Bizkaie!

Euskadiko Mendiko Zinemaren I. Jaialdia egingo da abenduaren 15etik 20ra bitartean Gasteizen

Uriburu gasteiztarreko Europa Jauregian eskainiko dira jaialdiko emonaldi gehienak. Mendi jaialdiaren helburua bikotxa da: mendiaren ganeko filmak publikoari helarazotea eta dokumentu horreetako protagonistak eta egileak eurak be ikusleei hurreratzea. Danetara, 20 emonaldi eskainiko dira.

Bizkaiko Emakumeen Asanbladeak jasoko dau 2008ko Bardintasunerako Emakunde Saria

Asanbladea 1976. urtean sortutako mobimentu feministea da eta bere helburuak dira emakume eta gizonek bizitzaren alor guztietan eskubide bardinak izatea, bai hezkuntzan, osasunean, lanean, eta parte-hartze sozial eta politikoan be.

Bizkaiko 38 udalerritako merkataritza-gunek emon dabe izena Erakusleihoen Lehiaketan

Bilboko Merkataritza Ganbereak antolatzen dauen Bizkaiko Erakusleihoen Lehiaketako 25. edizinoan 650 merkataritza-gunek parte hartu dabe.

Epaimahaiaren erabagia datorren urteko urtarrilaren 20an jakinarazoko da Bilboko Euskalduna Jauregian, sariak banatzeko egingo dan ekitaldian.

Bermeon, merkataritzearen hizkuntza-egoerea ezagutzeko kanpainea abiarazo dabe

Bermeoko merkataritzearen hizkuntza-egoerea ezagutzeko helburuagaz, Udaleko Euskera Sailak 475 denda, taberna eta bestelako establezimentu bisitauko ditu. Jasotako datuak 2001ean egindako diagnostikoaren datuakaz alderatu eta Euskera Sailak eskaintzen dituan hizkuntza-zerbitzuak barriro ezagutzera emon eta zabalduko dira.

Ehun gazte baino gehiago batuko dira zapatuan Kameratoian parte hartzeko

Erlojuaren kontrako lehiaketa honetan, izena emon daben 20 taldeek hamar orduko epea izango dabe gehienez hiru minutuko bideo baten gidoia idatzi, irudiak grabau eta edizino lanak egiteko.

Sagarroi taldeak Errusian joko dau

Ska, reggae eta rock musika estiloak jorratzen dituan Sagarroi taldeak 'Mockbatik Moskura' izeneko bireari ekingo deutso abenduaren 11tik 20ra bitartean, Errusiako uriburuan hasiz eta Irungo alde zaharrean (aspalditik Mosku izenagaz ezaguna) amaituz.

EHUko Arte Ederren Fakultadeak Bizkaiko Aldundiaren diru-laguntzinoa jasoko dau moda diseinuaren titulu propioa sortzeko

Titulazino propioaren asmoa da ikasketa ofizialen planetan jasota ez dagozan ikasketak eskaintzea eta goi mailako tituludunen prestakuntza akademikoa osotzea, garapen profesionala, zientifikoa, teknikoa edo artistikoa hobetuz.

Euskerearen 'oreka hauskorra' taula ganera eroango dau Kontseiluak

'Euskereak egun bizi dauen egoerea irudikatzeko zirkoko zenbait numero erabiliko doguz. Orekeagaz jokatzen daben numeroak dira nagusi, hain zuzen be. Orekea galtzeko arriskuan egonda be orekearen bila dabilzen artistak eta eszenaratzeak izango dira ardatz'.

Euskaltelek web orriaren diseinua barritu dau

'Euskaltelek leiho barria edegi deutso gizarteari, Interneten bidez, eta ekintza barri hau martxan jarteak bultzadea eta konpromiso barria ekarriko deutsez eguneratzeari eta funtzionalidade, diseinu eta edukien garapen barriei', azaldu dabe konpainiatik.

Stephane Hessel giza eskubideen defendatzaileak jasoko dau Parisen, Unesco/Bilbao saria

Giza Eskubideen Aldeko Kulturea Sustatzeko Unesco/Bilbao saria Stephane Hessel giza eskubideen defendatzaile historikoak jasoko dau. Ekitaldia Parisen izango da abenduaren 10ean eta kulturearen eta politikearen munduko Europa osoko jentea alkartuko dau, adierazpen horrek nazinoartean dauen garrantzia gogorarazoteko.

Finalaurreko ederrean Unai Iturriagak finalerako txartela eskuratu dau

Getxon, Erromoko Santa Eugenia plazako karpan, 1200 bat bertsozaleren aurrean, saio ederra eginaz, zuzenean finalera sailkatzea lortu eban Unai Iturriagak. Getxoko saioan 575,5 puntu batu zituan durangarrak. Finalean Igor Elortza, Xabi Paya, Etxahun Lekue, Fredi Paia, Onintza Enbeita, Iratxe Ibarra eta Arkaitz Estiballes izango ditu arerio.

Euskaltzaindia Durangoko Euskal Liburu eta Disko Azokan

Urtero legez, aurten be Durangoko Azokan izango da (Abenduaren 5etik 8ra) Euskaltzaindia. Urte osoan argitaratutako liburuak izango ditu salgai. 'Piriniotako hizkuntzak: lehena eta oraina' erakusketea be zabalik egongo da Durangon, Elkartegian (Landako etorbidea 4), Azoka egunetan.

'Euskaraz bai', Durangotik Barakaldora

Bihar, abenduak 6, sortu zaneko 11. urteurrena beteko dauen egunean, beren konpromisoa berretsi eta euskerearen aldeko lanean 'Pauso bat harago' joateko eskatuko deutse Kontseiluak herritarrei Durangoko Liburu eta Disko Azokaren barruan.