roger Vignoles piano-jolearen laguntzinoagaz.
Rocka eta Poesia Leioan
2006-10-31 01:00 Musikea
Rock-a eta poesia buztartu guran, Rock-a eta Poesia Lehen Jardunaldiak izango dira Leioan zemendiaren 2, 16, 23 eta 30ean. Gari, Juan Carlos Perez, José Ignacio Lapido, Quique Gonzalez, Aurora Beltran, Antonio Vega, Niko Etxart eta Josele Santiagok roc-ak dauen poesia erakutsiko deuskue.
Gorka Lazkano nagusi Igorren
2006-10-30 01:00 Bertsolaritzea
Igorreko Kultur Etxean 350 bat lagun batu ziran eta hurreratutakoak ez ziran damutu bertsolarien beharragaz. Gorka Lazkano eta Joseba Gojenolaren arteko burrukan lehenengoa nagusitu zan.
Gernikako XXVIII. Urriko Azken Astelehena
2006-10-30 01:00Euskal nekazaritzako produktuen hitzordu nagusietako bat da Gernikakoa. Azokeak, BBK-k itxitako 280 postu baino gehiago izango ditu Gernikako urigunean (Juan Calzada -74 -, Pablo Picaso -22-, Artekale -44-, Industria -40-, San Juan Ibarra Enparantza -26-, Pasealekua -74-).
Suberte txarra Unai Basurkorentzat: Vigon sartu da arazo teknikoakaz
2006-10-30 01:00 Euskaldunak munduan
Urriaren 22an, Velux 5 Oceans (Munduari itzulia, bakarka eta geldialdi bigaz, Fremantle, Australia eta Norfolk, AEB) estropadeari ekin eutsenetik, arazoakaz birritan porturatu behar izan dau portugaletearrak
Zientzia eta Teknologiaren V. Astea Bilbon zemendiaren 8tik 11ra
2006-10-30 01:00
Publikoak hegazkinek zelan egiten daben hegaz, hotzaren propiedadeak zeintzuk diran, Bilboko eraikinetan erdi estalirik dagozan fosilak deskubridu, geugaz batera bizi diran mikroorganismoak ikertu... Eta eguneroko elementuetan be zientzia eta ezusterako lekua dagoala ikusteko aukerea izango dau.
Bilboko Liburu Zahar eta Okasinokoaren XXXVIII. Azokea martxan
2006-10-27 02:00 Kulturea
Urriaren 27tik zemendiaren 12ra bitartean, Bilboko Arenalean jarritako stand edo salmenta tokiak bisitau daitekez ondoko ordutegian: astelehenetik barikura, goizez, 11:00etatik 14:00etara eta arratsaldez, 17:00etatik 21:00etara. Zapatu, domeka eta jai egunetan, ordu erdi gehiago.
AED elkarteak eta Elkar argitaletxeak 2006ko Literatur Nobel saridunaren ‘Kar’ eleberria euskeratzeko saria deitu dabe
2006-10-27 02:00
Sariaren antolatzaileek jakinarazo dabenez, 2006an Suediako Akademiak Orhan Pamuk idazle turkiarrari emon deutso Literaturako Nobel Saria, eta Jokin Zaitegi Sariketearen helburua Pamukek idatzitako ‘Kar’ (Edurra) eleberria itzultzea izango da.
Unai Basurko itsasoan barriro
2006-10-27 02:00 Euskaldunak munduan
Unai Basurko (‘Pakea’) eta Graham Dalton (‘A Southern Man-AGD’) barikuan goizeko 10:10ean abiatu dira Getxotik ipar-ekialdeko haizeagaz eta giro ederragaz.
EuskoTrenek lurrun trenen zirkulazinoak eskainiko ditu
2006-10-27 02:00
EuskoTrenek lurrun trenen hiru zirkulazino eskainiko ditu Azpeitia eta Lasao artean. Urriaren 28an, bi zirkulazino eskainiko dira, eguerdiko 12:30etan eta arratsaldeko 18:00etan; domekan, barriz, zirkulazino bakarra eskainiko da, eguerdiko 12:30etan.
Atom Rhumbaren bolada barria
2006-10-27 02:00 Musikea
Aurreko lau diskoak ‘Munster’ disketxeagaz atara ostean, Atom Rhumba bilbotarrek Oihukaren eskutik aurkeztu barri dabe ‘Amateur Universes’ izeneko lana. Orain arte euren izaerea marketan eban musika baltzaren eragina gitxiago igarten dala dinoe taldekideek. Zuzenekoetara begira dagoz eta urtarrilean ekingo deutse bireari.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...